Categories: Gujarat

જૂનાં વાહનોમાં HSRP અોટો ગેરેજવાળા પણ લગાવી અાપશે

અમદાવાદ: અમદાવાદ સહિત રાજ્યનાં તમામ જૂનાં વાહનોમાં હાઇ સિક્યોરિટી રજિસ્ટ્રેશન પ્લેટ (એચએસઆરપી) ફરજિયાત આગામી ત્રણ માસમાં લગાવી દેવાનો આદેશ સરકારે જાહેર કર્યો છે, જોકે લોકોએ તેમનાં જૂનાં વાહનમાં એચએસપીસી પ્લેટ લગાવવા આરટીઓનો ધક્કો નહીં ખાવો પડે, પરંતુ તેમની નજીક આવેલા ઓટો ડીલર કે સર્વિસ સ્ટેશન કે અોટો ગેરેજ પર જઇને નંબર પ્લેટ લગાવી શકશે.

અમદાવાદ શહેરનાં ૧૦ લાખથી વધુ જૂનાં વાહનોમાં હાઇ સિક્યોરિટી રજિસ્ટ્રેશન પ્લેટ લગાવવાની કામગીરી આરટીઓ અને વાહનચાલકોએ ડિસેમ્બર અંત સુધીમાં પૂરી કરી લેવી પડશે. અમદાવાદમાં એક લાખથી વધુ હાઇ સિક્યોરિટી રજિસ્ટ્રેશન નંબર પ્લેટ તૈયાર છે, પરંતુ હવે વાહન માલિકોની ઉદાસીનતા આ મુદ્દે ચાલશે નહીં.

અમદાવાદના અારટીઅો જી.એસ. પરમારે જણાવ્યું કે, અમદાવાદના ૧૮૦થી વધુ ઓટો ડીલર અને સર્વિસ સ્ટેશનમાં આગામી સપ્તાહથી નંબર પ્લેટ રજિસ્ટ્રેશનની કામગીરી શરૂ થઇ જશે. કોઇ પણ જૂના વાહનની વિગત જે તે ડીલર કે સર્વિસ સ્ટેશનમાં આપવાની રહેશે અને તેનું પેમેન્ટ ચૂકવવાનું રહેશે. પછીના બે થી ત્રણ દિવસમાં તેને તૈયાર નંબર પ્લેટ મળી જશે. આ માટે કોઇ વાહન માલિકોએ છેક આરટીઓ સાબરમતી કે વસ્ત્રાલ જવાની જરૂર રહેશે નહીં, જોકે આ વિસ્તારની નજીક રહેતા વાહન માલિકો આરટીઓમાં જઇ શકે છે. આરટીઓ કચેરી આ કામગીરી માટે સવારના ૮થી રાત્રિના ૮ સુધી ખુલ્લી રહેશે.

વટવા, નિકોલ, દહેગામ, સાણંદ, ધોળકા, ધંધૂકા સહિતના અમદાવાદમાં સમાવિષ્ટ ગામમાં આરટીઓ ઠેરઠેર પોસ્ટર લગાવીને કેમ્પની તારીખ જાહેર કરશે અને નિયત સ્થળે લોકોએ કરેલા ર‌િજસ્ટ્રેશન બાદ કેમ્પ દ્વારા હજારો વાહનોમાં એકસાથે નંબર પ્લેટ લગાવી આપશે. આરટીઓમાં રહેલા ડેટા મુજબ દરેક જૂના વાહનચાલકને એસએમએસ દ્વારા તેમની નંબર પ્લેટ બદલવા સૂચના અપાશે. ઉપરાંત આરટીઓ જાહેર ખબર દ્વારા કેટલી એજન્સી આ કામગીરી માટે કાર્યરત છે તેનું લિસ્ટ જાહેર કરશે અને બંને આરટીઓમાં પણ તેની જાણકારી આરટીઓ કેમ્પસમાં મોટા બેનરથી કરાશે.

નાનાં ગામો સહિત મણિનગર, વટવા કે પૂર્વ-પશ્ચિમ ઝોનના તમામ વિસ્તારોમાં રિક્ષાઓ ફરશે અને લાઉડ સ્પીકર દ્વારા જૂની નંબર પ્લેટ બદલવા પ્રચાર કરશે. ઉપરાંત દરેક ડીલર કે સર્વિસ સ્ટેશન પર તેના બેનર લાગશે પત્રિકા વહેંચાશે.  આ પ્રમાણેની રાઇડ દ્વારા રોજની ડીલરો થકી આરટીઓ ૩૦ હજાર નંબર પ્લેટ લગાવી શકશે.

HSRP માટે તડામાર તૈયારી
• રજાના દરેક દિવસે આરટીઓમાં નંબર પ્લેટ બદલવાનું ચાલુ રહેશે.
• સમય સવારના ૮ થી રાત્રિના ૮ વાગ્યા સુધી રહેશે.
• પેમ્ફલેટ વિતરણ, હોર્ડિંગ્સ, જાહેર ખબર દ્વારા લોકોને જાણ થશે.
• અમદાવાદના તમામ ડીલર, સર્વિસ સ્ટેશન પર બેનર લાગશે
• હોર્ડિંગ્સ દ્વારા નજીકના ડીલરનો સંપર્ક કરવા સમજ અપાશે.
• આરટીઓ તેના ડેટા મુજબ વાહન માલિકોને SMS કરશે.
• અમદાવાદ નજીકના ગામના કેમ્પ દ્વારા સમૂહમાં નંબર પ્લેટ લગાવી આપવામાં આવશે.
• સરકાર દ્વારા નોડલ અધિકારી, એજન્સીની નિમણૂક જે નિયત સમયમાં કામગીરી પૂર્ણ કરવા માટે તમામ સાધનો દ્વારા કાર્ય કરશે.
• પેમેન્ટ જ્યાં નંબર પ્લેટ બદલાશે ત્યાં ચૂકવવાનું રહેશે.
• બગડી ગયેલી HSRP નંબર પ્લેટ વિનામૂલ્યે બદલી અપાશે.

divyesh

Recent Posts

RTOનું સર્વર હેક કરીને ડ્રાઇવિંગ લાઇસન્સમાં ચેડાં કરાયાં

(પ્રતિનિધિ દ્વારા) અમદાવાદ: શહેરની આરટીઓ કચેરીમાં સોફટવેરમાં ચેડાં કરીને ટુ વ્હીલરનાં લાઈસન્સ ધારકોને ફોર વ્હીલર તેમજ હેવી વિહિકલનાં લાઈસન્સ કાઢી…

6 hours ago

સુખરામનગરમાં ઘરમાં ઘૂસીને પોલીસ કર્મચારી, તેમના પરિવારજનો પર ઘાતક હુમલો

(અમદાવાદ બ્યૂરો) અમદાવાદ: શહેરના રખિયાલ વિસ્તારમાં આવેલ સુખરામનગરના ત્રણ માળિયા મકાનમાં ગઇકાલે પોલીસ કર્મચારી તેમજ ના પુત્ર અને તેની પત્ની…

6 hours ago

વિધાનસભાના ટૂંકા સત્રનો વિપક્ષના સૂત્રોચ્ચાર અને હોબાળા સાથે પ્રારંભ

(અમદાવાદ બ્યૂરો) અમદાવાદ: ગુજરાત વિધાનસભાના પાંચ દિવસીય ટૂંકા સત્રનો આરંભ આજે વિપક્ષના હોબાળા વચ્ચે થયો હતો. સત્રની શરૂઆતના પહેલા દિવસે…

6 hours ago

‘પાસ’ના ભાગેડુ અલ્પેશ કથીરિયાને ક્રાઈમ બ્રાંચે સુરતથી ઝડપી લીધો

(પ્રતિનિધિ દ્વારા) અમદાવાદ: રાજદ્રોહના કેસમાં જામીન રદ થયા બાદ નાસતા ફરતા પાસના નેતા અલ્પેશ કથીરિયાની સુરત ક્રાઇમ બ્રાંચે સુરતના વેલંજા…

6 hours ago

પુલવામા હુમલાનો બદલોઃ સુરક્ષાદળોએ માસ્ટર માઈન્ડ ગાઝી રશીદ અને કામરાનને ફૂંકી માર્યા

(એજન્સી) પુલવામા: તાજેતરમાં જમ્મુ-કાશ્મીરના પુલવામામાં સીઆરપીએફના ૪૪ જવાનોને શહીદ કરનાર ખોફનાક આતંકી હુમલાના બદલારૂપે આજે પુલવામામાં જ સુરક્ષાદળોએ આ આતંકી…

8 hours ago

CRPF કાશ્મીરમાં જવાનોના કાફલાની મૂવમેન્ટના નિયમોમાં મોટા ફેરફાર કરશે

(એજન્સી) નવી દિલ્હી: જમ્મુ-કાશ્મીરમાં પુલવામામાં થયેલા આતંકી હુમલા બાદ સીઆરપીએફે કાશ્મીરમાં જવાનોના કાફલાની અવરજવરમાં નવા નિયમો જોડવાનો નિર્ણય કર્યો છે.…

8 hours ago