Categories: Gujarat

પાટીદારોનું મન કળવા-રીઝવવા ભાજપના કાર્યકરોને કામ સોંપાયું

અમદાવાદ: પાટીદાર મતદારોના પ્રભુત્વ હેઠળની વિધાનસભા બેઠકમાં કાર્યકરોને ત્રણ દિવસ માટે પાટીદાર વિસ્તારમાં જઇને લોકોને મળવાનો ટાસ્ક આપવામાં આવ્યો હોવાનું આધારભૂત સૂત્રો દ્વારા જાણવા મળે છે. ભાજપના નેતાઓ છેલ્લાં બે વર્ષથી પાટીદાર વિસ્તારોમાં જવામાં મુશ્કેલી અનુભવી રહ્યા છે ત્યારે આવા સંજોગોમાં કાર્યકરોને આગળ ધરવાની કૂટનીતિ ચૂંટણી ટાણે પક્ષે અપનાવતાં પક્ષના કાર્યકરોમાં આંતરિક ચર્ચાઓ ઊઠી છે.

પાટીદાર અનામત આંદોલન થયા પછી પાટીદાર વિસ્તારોમાં પક્ષના નેતાઓ માટે ‘નો એન્ટ્રી’ જેવી સ્થિતિ છે. છેલ્લાં બે વર્ષ દરમિયાન પાટીદારોનું પ્રભુત્વ ધરાવતા વિસ્તારોમાં એક પણ જાહેર સભા યોજાઇ નથી. મોટા ભાગના નેતાઓ અત્યારે પાટીદાર વિસ્તારોમાં કાર્યક્રમોના લોકાર્પણથી પણ દૂર ભાગી રહ્યા છે ત્યારે પાયાના નાના કાર્યકરોને વિધાનસભા મતવિસ્તારમાં ફરીને તેનો અહેવાલ આપવા સૂચના આપવામાં આવી હોવાનું જાણવા મળે છે.

પાટીદાર વિસ્તારોમાં જઇને કાર્યકરોને લોકો સાથે વાતચીત કરીને રાજ્ય સરકારનું લોકો પ્રત્યેનું વલણ સ્પષ્ટ કરવાની જવાબદારી કાર્યકરોના માથે નાખવામાં આવી છે. કેન્દ્રીય પ્રધાન મનસુખ માંડવિયાને પાટીદાર વિસ્તારમાં ડેમેજ કંટ્રોલ કરવા માટે પાટીદારોના ગઢ ગણાતા સુરતમાં મોકલવામાં આવ્યા છે. તેઓ સૌરાષ્ટ્રમાં બે દિવસથી જુદા જુદા વિસ્તારોમાં ફરીને સૌરાષ્ટ્રના આગેવાનો સાથે બેઠક કરી રહ્યા છે. શહેરના પાટીદાર પ્રધાનો વલ્લભ કાકડિયા, ધારાસભ્યો બાબુ જમના પટેલ, સુરેશ પટેલ, આર. સી. પટેલ સહિતના નેતાઓ પણ કાર્યકર્તાઓને શહેરના પાટીદાર વિસ્તારોમાં જઇને પાટીદારોના પ્રશ્નો સિવાય જીએસટી સહિતના પ્રશ્નો, જીએસટીના કારણે લોકોની લાગણી અને આક્રોશ, તેની સામે સરકાર જીએસટીના પ્રશ્નો હલ કરવા પ્રયત્નશીલ હોવાનો બચાવ, નોટબંધી દેશના હિતમાં હોવાનું વગેરે બાબતે સમજાવટનું કામ કરવા ડેમેજ કંટ્રોલ કવાયત હાથ ધરી હોવાનું જાણવા મળે છે. ચૂંટણી ટાણે કાર્યકર્તાઓને આપવામાં આવેલા આ સ્પેશિયલ ટાસ્કને લઇ નારાજગી ફેલાઇ હોવાનું ચર્ચાઇ રહ્યું છે.

divyesh

Recent Posts

જિઓ બની દેશની બીજા નંબરની સૌથી મોટી ટેલિકોમ કંપની

મૂકેશ અંબાણીની ટેલિકોમ કંપની રિલાયન્સ જિઓએ તેના લોન્ચિંગના અઢી વર્ષમાં જ એક મોટી સિદ્ધિ હાંસલ કરી છે. યુઝર્સ બેઝના આધારે…

19 hours ago

વાસ્તુશાસ્ત્રની દૃષ્ટિએ દેવતાઓની મૂર્તિ ક્યાં રાખવી?

ઘરમાં અને મંદિરમાં દેવી દેવતાઓની મૂર્તિઓ રાખવાની પરંપરા જૂના સમયથી ચાલતી આવી છે. મોટાભાગના લોકો ગણેશજી, લક્ષ્મીજી, બાળ ગોપાલની મૂર્તિઓ…

19 hours ago

દિવસે ભઠ્ઠીમાં ફેરવાતી બીટ ચોકીમાં પોલીસ કર્મચારી પગ મૂકતાંય ડરે છે

શહેરમાં ટ્રાફિકની સમસ્યા દિવસે દિવસે વધતી જાય છે. ત્યારે આવા માથાના દુઃખાવા સમાન ટ્રાફિકની સમસ્યા હલ કરવા માટે ટ્રાફિક પોલીસ…

21 hours ago

મ્યુનિ. કોર્પોરેશનના નાઇટ શેલ્ટરમાં કોઈ ફરકતું જ નથી

મ્યુનિસિપલ કોર્પોરેશન દ્વારા શહેરમાં ઘરવિહોણા લોકોને ધોમધખતા તાપ કે કડકડતી ઠંડી કે ભારે વરસાદ જેવા કુદરતી વિષમ સંજોગોમાં આશરો આપવા…

21 hours ago

ગુજકેટઃ વિદ્યાર્થીઓની બેઠક વ્યવસ્થાને લઇને ચકાસણી

લોકસભા ચૂંટણીનો કાર્યક્રમ જાહેર થતાંની સાથે જ રાજ્ય શિક્ષણ બોર્ડ દ્વારા ગુજકેટ પરીક્ષાની તારીખમાં વધુ એક વખત ફેરફાર કરવાની ફરજ…

21 hours ago

શહેરના હેરિટેજ સમાન ટાઉનહોલને નવ કરોડના ખર્ચે રિનોવેટ કરાશે

અમદાવાદ મ્યુનિસિપલ કોર્પોરેશન હસ્તકના ટાઉનહોલને હવે વધુ સુવિધાસજ્જ અને અદ્યતન બનાવવાની તજવીજ હાથ ધરાઇ છે. બહુ ટૂંકા સમયમાં શહેરની મધ્યમાં…

21 hours ago