Categories: Business Trending

પેટ્રોલ-ડીઝલમાં ભાવવધારો જારીઃ ભાવ ઘટાડવા કેન્દ્ર સરકાર સતર્ક

નવી દિલ્હી: પેટ્રોલ-ડીઝલના ભાવમાં વધારો સતત જારી જ છે અને આજે પણ પેટ્રોલમાં પ્રતિલિટર ૩૯ પૈસાનો અને ડીઝલમાં ૪૪ પૈસાનો ભાવવધારો ઝીંકવામાં આવતાં દિલ્હીમાં પ્રથમ વખત પેટ્રોલ પ્રતિ લિટર રૂ. ૮૦ની સપાટીને વટાવી ગયું છે. મુંબઇમાં પેટ્રોલની કિંમતમાં પ્રતિ લિટર ૩૮ પૈસાના વધારા સાથે રૂ. ૮૭.૭૭ પર પહોંચી ગઇ છે અને ડીઝલની કિંમત ૭૭ પૈસા વધીને રૂ. ૭૬.૯૮ પર પહોંચી ગઇ છે.

પેટ્રોલ-ડીઝલમાં થઇ રહેલા સતત ભાવવધારાના કારણે મોદી સરકાર સતર્ક થઈ ગઈ છે અને કેન્દ્રીય પેટ્રોલિયમ-કુદરતી ગેસ પ્રધાન ધર્મેન્દ્ર પ્રધાને જણાવ્યું છે કે પેટ્રોલ અને ડીઝલને હવે જીએસટીના દાયરા હેઠળ લાવવું જરૂરી છે.

તેમણે જણાવ્યું હતું કે કેન્દ્ર પેટ્રોલ-ડીઝલના ભાવવધારા પ્રત્યે સતર્ક છે અને આંતરરાષ્ટ્રીય સ્તરે રાજકીય-આર્થિક સ્થિતિના કારણે ભાવ વધી રહ્યા છે.

અહેવાલો અનુસાર કેન્દ્ર સરકાર પેટ્રોલના ભાવને કાબૂમાં લેવા માટે વૈકલ્પિક ઉપાયો શોધી રહી છે. ખાસ કરીને ઇરાન પર અમેરિકાના પ્રતિબંધને લઇને કેન્દ્ર સરકાર પેટ્રોલ-ડીઝલના પુરવઠા માટે વૈકલ્પિક માર્ગ પર વિચારણા કરી રહી છે.

ઓઈલ બિઝનેસ સાથે સંકળાયેલા વિશ્લેષકોનું માનવું છે કે અમેરિકાના પ્રતિબંધોની સમયમર્યાદા જોતા જો તત્કાળ કોઇ પગલાં ભરવામાં નહીં આવે તો ક્રૂડ ઓઇલના ભાવ ૯૦થી ૧૦૦ ડોલર સુધી પહોંચી શકે છે અને તેનો કારમો ફટકો ભારત સહિતના એશિયન દેશોમાં પેટ્રોલ ડીઝલના ભાવ પર પડી શકે છે.

સરકાર કોઇ પણ જાતનું નુકસાન ન થાય તે રીતે પેટ્રોલ અને ડીઝલના ભાવ ઘટાડવા પર વિચારણા કરી રહી છે. સરકાર ઇચ્છે તો ડ્યૂટી ઘટાડીને કિંમત ઘટાડી શકે છે અને તેનાથી રેવન્યુ પર કોઇ ખાસ અસર પડશે નહીં.

divyesh

Recent Posts

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

16 hours ago

ગુજરાત વિધાનસભામાં નાણાપ્રધાન નીતિન પટેલે લેખાનુદાન રજૂ કર્યું

(અમદાવાદ બ્યૂરો) અમદાવાદ: ગુજરાત વિધાનસભામાં આજે નાણાપ્રધાન નીતિન પટેલે લેખાનુદાન રજૂ કર્યું હતું. લોકસભાની ચૂંટણીને અનુલક્ષી ર૦૧૯-ર૦નું પૂર્ણ બજેટ રજૂ…

17 hours ago

બેફામ સ્પીડે દોડતાં વાહનો સામે ટ્રાફિક પોલીસ-સ્પીડગન લાચાર

(પ્રતિનિધિ દ્વારા) અમદાવાદ: શહેરના એસજી હાઈવે પર બેફામ સ્પીડે વાહનો દોડે છે. ઓવરસ્પીડ માટે રૂ.એક હજારનો ઈ-મેમો આપવાની ભલે શરૂઆત…

17 hours ago

ભાજપના પ્રદેશ ઉપાધ્યક્ષના બ્લોગને પાકિસ્તાની હેકર્સે નિશાન બનાવ્યો

(પ્રતિનિધિ દ્વારા) અમદાવાદ: પુલાવામા એટેક બાદ ભારત અને પાકિસ્તાન વચ્ચે હેકિંગ વોર શરૂ થઇ ગઈ છે. ભારતીય હેકર્સે પાકિસ્તાનની ર૦૦થી…

17 hours ago

પશ્ચિમ ઝોનમાં પાંચ વર્ષના રોડના 750 કરોડનાં કામનો હિસાબ જ અધ્ધરતાલ!

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રોડનાં કામમાં ચાલતી ગેરરી‌િત સામે આંખ આડા કાન કરાય છે તે તો જાણે…

17 hours ago

પથ્થરબાજોને સેનાની આખરી ચેતવણીઃ આતંકીઓને મદદ કરશો તો માર્યા જશો

(એજન્સી) શ્રીનગર: જમ્મુ-કાશ્મીરના પુલવામામાં થયેલા આતંકી હુમલા અને ત્યાર બાદ થયેલ એન્કાઉન્ટરને લઇ સુરક્ષાદળો (આર્મી, સીઆરપીએફ અને સ્થાનિક પોલીસ)એ શ્રીનગર…

19 hours ago