Categories: India

ચીનની બનાવેલી સ્ટીલ બુલેટ આપણા જવાનો માટે જીવલેણ, બુલેટપ્રૂફ જેકેટને પણ વીંધી નાખે છે

શ્રીનગર, શુક્રવાર
આતંકીઓની એકે-૪૭થી નીકળતી સ્ટીલ બુલેટ સુરક્ષાદળના જવાનો માટે જીવલેણ સાબિત થઇ રહી છે. જવાનોનાં બુલેટપ્રૂફ શિલ્ડને પણ સ્ટીલ બુલેટ ભેદી રહી છે. ૩૧ ડિસેમ્બરે આતંકીઓ સાથેના મુકાબલા દરમિયાન સીઆરપીએફના પાંચ જવાન શહીદ થઇ ગયા. બે જવાનને આતંકવાદીઓની ગોળી બુલેટપ્રૂફ શિલ્ડને ભેદીને વાગી હતી.

કેન્દ્રીય સુરક્ષા એજન્સી સાથે જોડાયેલા એક વરિષ્ઠ અધિકારીએ જણાવ્યું કે પુલવામામાં સીઆરપીએફ કેમ્પ પરના હુમલામાં બે આતંકીઓને એક રૂમમાં ઘેરી લીધા હતા. આતંકીઓને ખતમ કરવા માટે સીઆરપીએફના જવાનોએ બુલેટપ્રૂફ શિલ્ડ સાથે રૂમમાં પ્રવેશ કર્યો.

બંને તરફથી ફાયરિંગ થયું. ફાયરિંગમાં બે આતંકી મૃત્યુ પામ્યા, પરંતુ તેમની ગોળીથી જવાન પણ શહીદ થયા. વરિષ્ઠ અધિકારીના જણાવ્યા અનુસાર આતંકીઓની ગોળી જવાનોના બુલેટપ્રૂફ શિલ્ડને છેદીને નીકળી ગઇ હતી. તપાસમાં જાણવા મળ્યું કે બુલેટપ્રૂફ શિલ્ડમાં કોઇ ખામી નહોતી, પરંતુ આતંકવાદીઓએ જે ગોળી ચલાવી હતી તેનો આગલો ભાગ સ્ટીલનો હતો. તેથી બુલેટપ્રૂફ શિલ્ડ તેને અટકાવી ન શક્યું.

વરિષ્ઠ અધિકારીએ એમ પણ કહ્યું કે એકે-૪૭ રાઇફલમાં ઉપયોગમાં લેવાતી ગોળીનો આગળનો ભાગ તાંબાનો હોય છે. અત્યાર સુધી કાશ્મીરમાં આતંકવાદીઓ તાંબાની ગોળીનો ઉપયોગ કરતા હતા. સુરક્ષાદળના જવાનોને જે બુલેટપ્રૂફ જેકેટ અને શિલ્ડ અપાયા હતા તે તાંબાવાળી ગોળી રોકવા સક્ષમ હતા, પરંતુ આતંકીઓની સ્ટીલની બુલેટ સામે નિષ્ફળ રહ્યાં.

સુરક્ષાદળને આશંકા છે કે આતંકવાદીઓ દ્વારા ઉપયોગમાં લેવાયેલી સ્ટીલની બુલેટ ચીનમાં બની હોય તેવું શક્ય છે. આ બાબતની તપાસ ચાલી રહી છે.
એ વાતની શક્યતા છે કે ચીને પાકિસ્તાની સેનાને સ્ટીલની બુલેટ પૂરી પાડી હોય, જોકે અમે આ પડકાર સામે લડવાની તૈયારીઓ શરૂ કરી દીધી છે. કાશ્મીરમાં સુરક્ષાદળને વધુ મજબૂત જેકેટ અને શિલ્ડ અપાશે. આતંકવાદીઓ તેમની રણનીતિમાં સફળ નહીં થઇ શકે.

Navin Sharma

Recent Posts

વાઇબ્રન્ટ સમિટઃ એક જ કલાકમાં ૮૦ હજાર કરોડના રોકાણની જાહેરાત

ગાંધીનગર: ગાંધીનગરના મહાત્મા મંદિર ખાતે નવમી વાઈબ્રન્ટ ગુજરાત ગ્લોબલ સમિટનો આજે વડા પ્રધાન નરેન્દ્ર મોદીના હસ્તે પ્રારંભ થયો છે. આ…

15 hours ago

યુદ્ધ જ નથી થઈ રહ્યું તો સૈનિકો શહીદ કેમ થાય છે ?: ભાગવત

નાગપુર: રાષ્ટ્રીય સ્વયંસેવક સંઘ (આરએસએસ)એ ફરી એક વખત કેન્દ્રની મોદી સરકારને ચોતરફથી ઘેરવાનું શરૂ કર્યું છે. આરએસએસના સરસંઘચાલક મોહન ભાગવતે…

15 hours ago

તમારો ઈ-મેઈલ આઈડી અને પાસવર્ડ હેક તો નથી થયો ને?

અમદાવાદ: ર૦૧૯ની શરૂઆતની સાથે જ સાયબર સિક્યોરિટી બ્રિચની એક મોટી ઘટના સામે આવી છે. સાયબર સિકયોરિટી રિસર્ચરના જણાવ્યા મુજબ બે…

15 hours ago

ઉત્તર-પૂર્વ અને દક્ષિણ ઝોનની ગટર લાઈનની રૂ. 11 કરોડના ખર્ચે સફાઈ કરાશે

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા શહેરના ઉત્તર ઝોન, પૂર્વ ઝોન અને અને દક્ષિણ ઝોનની ગટર લાઈનની રૂ. ૧૧ કરોડના ખર્ચે…

15 hours ago

22 વિભાગની ઓપીડી સાથે SVP હોસ્પિટલ દર્દીઓથી ધમધમતી થઈ

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રૂ.૭પ૦ કરોડના ખર્ચે તૈયાર કરાયેલી સરદાર વલ્લભભાઇ પટેલ હોસ્પિટલનું ગઇ કાલે સાંજે વડા પ્રધાન નરેન્દ્ર…

15 hours ago

શહેરની ૬૦ ખાનગી હોસ્પિટલમાં આયુષ્માન યોજના હેઠળ મફત સારવારની સુવિધા

અમદાવાદ: કેન્દ્ર સરકાર દ્વારા વર્ષ ૨૦૧૧-૧૨માં હાથ ધરાયેલા સામાજિક, આર્થિક, સર્વેક્ષણ હેઠળ ગરીબ પરિવારોને આયુષ્માન ભારત યોજનાનો લાભ મળી રહ્યો…

16 hours ago