Categories: Gujarat

દર્દીના જમણા પગના બદલે ડાબા પગમાં સ્ટેન્ટ મૂકી દીધું

અમદાવાદ: અમદાવાદ શહેરના સિવિલ હોસ્પિટલ કેમ્પસમાં આવેલી યુએન મહેતા હોસ્પિટલમાં એક વૃદ્ધ વ્યકિતના ઓપરેશનમાં ડોક્ટરોની ગંભીર બેદરકારી સામે આવી છે. તબીબોએ વૃદ્ધના ડાબા પગની નળી બ્લોકના ઓપરેશનને બદલે જમણા પગની નળીનું ઓપરેશન કરી નાખ્યું છે. આ મામલે વૃદ્ધનાં પરિવારજનોએ હોસ્પિટલમાં પોતાનો આક્રોશ વ્યકત કરી ઊહાપોહ મચાવ્યો હતો.

સોમનાથ જિલ્લાના તલાલા તાલુકામાં રહેતા અને ખેતીવાડી કરી પોતાનું ગુજરાન ચલાવતા બાબુભાઇ જયરામભાઇ ભીલાણી ડાબા પગની નળી બ્લોક હોવાથી તા.રર ઓગસ્ટના રોજ યુએન મહેતા હોસ્પિટલમાં ઓપરેશન કરાવવા માટે દાખલ થયા હતા. હોસ્પિટલમાં બાબુભાઇના તમામ રિપોર્ટ કઢાવ્યા બાદ તા.ર૬ ઓગસ્ટના રોજ ડો.તુષારે તેમના પગનું ઓપરેશન કર્યું હતું. બે દિવસ હોસ્પિટલમાં સારવાર લીધા બાદ બાબુભાઇના પગમાં દુખાવો યથાવત્ રહેતાં ગઇ કાલે સવારે તેમણે હોસ્પિટલમાં રિપોર્ટ કઢાવ્યા હતા, જેમાં ડોક્ટરની ગંભીર બેદરકારી સામે આવી હતી. ડોક્ટરે બાબુભાઇના ડાબા પગના ઓપરેશનની જગ્યાએ જમણા પગનું ઓપરેશન કરી નાખ્યું હતું અને જમણા પગમાં બ્લોક થયેલી નળી ખોલવા માટે સ્ટેન્ટ મૂકયું હતું.

રિપોર્ટમાં થયેલા ખુલાસા બાદ બાબુભાઇના પુત્ર રાજુભાઇએ તબીબો તેમજ હોસ્પિટલના સંચાલકો સામે પોતાનો આક્રોશ વ્યક્ત કરીને ગુસ્સો ઠાલવ્યો હતો. આ મામલે રાજુભાઇએ જણાવ્યું હતું કે ગઇ કાલે તબીબોએ પિતાને રજા આપવાનો ઇનકાર કર્યો હતો. ડોક્ટરની ગંભીર બેદરકારી બદલ અમે પોલીસ ફરિયાદ પણ કરીશું.

divyesh

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

3 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

3 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

3 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

3 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

3 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

4 hours ago