Categories: Gujarat

એએમટીએસ અથવા સ્કૂલ બોર્ડમાં ચેરમેન પાટીદાર હશે

અમદાવાદ: ભાજપ શાસિક કોર્પોરેશનમાં ર૦૦પથી ર૦૧પની છેલ્લી બે ટર્મમાં ટોચના હોદ્દાઓ પર પાટીદાર પાવર જોવા મળ્યો હતો. આ વખતે પ૦ ટકા મહિલા પ્રતિનિધિત્વને કારણે ભાજપ હાઇકમાન્ડે હજુ સુુધી સ્ટેન્ડિંગ કમિટીના ચેરમેનપદે પાટીદાર એવા પ્રવીણ પટેલને રિપીટ કર્યા છે. જોકે ભાજપના શાસકોની ર૦૧પથી ર૦ર૦ સુધીની નવી અને ત્રીજી ટર્મમાં પણ અત્યાર સુધીમાં પરંપરા મુજબ પાટીદાર પાવર જળવાઇ રહેશે.

તા.રર નવેમ્બરે યોજાયેલી કોર્પોરેશનની સામાન્ય ચૂંટણીમાં શહેરના પાટીદાર સમાજ અનામત આંદોલનને કારણે ભાજપ વિરુદ્ધ મતદાન કરશે તેવી રાજકીય વર્તુળોમાં ચર્ચા હતી, પરંતુ શહેરના પાટીદારોએ પુનઃ ભાજપના કમળ પર બટન દાબીને કોંગ્રેસની એક પ્રકારે અવગણના કરી હતી. પાટીદારોએ ભલભલા રાજકીય પંડિતોને ખોટા પાડીને ભાજપને પુનઃ સત્તા સ્થાને પહોંચાડવામાં ચાવીરૂપ ભૂમિકા ભજવી છે. નવી ટર્મમાં ભાજપના ૧૪ર કોર્પોરેટર પૈકી ૪૪ પાટીદાર કોર્પોરેટર છે. સાવ સ્વાભાવિકપણે ભાજપ હાઇકમાન્ડ પણ પાટીદારો પર ખુશખુશાલ છે. પ૦ ટકા મહિલા પ્રતિનિધિત્વથી કોર્પોરેશનમાં પુરુષ કોર્પોરેટર કરતાં મહિલાની સંખ્યા વધુ છે. ૯પ પુરુષ તો ૯૭ મહિલા કોર્પોરેટર મળીને કુલ ૧૯ર કોર્પોરેટર ચૂંટાઇ આવ્યા છે. મહિલાઓની સંખ્યા વધુ હોઇ ડેપ્યુટી મેયરના સ્થાને પ્રમોદાબહેન સૂતરિયાને બિરાજમાન કરીને હાઇકમાન્ડ નીચલી કમિટીઓમાં પણ મહિલાઓને મહત્ત્વપૂર્ણ હોદ્દા આપશે.

પાટીદાર પાવરને અગાઉની જેમ જાળવી રાખવા ભાજપ હાઇકમાન્ડ એએમટીએસ અથવા સ્કૂલ બોર્ડ પૈકી કોઇ પણ એક ટોચની કમિટીમાં પાટીદાર ચેરમેનની નિમણૂક કરશે. પરિણામે પહેલાંની જેમ ઓછામાં ઓછા બે ટોચના હોદ્દાઓ પર પાટીદાર પાવર જોવા મળશે. સ્કૂલ બોર્ડના હાલના ચેરમેન જગદીશ ભાવસારને રિપીટ કરે તેવી કોઇ પણ પ્રકારની શકયતા નજરે પડતી નથી. તેમની વિદાય નિશ્ચિત છે. જોકે સ્કૂલ બોર્ડના ચેરમેનપદે મહિલાની પસંદગી પણ સંભવિત નથી. સ્કૂલ બોર્ડના નવા ચેરમેન કાં તો ભાજપની ચૂંટાયેલી પાંખ અથવા સંગઠનમાંથી નીમવામાં આવશે. જોકે ર૦૦પ-ર૦૧૦ની ટર્મમાં મેયરની ચૂંટણીના ૧૧ મહિના બાદ જગદીશ ભાવસાર સ્કૂલ બોર્ડના ચેરમેનપદે ચૂંટાઇ આવ્યા હતા.

સ્કૂલ બોર્ડના ચેરમેનની નિમણૂકની પ્રક્રિયા જટીલ છે. જો નવા મેયર ગૌતમ શાહ આ અઠવાડિયે સ્કૂલ બોર્ડ માટેનું જાહેરનામું બહાર પાડે તો પણ સરકારના ત્રણ પ્રતિનિધિ સહિતના ૧પ સભ્યોના સ્કૂલ બોર્ડમાં નવી બોડી નક્કી કરવામાં સહેજે દોઢ મહિનો નીકળી જશે.

admin

Recent Posts

પ્યાર મેં ધોખાઃ પ્રેમિકાને બદનામ કરવા કોન્સ્ટેબલે અશ્લીલ ફોટાનો સહારો લીધો

(અમદાવાદ બ્યૂરો) અમદાવાદ: બાર વર્ષ સુધી ડિવોર્સી મહિલા સાથે લિવ ઈન રિલેશનમાં રહ્યા બાદ પોલીસ કર્મચારીએ તેના બીભત્સ ફોટોગ્રાફની પ્રિન્ટ…

2 hours ago

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

4 hours ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

4 hours ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

4 hours ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

5 hours ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

5 hours ago