Categories: Gujarat

અધિકારીઓ પણ જ્યોતિષના શરણે?

રાજ્યના આઇએએસ-આઇપીએસ અધિકારીઓ પોતાના ભવિષ્ય અંગે ચિંતિત છે. કયા વિભાગમાં પોસ્ટિંગ મળશે. સિનિયર અધિકારીઓ સાથે ફાવશે કે કેમ, પરિવારજનોની સમસ્યા જેવા અનેક પ્રશ્નોને લઇને તેઓ જ્યોતિષના શરણે જતાં હોય છે. એક ઉચ્ચ અધિકારીના જણાવ્યા પ્રમાણે અધિકારીઓ કોઇ ને કોઇ સમયે જ્યોતિષીને પોતાનું ભવિષ્ય બતાવી રહ્યા છે. થોડા દિવસ પહેલાં જ એક આઇએએસ અધિકારીની ચેમ્બરમાં એક જ્યોતિષ નજરે પડ્યા હતા. આ જ્યોતિષે અધિકારીને તાકીદે રાહુના નંગની વીંટી વિધિ કરાવીને પહેરવાની સલાહ આપતાં આવનાર સમયમાં રાહુદશાને કારણે ન ગમતા વિભાગમાં બદલી થવાની શક્યતા બતાવી છે. આ ઉચ્ચ અધિકારીએ જ્યોતિષીની સલાહ પણ માનીને રાહુની વીંટી પહેરવાની શરૃઆત કરી દીધી છે.

આજકાલ અનેક અધિકારીઓના હાથમાં આવી કોઇ ને કોઇ ગ્રહના નંગની વીંટી જોવા મળે છે. રાજ્યના મુખ્ય સચિવ જી.આર.અલોરિયા પણ જમણા હાથમાં બે વીંટી પહેરે છે. જ્યારે નાણા વિભાગના અધિક મુખ્ય સચિવ જે.એન.સિંગ પણ જમણા હાથની ત્રીજી આંગળીમાં સિંદૂર કલરની વીંટી  પહેરે છે. એક અધિકારીના કહેવા પ્રમાણે મુખ્ય સચિવપદે અલોરિયા પછી સિંગનો જ નંબર માનવામાં આવે છે. અલોરિયા ૨૦૧૬ની મધ્યમાં જ નિવૃત્ત થશે. જો કે તે પહેલાં મુખ્ય સચિવ ન બની શકનારા એસ.કે.નંદા આ માસના અંતમાં સેવાનિવૃત્ત થશે. તેઓ પણ પોતાના હાથમાં ગ્રહ ન નડે તે માટે જ્યોતિષની સલાહ પ્રમાણે વીંટી પહેરે છે.

બે બાપુ પ્રધાનોનો સ્ટાફ છેલ્લા બે માસથી ભારે ચિંતામાં
ભાજપના પ્રદેશ પ્રમુખ કોણ બનશે તેની ચર્ચા ભાજપ અને મીડિયામાં ચાલી રહી છે. જોકે આ ચર્ચા સૌથી વધુ રાજ્યના બે પ્રધાનોના સ્ટાફમાં જોવા મળી. આ સ્ટાફ બીજા કોઈ પણ પ્રમુખ બને તેની તરફેણમાં છે, પરંતુ પોતાના પ્રધાન પ્રમુખ બને તો નોકરીનું શું તે પ્રશ્ન તેમની ચિંતાનું કારણ છે. નોકરી તો અન્ય વિભાગમાં મળી જશે પણ નવા પ્રધાન સાથે ફાવશે કે નહીં તેની ચિંતા આ સ્ટાફને વધુ સતાવે છે. વાત છે સિનિયર કેબિનેટ પ્રધાન ભૂપેન્દ્રસિંહ ચૂડાસમા અને રાજ્ય કક્ષાના પ્રધાન પ્રદીપસિંહ જાડેજાની. બંને પ્રધાનોનાં નામ પ્રદેશ પ્રમુખની રેસમાં ચર્ચાયાં ત્યારથી આ સ્ટાફ પોતાના ભવિષ્યને અંગે ચિંતિત છે. જોકે પ્રદીપસિંહનો સ્ટાફ તેઓ પ્રદેશ પ્રમુખ બને તે પણ ઇચ્છતો હતો, કારણ કે એમ થાય તો કાયદા વિભાગની આંટીઘૂંટીમાંથી છુટકારો મળે.સચિવાલયનાં સૂત્રો પણ કહે છે કે, પ્રદીપસિંહ પણ કાયદા વિભાગમાંથી છુટકારો ઇચ્છી રહ્યાં છે.

કોંગ્રેસ આર્થિક પછાત વર્ગ માટે અનામત બિલ લાવશે
ગુજરાત વિધાનસભાનું અંદાજપત્ર સત્ર ૨૨ ફેબ્રુઆરીથી ૩૧ માર્ચ દરમિયાન મળશે. આ સત્રનું ખાસ આકર્ષણ કોંગ્રેસ દ્વારા લવાનાર આર્થિક અનામતનું ખાનગી બિલ રહેશે. કોંગ્રેસ પ્રદેશ પ્રમુખ ભરતસિંહ સોલંકી દ્વારા તેની જાહેરાત કરવામાં આવી છે. અનામત મુદ્દે કોંગ્રેસે રાજ્ય સરકારને ઘેરો ઘાલવાની તૈયારીઓ કરી છે. એક તરફ પાટીદાર અનામત આંદોલન અને બીજી તરફ અનામત વર્ગને થતાં અન્યાય સામેની લડત બાદ હવે આર્થિક નબળા વર્ગ માટે ૨૦ ટકા અનામતનું ખાનગી બિલ વિધાનસભા સત્રમાં કોંગ્રેસ લાવશે. સચિવાલયનાં સૂત્રોના જણાવ્યા પ્રમાણે કોંગ્રેસની આ ચાલ પાછળ  ભાજપના નેતાઓ અને અધિકારીઓની સલાહ હોવાનું ચર્ચાઈ રહ્યું છે. મુખ્યમંત્રી આનંદીબહેનને કોઇ પણ સંજોગોમાં ઘેરવા આર્થિક નબળા વર્ગ માટે અનામતનું બિલ લાવવાની સલાહ કોંગ્રેસને અપાઈ છે.

હાર્દિક પટેલ સામે પગલાંની વાત કરનારનું હૃદય પરિવર્તન

પાટીદાર આંદોલનનો ટર્નિંગ પોઇન્ટ હાર્દિક પટેલ સામે રાજદ્રોહની ફરિયાદથી આવ્યો. હાર્દિક લાંબા સમયથી જેલના સળિયા પાછળ રહી આંદોલન ચલાવી રહ્યો છે. જોકે હાર્દિક સામે રાજદ્રોહની ફરિયાદ કરનાર નરેન્દ્ર ગઢવી એકાએક ફરિયાદ પાછી ખેંચવા તૈયાર થયો છે. આ હ્ય્દયપરિવર્તન માટે તે અનામત  આંદોલન વાજબી હોવાનો અને એસપીજીના લાલજી પટેલની સમજાવટથી આ માટે તૈયાર થયાની વાત કરે છે. કાયદા નિષ્ણાતોના મતે કોર્ટમાં હાર્દિક સામે ચાર્જશીટ ફાઇલ થઇ ગઇ છે. જેથી હવે સમગ્ર ઘટના કોર્ટમાં છે.

કોર્ટ જ નક્કી કરશે કે હાર્દિક સામેની રાજદ્રોહની ફરિયાદ પાછી ખેંચવી કે કેમ? જોકે નરેન્દ્ર ગઢવીના આ વર્તનથી એક સિનિયર પ્રધાન ખૂબ નારાજ થયા છે. આ પ્રધાનના મતે હાર્દિક સામે પગલાં ભરવાં આ જ ફરિયાદી દસ વખત તેમની પાસે આવ્યો હતો અને રજૂઆતો કરી હતી. લેખિતમાં રજૂઆત કર્યાનો દાવો પણ આ પ્રધાન પ્રધાન કરી રહ્યા છે. હવે ગુસ્સે ભરાયેલા પ્રધાને સ્પષ્ટ કર્યું કે ફરિયાદીને જે કરવું હોય તે કરે, અમારે તેની સાથે કોઈ લેવાદેવા નથી. જોકે સૂત્રોની જાણકારી પ્રમાણે સરકાર સાથે સમાધાનની ભૂમિકા અંતર્ગત જ ફરિયાદીનું રાતોરાત હ્ય્દયપરિવર્તન થયું હોવાનું ચર્ચાઈ રહ્યું છે. જેમાં ગુસ્સે ભરાયેલા પ્રધાનની પણ મહત્ત્વની ભૂમિકા હોવાનું ગૃહ વિભાગના અધિકારીઓનું માનવું છે.

હિતલ પારેખ

divyesh

Recent Posts

મહાભારત સારઃ ધર્મ તરફ તમારી મતિ રાખો

મૂળ મહાભારત જ કેટલા શ્લોકોનું હતું? તેમાંથી એક લાખ શ્લોકનું મહાભારત કોણે રચ્યું? મહાભારતમાં કેટલાક સવાલો રાજા જનમેજય પૂછે છે…

10 hours ago

17 મહિનામાં 76.48 લાખ લોકોને રોજગાર મળ્યાઃ EPFOના પેરોલ ડેટા

(એજન્સી)નવી દિલ્હી: એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (ઇપીએફઓ)ના તાજેતરના પેરોલ ડેટા પરથી જાહેર થયું છે કે છેલ્લા ૧૭ મહિનામાં ૭૬.૪૮ લાખ…

10 hours ago

રોડ કૌભાંડનું ભૂત ફરી ધૂણ્યુંઃ 59 ઈજનેરોને નોટિસ ફટકારાઈ

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના ઇતિહાસમાં પ્રથમવાર ગત વર્ષ ર૦૧૭ના ચોમાસામાં આશરે રૂ.૪પ૦ કરોડના રોડ ઓછા-વત્તા અંશે ધોવાઇ જતાં સમગ્ર…

11 hours ago

પ્રોપર્ટી ટેક્સની ચૂકવણી માટે આજે અને કાલે સિવિક સેન્ટર ચાલુ રહેશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનમાં આવકનો એકમાત્ર સ્ત્રોત પ્રોપર્ટી ટેકસ હોઇ માર્ચ એન્ડિંગના આ છેલ્લા અઠવાડિયામાં તંત્રે ચાલુ નાણાકીય વર્ષ…

12 hours ago

રાજ્યની તમામ આંગણવાડીઓનો વહીવટ હવે ઓનલાઇન થશે

(અમદાવાદ બ્યૂરો) અમદાવાદ: અમદાવાદ સહિત રાજ્યભરમાં ચાલતી પ૩ હજાર આંગણવાડીઓ હવે ઓનલાઇન કરવાનો નિર્ણય હવે સરકારે લઈ લીધો છે આંગણવાડીઓનાં…

12 hours ago

ગર્ભવતી મહિલાને પોલીસ કર્મચારીઓએ લાત મારીઃ હોસ્પિટલમાં દાખલ કરાઈ

અમદાવાદ: શહેરના વાડજ વિસ્તારમાં આવેલ રામાપીરના ટેકરામાં રહેતા એક યુવક અને તેની ગર્ભવતી પત્નીને વાડજ પોલીસ સ્ટેશનમાં પોલીસ કર્મચારીઓએ માર…

12 hours ago