Categories: India

ભારત પાકિસ્તાનને પઠાણકોટ એરબેઝમાં તપાસ કરવાની મંજૂરી આપે તેવી શક્યતા

નવી દિલ્હી: પઠાણકોટ એરબેઝ પરના આતંકવાદી હુમલાની તપાસ માટે આગામી 27 માર્ચે ભારત આવતી પાકિસ્તાનની સંયુકત તપાસ ટીમને ભારત સરકાર પઠાણકોટ એરબેઝની અંદર જઈને તપાસ કરવાની મંજૂરી આપે તેવી સંભાવના છે. આ દરમિયાન તપાસ અંગે એનઆઈએ સાથે ચર્ચા કરવામાં આવશે.

એક અહેવાલ અનુસાર પાકિસ્તાનની તપાસ ટીમ એ પ્રકારે શેડ્યૂલ નકકી કરશે કે જેનાથી તે ભારતની એનઆઈએ સાથેની તપાસમાં અત્યાર સુધી થયેલી કાર્યવાહી અંગે વાતચીત કરી શકે. એનઆઈએ અને પાકિસ્તાનની ટીમ વચ્ચે દિલ્હીમાં મુલાકાત થશે. જ્યારે પઠાણકોટમાં તપાસ દરમિયાન પાકિસ્તાનની ટીમ સાથે એનઆઈએના અધિકારી પણ હાજર રહેશે. જોકે એનઆઈએના વડા શરદકુમારે આ અંગે સ્પષ્ટતા કરી નથી. તેમણે જણાવ્યું કે આ મુદે સરકારે નિર્ણય લેવાનો છે.

આ મામલે એનઆઈએના અધિકારીઓએ કેટલાક સવાલો તૈયાર કર્યા છે. તે સવાલો પાકિસ્તાનની સંયુકત તપાસ ટીમ સમક્ષ રજૂ કરવામાં આવશે. તેમાં પૂછવામાં આવશે કે પાકિસ્તાને તેના દેશમાં આ મુદે કેટલા લોકો સામે એફઆઈઆર દાખલ કરી છે. તેમજ જે લોકોની ધરપકડ કરવામાં આવી છે તેની માહિતી માગવામાં આવશે.

બીજી તરફ પાકિસ્તાનની તપાસ ટીમ પણ એનઆઈએને અત્યાર સુધીની તપાસ અંગે કેટલાક સવાલો કરશે. આવી કવાયતનો મુખ્ય હેતુ બંને દેશની ટીમ વચ્ચેની ગેરસમજ દૂર કરવાનો છે. જોકે  પાક.ની એનએસએ ટીમ અજિત ડોભાલની પૂછપરછ કરશે કે કેમ તે અંગે પણ સવાલ છે. કારણ પાકિસ્તાનમાં પઠાણકોટ હુમલા બાબતો જે એફઆઈઆર દાખલ થઈ છે તેમાં ફરિયાદી તરીકે ડોભાલનું નામ દાખલ થયું છે. જોકે આ મુદે ભારત સરકારે કંઈ જણાવ્યું નથી.

ગત 17 માર્ચે નવાઝ શરીફના વિદેશ બાબતોના એડ્વાઈઝર સરતાજ અઝિઝ નેપાળમાં સુષમા સ્વરાજને મળ્યા હતા. મુલાકાત બાદ સુષમાએ જણાવ્યું હતું કે પઠાણકોટ હુમલાની તપાસ માટે પાકિસ્તાનની તપાસ ટીમ 27 માર્ચે ભારત આવશે. જ્યારે સરતાજ અઝિઝે જણાવ્યું હતું કે 31 માર્ચે વોશિંગ્ટનમાં નવાઝ શરીફ અને નરેન્દ્ર મોદી વચ્ચે મુલાકાત થાય તેવી શક્યતા છે.

divyesh

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

22 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

22 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

22 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

22 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

22 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

22 hours ago