Categories: India

પઠાણકોટ કેન્ટથી આઈએસઆઈના જાસૂસની ધરપકડ

પઠાણકોટ/ચંડીગઢ : પંજાબ પોલીસે કેન્ટોન્ટમેન્ટની જાસૂસી અને કેન્ટની આસપાસની સંવેદનશીલ માહિતી પાકિસ્તાનમાંના સૂત્રધારોને મોકલવા બદલ પંજાબ પોલીસે  મૂળ જમ્મુ-કાશ્મીરના વતની ઈરશાદ એહમદની આજે ધરપકડ કરી હતી. જમ્મુ વિસ્તારમાંથી તેના પિતરાઈ ભાઈની પણ ધરપકડ કરવામાં આવી હોવાના અહેવાલ છે.

જોકે, તે માટેની વધુ વિગતોની રાહ જોવાઈ રહી છે. જમ્મુ વિસ્તારમાં સુરનકોટમાં રહેતો ઈરશાદ એક કોન્ટ્રાક્ટરને ત્યાં કામ કરતો હતો તે દરમ્યાન તે મમૂન કેન્ટની આસપાસના વિસ્તારોના ફોટા પાડતો હતો અને તે પાકિસ્તાનમાં તેના સૂત્રધારોને મોકલતો હતો. તેઓ પડોશી દેશની ગુપ્તચર સંસ્થા આઈએસઆઈના હોવાનું કહેવાય છે.

કેટલાક અહેવાલોમાં જણાવાયું હતું કે પોલીસને તેના સ્માર્ટફોનમાંથી મહત્વના લશ્કરી એકમો અને સાધનોના સંખ્યાબંધ ફોટા મળી આવ્યા હતા. એક અધિકારીએ જણાવ્યું હતુંકે ઈરશાદને કેન્ટોન્ટમેન્ટની અંદર આવેલા તમામ સંવેદનશીલ એકમો અને સાધનોના ફોટા પાડવાની અને તે ફોટા જમ્મુમાં રહેતા તેના ભારતના સૂત્રધાર સજ્જાદને મોકલવાની કામગીરી સોંપવામાં આવી હતી.

સજ્જાદની તાજેતરમાં આર્મ્સ એક્ટના એક પડતર કેસમાં ધરપકડ કરવામાં આવી હતી. હવે ઈરશાદે આપેલી માહિતીને આધારે સજ્જાદની પૂછપરછ કરવામાં આવશે. તે ઈ-મેલ મારફતે આ ફોટા પાકિસ્તાનમાંના તેના સૂત્રધારોને મોકલતો હતો અને તે મળ્યા કે નહીં તે અંગે મેસેજિંગ દ્વારા ખાતરી કરી લેતો હતો.

અધિકારીઓના જણાવ્યા મુજબ પઠાણકોટ ખાતે આવેલ મમૂન આર્મી કેન્ટોન્ટમેન્ટ એ ભારતીય લશ્કરના સૌથી મહત્વના અને સૌથી મોટા મિલિટરી બેઝ પૈકીનો એક છે.એક ગુપ્તચર અધિકારીએ જણાવ્યું હતું કે ઘણા વખત એવું બને છે કે જે સ્થળે અગાઉ હુમલો થયો હોય ત્યાં હુમલા બાદ સુરક્ષા વ્યવસ્થા કડક બની જતી હોવાથી એક હુમલો કર્યા બાદ આઈએસઆઈ નવું લક્ષ્ય શોધે છે.

ગુપ્તચર સંસ્થાઓ દ્વારા મળેલી માહિતીને આધારે  પંજાબ પોલીસે પઠાણકોટના લશ્કરી કેમ્પમાં મજૂર તરીકે કામ કરતા આઈએસઆઈના કહેવાતા અંડરકવર એજન્ટની ધરપકડ કરી હતી.

Navin Sharma

Recent Posts

મસ્તી મસ્તીમાં મિત્રો ઝઘડ્યા એકે બીજાને ચપ્પાના ઘા માર્યા

(અમદાવાદ બ્યૂરો) અમદાવાદ: શહેરમાં વટવા વિસ્તારમાં આવેલા પુનિતનગર બસ સ્ટેન્ડ પાસે ગઇ કાલે રાતે એક યુવક ઉપર સામાન્ય બાબતે તેના…

2 days ago

આતંક સામે આક્રોશ, શહીદ જવાનોને શ્રદ્ધાંજલિઃ બજારો સ્વયંભૂ બંધ રહ્યાં

(પ્રતિનિધિ દ્વારા) અમદાવાદ: જમ્મુ-કાશ્મીરના પુલવામામાં CRPFના જવાનો ઉપર થયેલા આતંકી હુમલાના ઘેરા પ્રત્યાધાત અમદાવાદ સહિત સમગ્ર દેશમાં પડ્યા છે. આંતકી…

2 days ago

પગાર વધારાની માગણી સાથે શિક્ષણ સહાયકો કાલે સામૂહિક મૂંડન કરાવશે

(અમદાવાદ બ્યૂરો) અમદાવાદ: પગારના મુદ્દે છેલ્લા ઘણા સમયથી લડત ચલાવી રહેલા ગ્રાન્ટેડ શાળાઓમાં ફરજ બજાવી રહેલા શિક્ષણ સહાયકોએ રાજ્ય સરકારને…

2 days ago

750 કરોડની SVP હોસ્પિટલમાં આઈસોલેશન વોર્ડ છે પણ શોભાનો

(પ્રતિનિધિ દ્વારા) અમદાવાદ: વી.એસ. હોસ્પિટલ પરિસરમાં રૂ.૭પ૦ કરોડના ખર્ચે નવનિર્મિત ૧૮ માળની સરદાર વલ્લભભાઇ પટેલ હોસ્પિટલના બારમા માળે સ્વાઇન ફ્લૂનો…

2 days ago

મ્યુનિ. બજેટ બેઠકમાં બબાલઃ માત્ર એક કલાકમાં ચાર બજેટ મંજૂર કરી દેવાયાં

(અમદાવાદ બ્યૂરો) અમદાવાદ: આજે મ્યુનિસિપલ મુખ્યાલયમાં આવેલા ગાંધી હોલમાં મળેલી બજેટ બેઠકમાં સવારે ૧૦ વાગ્યે મ્યુનિ. કોર્પોરેશન સલગ્ન ચારેય સંસ્થાનાં…

2 days ago

પુલવામા હુમલો: ૪૦ શહીદને આજે અંતિમ વિદાય અપાશે

(એજન્સી) નવી દિલ્હી: જમ્મુ-કાશ્મીરના પુલવામામાં થયેલા આતંકી હુમલામાં શહીદ ૪૦ જવાનના પાર્થિવ દેહ આજે તેમના ઘરે પહોંચી જશે અને તેમને…

2 days ago