Categories: Gujarat

પાનકાર્ડ-આધારકાર્ડ લિંકઅપમાં નામની વિસંગતતાથી કરદાતા પરેશાન

અમદાવાદ: ગુજરાત સહિત દેશભરના કરદાતાઓ માટે આ વર્ષથી ઇન્કમટેક્સના રિટર્નમાં પાનકાર્ડ સાથે આધારકાર્ડ જોડવાનું ફરજિયાત બનાવાઇ રહ્યું છે, પરંતુ મોટા ભાગના નાગરિકોના પાનકાર્ડ સાથે આધારકાર્ડની વિગતો મેચ થતી હોતી નથી, જેના કારણે આ મુદ્દે અટવાઇ રહેલા નાગરિકો માટે આઇટી વિભાગે સરળતા કરી આપી છે. તંત્ર દ્વારા આધાર અને પાનકાર્ડ લિંકઅપ કરવા માટે જે તે વ્યક્તિને વન ટાઇમ પાસવર્ડ (ઓટીપી) આપવામાં આવશે, જેના આધારે જે તે વ્યક્તિ આધારકાર્ડ અને પાનકાર્ડના લિંકઅપની પ્રક્રિયા સરળતાથી પૂરી કરી શકશે.

૧ જુલાઇથી આધાર સાથે પાનકાર્ડ લિંકઅપ ફર‌િજયાત થઇ રહ્યું છે. હાલમાં લોકો કે કરદાતાઓની મુશ્કેલી એ છે કે આધારકાર્ડમાં વ્યક્તિના નામમાં કુમાર, ભાઇ, ચંદ્ર, બહેન કે કુમારી અથવા તો કેટલાક કિસ્સામાં માત્ર નામ લખેલું હોય છે. કેટલાક કિસ્સામાં પાનકાર્ડમાં પિતાનું નામ લખેલું હોય છે, જ્યારે આધારકાર્ડમાં પતિનું નામ લખેલું હોય છે.
આવી વિસંગતતા હોય તો આઇટી વિભાગની તમામ કચેરીમાં તેમજ આધારકાર્ડ કેન્દ્રો પર લોકો આધાર અને પાનકાર્ડની લિંકઅપ કામગીરી કરાવી શકશે એટલું જ નહીં તેના માટે જેે તે વ્યક્તિને તુરત જ એક ઓટીપી નંબર મળશે, જેના આધારે લિંકઅપ થઇ શકશે.

આ અંગે ચાર્ટર્ડ એકાઉન્ટન્ટ્સ એસો.ના પૂર્વ ચેરમેન જૈનિલ વકીલે જણાવ્યું હતું કે સીબીડીટી ઇ-ફાઇલિંગ પોર્ટલમાં સુધારા કરશે. હાલમાં અાધારકાર્ડ અને પાનકાર્ડમાં જન્મતારીખ સરખી હશે- એક જ હશે અને રજૂ કરેલા દસ્તાવેજો સરખા હશે તો તુરત જ વન ટાઇમ પાસવર્ડ મળી જશે, જેના આધારે તે લિંકઅપ થશે.
મહિલાઓ માટે આ બાબત વધુ રાહતરૂપ બનશે, કારણ કે મોટા ભાગની મહિલાઓના નામ પાછળ લગ્ન પછી પતિનું નામ લખાયેલું હોય છે. આધારમાં નામ બદલ્યા પછી પાનકાર્ડમાં નામ બદલવાની તસ્દી મોટા ભાગના લોકો લેતા નથી.

પરંતુ આ સુવિધા આધારકાર્ડમાં જે મોબાઇલ નંબર ર‌િજસ્ટર્ડ હશે તેના પર જ ઓટીપી જનરેટ થશે. જે તે વ્યક્તિએ આધારકાર્ડમાં જણાવેલો ર‌િજસ્ટર્ડ મોબાઇલ નંબર બદલી નાખ્યો હશે તેના માટે ઓટીપી મેળવવાની નવી સમસ્યા રહેશે, જેના માટે તંત્ર શું પગલાં લેશે તે અંગે કોઇ જાહેરાત કરાઇ નથી.

http://sambhaavnews.com/

Navin Sharma

Recent Posts

Ahmedabad: એક અનોખું આર્ટ એક્ઝિબિશન

અમદાવાદમાં સૌપ્રથમ વાર ચેપલની અંદર આર્ટ એક્ઝિબિશન કરવાનો અનોખો પ્રયાસ નીના નૈષધ- નીકોઇ ફાઉન્ડેશન તથા કોલકાતાના સિગલ ફાઉન્ડેશન દ્વારા કરવામાં…

13 mins ago

Public Review: ટોટલ ટાઈમપાસ ધમાલ ફિલ્મ

ફિલ્મમાં દરેક એક્ટર્સે સરસ પર્ફૉર્મન્સ આપ્યું છે. અજય દેવગણ,અનિલ કપૂરે પોતાની શાનદાર એક્ટિંગથી ફિલ્મનો ચાર્મ વધારી દીધો છે. માધુરી દીક્ષિત…

31 mins ago

24 કલાક પાણી મળતાં મળશે, અત્યારે હજારો શહેરીજનો ટેન્કર પર નિર્ભર

(પ્રતિનિધિ દ્વારા) અમદાવાદ: આગામી નાણાકીય વર્ષ ૨૦૧૯-૨૦ના રૂ. ૮૦૫૧ કરોડના બજેટને ભાજપના શાસકોએ 'મોર્ડન અમદાવાદ'નું બજેટ તરીકે જાહેર કર્યું છે.…

40 mins ago

બોર્ડ પરીક્ષાની હોલ ટિકિટમાં પાંચ દિવસ સુધી સુધારો થઈ શકશે

(અમદાવાદ બ્યૂરો) અમદાવાદ: ગુજરાત માધ્યમિક અને ઉચ્ચતર માધ્યમિક બોર્ડ દ્વારા લેવાતી ધો.૧૦ અને ધો.૧રની બોર્ડ પરીક્ષાને હવે ગણતરીના દિવસો બાકી…

41 mins ago

IOC બિલ કૌભાંડની તપાસથી મુખ્ય રોડનાં કામ ખોરવાયાં

(અમદાવાદ બ્યૂરો) અમદાવાદ: બે વર્ષ અગાઉ ચોમાસાના પહેલા રાઉન્ડના સામાન્ય વરસાદમાં આશરે રૂ.૪પ૦ કરોડના રોડને ઓછા-વધતા અંશમાં નુકસાન થતાં સમગ્ર…

54 mins ago

વર્લ્ડકપ પહેલાંની અંતિમ શ્રેણીઃ ભારત-ઓસી. ટી-20 મેચને લઇને ચાહકોમાં ઉત્સાહ

(એજન્સી) વિશાખાપટ્ટનમ્: ટીમ ઇન્ડિયા આગામી વર્લ્ડકપ પહેલાં અંતિમ આંતરરાષ્ટ્રીય શ્રેણી રમવા માટે તૈયાર છે. આ શ્રેણી ઓસ્ટ્રેલિયા સામે રમવાની છે.…

54 mins ago