Categories: Gujarat

‘પોકેમોન ગો’ વેબસાઈટ પરથી ડાઉનલોડ કરવામાં ડ્રોઈડજેક વાઈરસનો ખતરો!

અમદાવાદ: અમદાવાદ કે ગુજરાત જ નહીં પરંતુ સમગ્ર દેશ અને વિશ્વના ટીનેજરો અને યુવાનોમાં પોકેમોન ગો નામની ગેમે ભારે ક્રેઝ ઊભો કર્યો છે. જોકે હજુ તેને ગૂગલ પ્લે સ્ટોર, એપલ એપ સ્ટોર અને વિન્ડો સ્ટોર પર લોન્ચ કરવામાં અાવી નથી. જેના કારણે અમદાવાદ સહિત દેશભરના યુવાનો દ્વારા યેનકેન પ્રકારે ‍અનઅોફિશિયલ રીતે અા ગેમને ડાઉનલોડ કરવાના પ્રયાસો થઈ રહ્યા છે.

અનઅોફિશિયલ રીતે ડાઉનલોડ કરાયેલી ગેમની એપીકે ફાઈલમાં વાઇરસ હોવાથી મોબાઈલધારકોને ભારે અને અનેક રીતે નુકસાન પહોંચાડી શકે છે. જેથી અા ગેમને ડાઉનલોડ કરી હોય તો તેને તાકીદે દૂર કરવી જોઈએ, તેમ અાઈટીના જાણકાર સૂત્રોએ જણાવ્યું હતું.દેશ-વિદેશના ટીનેજરો અને યુવાનોમાં જબરદસ્ત ક્રેઝ ઊભો કરનારી પોકેમોન ગો નામની ગેમ એક અોગુમેન્ટેટ રિયાલિટી એપ છે, જે કેમેરા અને જીપીએસ દ્વારા કામ કરે છે. જેમાં પોકેમોન નામના વર્ચ્યુઅલ ક્રિયેચરને પકડવાનું હોય છે, જે ડિવાઇસના કેમેરામાં દેખાય છે.

અા ગેમના પાત્રના સ્થાને મોબાઈલધારક પોતે હોય તે રીતે રિયલ જિંદગીમાં વર્તન કરે છે. અા પોકેમોન ગો ગેમ ગૂગલ પ્લે સ્ટોર અને એપલ એપ સ્ટોર ઉપર અમેરિકા, જાપાન, અોસ્ટ્રેલિયા, ફિલિપાઈન્સ, ન્યૂઝીલેન્ડ, બ્રિટન અને જર્મનીમાં ઉપલબ્ધ છે. જ્યારે અા ગેમ બનાવનાર કંપની દ્વારા અાગામી ટૂંક સમયમાં ભારત, સિંગાપોર, તાઈવાન અને ઈન્ડોનેશિયા જેવા એશિયન દેશોમાં લોન્ચ કરવામાં અાવનાર છે ત્યારે અમદાવાદના યુવાનોમાં પણ અા ગેમે ભારે ક્રેઝ ઊભો કર્યો છે. જેથી અમદાવાદના ટીનેજરો અને યુવાનો દ્વારા અા ગેમને અનઅોફિશિયલ રીતે ડાઉનલોડ કરીને રિવરફ્રન્ટ, કાંકરિયા જેવા હોટસ્પોટ રમતા જોવા મળી રહ્યા છે.

અા અંગે અાઈ.ટી.ના જાણકાર અને હેકર રવિ રાજપૂતે જણાવ્યું હતું કે અનઅોફિશિયલી અા ગેમ ડાઉનલોડ કરવાથી મોબાઈલમાં ડ્રોઈડજેક માલવેર નામનો ખતરનાક વાઇરસ ઘૂસી જાય છે અને જેના કારણે તમારો મોબાઈલ ફોન હેક થઈ શકે છે અને મોબાઈલના ડેટા, ફોટા સહિતની ઉપયોગી વસ્તુઅોનો દુરુપયોગ થઈ શકે છે. અાથી મોબાઈલ ધારકોએ અા ગેમ સત્તાવાર રીતે લોન્ચ થયા બાદ જ ડાઉનલોડ કરી જોઈએ.

એન્ડ્રોઈડ વાઇરસ મોબાઈલમાં ફાઈલ ક્રિએટ કરી શકે છે. ફોલ્ડરમાં રહેલી ફાઈલને ડિલીટ કરી શકે છે, વાંચી શકે છે અને તેનો મેસેજ પણ કરી શકે છે તેવી જ રીતે મોબાઈલમાં રહેલા ફોન નંબર અને કોલ લોગનો દુરુપયોગ થઈ શકે છે. તમારી પરવાનગી અને જાણ વિના તમારા મોબાઈલમાંથી પિક્ચર, વીડિયોને લઇ શકાય છે. અા ઉપરાંત તમારા જીપીએસ લોકેશન, ડિવાઈસની
માહિતી અને એપ્સની વિગતો લઇ શકે છે.

અા ગેમના કારણે વિશ્વમાં છ વ્યક્તિનાં મોત નીપજ્યાં
સૂત્રોએ જણાવ્યું હતું કે અા પોકેમોન ગો ગેમના ક્રેઝના કારણે વિશ્વમાં છ વ્યક્તિના મોત નિપજ્યા છે, કારણ કે મોબાઈલધારક ગેમમાં એટલો મશગૂલ થઈ જાય છે કે તે પોતાને ગેમનું પાત્ર માની લે છે અને તેને રિયલ જિંદગીની અાસપાસની કશી માહિતી નથી રહેતી. એક યુવતી ગેમ રમતાં રમતાં નદીમાં પડી જતાં તેનું મોત નીપજ્યું હતું.

divyesh

Recent Posts

વાઇબ્રન્ટ સમિટઃ એક જ કલાકમાં ૮૦ હજાર કરોડના રોકાણની જાહેરાત

ગાંધીનગર: ગાંધીનગરના મહાત્મા મંદિર ખાતે નવમી વાઈબ્રન્ટ ગુજરાત ગ્લોબલ સમિટનો આજે વડા પ્રધાન નરેન્દ્ર મોદીના હસ્તે પ્રારંભ થયો છે. આ…

17 hours ago

યુદ્ધ જ નથી થઈ રહ્યું તો સૈનિકો શહીદ કેમ થાય છે ?: ભાગવત

નાગપુર: રાષ્ટ્રીય સ્વયંસેવક સંઘ (આરએસએસ)એ ફરી એક વખત કેન્દ્રની મોદી સરકારને ચોતરફથી ઘેરવાનું શરૂ કર્યું છે. આરએસએસના સરસંઘચાલક મોહન ભાગવતે…

17 hours ago

તમારો ઈ-મેઈલ આઈડી અને પાસવર્ડ હેક તો નથી થયો ને?

અમદાવાદ: ર૦૧૯ની શરૂઆતની સાથે જ સાયબર સિક્યોરિટી બ્રિચની એક મોટી ઘટના સામે આવી છે. સાયબર સિકયોરિટી રિસર્ચરના જણાવ્યા મુજબ બે…

17 hours ago

ઉત્તર-પૂર્વ અને દક્ષિણ ઝોનની ગટર લાઈનની રૂ. 11 કરોડના ખર્ચે સફાઈ કરાશે

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા શહેરના ઉત્તર ઝોન, પૂર્વ ઝોન અને અને દક્ષિણ ઝોનની ગટર લાઈનની રૂ. ૧૧ કરોડના ખર્ચે…

17 hours ago

22 વિભાગની ઓપીડી સાથે SVP હોસ્પિટલ દર્દીઓથી ધમધમતી થઈ

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રૂ.૭પ૦ કરોડના ખર્ચે તૈયાર કરાયેલી સરદાર વલ્લભભાઇ પટેલ હોસ્પિટલનું ગઇ કાલે સાંજે વડા પ્રધાન નરેન્દ્ર…

18 hours ago

શહેરની ૬૦ ખાનગી હોસ્પિટલમાં આયુષ્માન યોજના હેઠળ મફત સારવારની સુવિધા

અમદાવાદ: કેન્દ્ર સરકાર દ્વારા વર્ષ ૨૦૧૧-૧૨માં હાથ ધરાયેલા સામાજિક, આર્થિક, સર્વેક્ષણ હેઠળ ગરીબ પરિવારોને આયુષ્માન ભારત યોજનાનો લાભ મળી રહ્યો…

18 hours ago