Categories: News Trending

ફાઇવસ્ટાર હોટલ જેવી સુવિધા ટ્રેનમાં માત્ર એક રાતનું ભાડું રૂ.40,000

નવી દિલ્હી: પોતાના શાહી ઠાઠ માટે જાણીતી ભારતની લક્ઝરી ટ્રેન રોયલ પેલેસ ઓન વ્હિલ ટૂરિસ્ટ સિઝનની પહેલી સફર પર નીકળી ચૂકી છે. આ ટ્રેન દર વર્ષે પાંચ સપ્ટેમ્બરે રાજસ્થાનમાં દેશી-વિદેશી સહેલાણીઓને લઇ જાય છે.

ગઇ કાલે સફદરજંગ રેલવે સ્ટેશનથી તેની શરૂઆત થઇ. સપ્ટેમ્બરથી એપ્રિલ સુધી ચાલનારી ભારતની આ લક્ઝરી ટ્રેનની પહેલી યાત્રા માટે ૩ર પેસેન્જર રવાના થયા.

આ વખતે રોયલ પેલેસ ઓન વ્હિલના કલરથી લઇને કાર્પેટ સુધી ઘણું બધું બદલાયેલું છે. ટૂરિસ્ટને નવો અનુભવ આપવા માટે મેનુ પણ વધુ સારું કરાયું છે. દિલ્હી બાદ આ ટ્રેેન જયપુર, સવાલમાધવપુર, ચિત્તોડ, ઉદયપુર, જેસલમેર, જોધપુર, ભરતપુર અને આગ્રા જશે.

રોયલ પેલેસ ઓન વ્હિલના ચીફ જનરલ મેનેજર પ્રદીપ બોહરાએ જણાવ્યું કે આ રોયલ સવારીમાં યાત્રા માટે પ્રતિવ્યક્તિ એક રાતનું ભાડું રૂ.૪૦,૦૦૦ છે. આ વખતે કુલ ૩૪ જર્ની હશે.

ઓક્ટોબર-ર૦૧૮થી માર્ચ-ર૦૧૯ સુધી એક રાતનું ભાડું વધીને રૂ.૪પ,૦૦૦ સુધી થઇ જશે. આ ટ્રેનમાં કુલ ૧૪ એસી કોચ છે. દરેક કોચને યુનિક નામ આપવામાં આવ્યું છે.

સાત રાત અને આઠ દિવસની આ સફર દિલ્હીના સફદરજંગ રેલવે સ્ટેશનથી શરૂ થઇને રાજસ્થાન અને આગ્રા બાદ દિલ્હીમાં પૂર્ણ થશે. આ ટ્રેન દર બુધવારની સાંજે સફદરજંગ રેલવે સ્ટેશનથી રવાના થશે. રોયલ પેલેસ ઓન વ્હિલની સિઝન ઓક્ટોબરથી માર્ચ સુધીની હોય છે.

સપ્ટેમ્બર અને એપ્રિલ ઓફ સિઝન હોય છે. ઓફ સિઝનના કારણે સપ્ટેમ્બર મુસાફરી કરવા પર રપ ટકાની છૂટ મળી રહી છે. આ વખતે રોયલ પેલેસ ઓન વ્હિલમાં ઓરિયેન્ટલ કાર્પેટ લગાવાઇ છે.

રોયલ ટ્રેનમાં બાથરૂમનું ફિટિંગ નવી રીતે કરાયું છે અને તેના ટાઇલ્સ અત્યાધુનિક છે. રોયલ પેલેસ ઓન વ્હિલમાં તમામ જગ્ગાએ એલઇડી લાઇટ લગાવાઇ છે. તમામ બાથરૂમમાં બાયોટોઇલેટ લગાવાયાં છે.

divyesh

Recent Posts

અમદાવાદમાં આવેલ છે એક માત્ર અંજની માતાનું મદિર.

અમદાવાદ શહેરમાં સાલ હોસ્પિટલ પાસે હનુમાનજીના પરમ સાધ્વી માતા અંજલિ-અંજની માતાનું ખૂબ સુંદર મંદિર આવેલું છે. આ મંદિરમાં મા અંજનીના…

12 hours ago

10 વર્ષ બાદ પણ મળે છે કસરતનો લાભ, સંશોધનમાં ચોકાવનારી વાત સામે આવી

સામાન્ય રીતે એવું માનવામાં આવે છે કે કસરત છોડી દેતી વ્યક્તિને તેનો લાભ પણ મળતો નથી, પરંતુ તાજેતરના સંશોધનમાં એક…

12 hours ago

મહેશ ભટ્ટે ગુસ્સામાં કંગનાને ચંપલ ફેંકીને મારી હતીઃ રંગોલી

અભિનેત્રી કંગના રાણાવત વિરુદ્ધ નિવેદનોને લઈને તેની બહેન રંગોલી ચંદેલનો ગુસ્સો આ વખતે અભિનેત્રી આલિયા ભટ્ટની માતા સોની રાજદાન પર…

12 hours ago

જેટ એરવેઝના 22 હજાર કર્મચારીઓ રોડ પરઃ આજે જંતરમંતર પર દેખાવ

નાણાકીય સંકટમાં ફસાયેલી જેટ એરવેઝ બુધવાર રાતથી હંગામી ધોરણે બંધ કરી દેવામાં આવી છે. ગઇ કાલે રાત્રે અમૃતસરથી મુંબઇ વચ્ચે…

14 hours ago

પાંચ વર્ષમાં દેશના એક પણ ખૂણે બોમ્બબ્લાસ્ટ થયો નથી:PM મોદી

વડા પ્રધાન નરેન્દ્ર મોદીના ગુજરાત પ્રવાસનો બીજો દિવસ છે. મોદીએ સૌરાષ્ટ્રના અમરેલી ખાતે જાહેર સભાને ગજવી હતી. સૌરાષ્ટ્ર કચ્છમાં લોકસભાની…

14 hours ago

બીજા તબક્કાની 95 બેઠક પર મતદાન જારી: 68 બેઠક પર NDA-UPA વચ્ચે સીધી ટક્કર

લોકસભા ચૂંટણીના બીજા તબક્કામાં આજે ૧૧ રાજ્ય અને એક કેન્દ્રશાસિત પ્રદેશ પુડ્ડુચેરીની કુલ ૯૫ બેઠકો માટે મતદાન થઈ રહ્યું છે.…

14 hours ago