Categories: India

PoKની જમીન માટે ભાડું વસૂલવાના કૌભાંડમાં સીબીઆઇની તપાસ શરૂ

નવી દિલ્હી: ભારતીય સેના દ્વારા પાક. હસ્તકના કાશ્મીર (પીઓકે)માં જમીન ભાડાપટ્ટે આપવામાં આવતી હતી એ જાણીને તમને કદાચ આશ્ચર્ય થશે. વાસ્તવમાં આ એક સાચી હકીકત છે અને સીબીઆઇએ તેની તપાસ પણ શરૂ કરી દીધી છે.

સીબીઆઇના જણાવ્યા અનુસાર ભારતીય સેનાએ છેલ્લાં ૧૬ વર્ષથી પીઓકે સ્થિત જમીનના ચાર પ્લોટ ભાડે આપ્યા હતા. સીબીઆઇના અધિકારીઓ હવે એ તપાસ કરી રહ્યા છે કે આ જમીનના પ્લોટ પર જે ભાડું મળતું હતું તે આખરે કોના ખિસ્સામાં જતું હતું અને કોના કહેવા પર જમીનના આ પ્લોટ ભાડે અપાયા હતા.

સીબીઆઇની એફઆઇઆર અનુસાર વર્ષ ર૦૦૦માં ઉપ વિભાગીય સંરક્ષણ એસ્ટેટ અધિકારી અને નૌશેરાના તલાટીએ કેટલીક ખાનગી વ્યકિતઓ સાથે મળીને આ સાજિશ રચી હતી. સીબીઆઇનું કહેવું છે કે સંબંધિત જમીનના ૧૯૬૯-૭૦ના વર્ષના જમીન રજિસ્ટર અનુસાર આ જગ્યા પાક. હસ્તકના કબજામાં છે, પરંતુ સંરક્ષણ એસ્ટેટ વિભાગ તેના કહેવાતા માલિકને ભાડું આપી રહ્યાે હતાે.

એફઆઇઆર અનુસાર એક લશ્કરી અધિકારી, એક એસ્ટેટ અધિકારી અને અન્ય અધિકારીઓના બોર્ડે તેને સોંપવામાં આવેલ જાલી દસ્તાવેજોના કારણે ૧રર કરનાલ જમીન માટે રૂ.૪.૯૯ લાખ ભાડાની ચુકવણી કરવામાં આવતી હતી અને તેના કારણે સરકારી તિજોરીને રૂ.૬ લાખનું નુકસાન થયું હતું.

સીબીઆઇની એફઆઇઆરમાં જણાવ્યા અનુસાર સર્વે નંબર ૩,૦૦૦, ૩૦૩પ, ૩૦૪૧, ૩૦૪પની ૧રર કરનાલ અને ૧૮ મારલા જમીનનો ઉપયોગ ભારતીય સેના કરી રહી છે. વાસ્તવિકતા એ છે કે આ સર્વે નંબરની જમીન પીઓકેમાં ચાલી ગઇ હતી, પરંતુ છેલ્લાં ૧૬ વર્ષથી આ જમીનના ભાડાની રકમ સરકારી તિજોરીમાંથી ઉપાડવામાં આવી રહી હતી. એવું કહેવાય છે કે ડિફેન્સ એસ્ટેટ વિભાગના કેટલાક અધિકારીઓએ ગુનાઇત કાવતરું રચીને આ જમીન ભારતમાંં બતાવીને તેનો ઉપયોગ સેના દ્વારા થઇ રહ્યો છે એવું બતાવીને તેના માટે સરકારી તિજોરીમાંથી ભાડું ઉપાડવામાં આવતું હતું. ભાડાની આ રકમ કોઇ એક વ્યકિતને પહોંચતી હતી કે પછી એકથી વધુુ વ્યકિતઓ વહેંચી લેતી હતી તે અંગે તપાસ ચાલી રહી છે.  સીબીઆઇના એક વરિષ્ઠ અધિકારીએ જણાવ્યું હતું કે આ કૌભાંડમાં લશ્કરના કેટલાક વરિષ્ઠ અધિકારીઓની પણ સંડોવણી બહાર આવી શકે છે.
http://sambhaavnews.com/

divyesh

Recent Posts

વ્યાજની વસૂલાત માટે યુવકને 31 કલાક ગોંધી રાખી ઢોર માર માર્યો

(પ્રતિનિધિ દ્વારા અમદાવાદ: શહેરના માધુપુરા વિસ્તારમાં રૂપિયાની લેતી દેતી મામલે વાહનોની લે વેચ કરતા યુવકનું અપહરણ કર્યા બાદ ૩૧ કલાક…

21 hours ago

1960 પછી ગુજરાતમાં પ્રથમ વાર કોંગ્રેસ વર્કિંગ કમિટીની બેઠક યોજાશે

(અમદાવાદ બ્યૂરો) અમદાવાદ: છેક વર્ષ ૧૯૬૦માં કોંગ્રેસની વર્કિંગ કમિટીનું આયોજન ગુજરાતમાં કરાયું હતું ત્યાર બાદ હવે ઓલ ઈન્ડિયા કોંગ્રેસની વર્કિંગ…

22 hours ago

અમદાવાદમાં AMTS બસથી રોજ એક અકસ્માત

(અમદાવાદ બ્યૂરો) અમદાવાદ: તાજેતરમાં અમદાવાદ મ્યુનિસિપલ ટ્રાન્સપોર્ટ સર્વિસના સત્તાવાળાઓ દ્વારા એએમટીએસ બસમાં પેસેન્જર્સનો વિશ્વાસ વધે અને ખાસ કરીને અકસ્માતની ઘટનાઓનું…

22 hours ago

એસટીના કર્મચારીઓ આજ મધરાતથી હડતાળ પર જશે

(અમદાવાદ બ્યૂરો) અમદાવાદ: એસટી નિગમના રાજ્યભરના કર્મચારીઓ આજે મધરાતથી હડતાળ પર ઉતરી જશે. જેના કારણે આજે મધરાતથી રાજ્યભરની સાત હજારથી…

22 hours ago

ધો.11ની વિદ્યાર્થિનીને કારમાં આવેલા બુકાનીધારી શખસો ઉઠાવી ગયા

(પ્રતિનિધિ દ્વારા) અમદાવાદ: જુહાપુરામાં રોયલ અકબર ટાવર નજીક ધોરણ ૧૧મા ભણતી વિદ્યાર્થીનીને ગત મોડી રાત્રે ઇકો કારમાં આવેલા ત્રણ અજાણ્યા…

22 hours ago

દિલ્હી-NCRમાં ભૂકંપના ઝટકાઃ 3.9ની તીવ્રતા, UPનું બાગપત હતું કેન્દ્ર

(એજન્સી) નવી દિલ્હી: રાજધાની દિલ્હી સહિત એનસીઆરના ક્ષેત્રમાં બુધવારે સવારે ભૂકંપના ઝટકા અનુભવાયા. રિક્ટર સ્કેલ પર ભૂકંપની તીવ્રતા ૩.૯ હતી.…

23 hours ago