OBC વસ્તીગણતરીનું લોલીપોપઃ મોદી સરકારનો માહેર ચૂંટણીવ્યૂહ

વસ્તીગણતરીમાં બેકવર્ડ સમુદાય સાથે સંકળાયેલા આંકડા સામેલ કરવાની માગણી સ્વીકારીને સરકારે અનામતની વ્યવસ્થાને વધુ નક્કર અને હકીકતલક્ષી આધાર પૂરો પાડવા માટે માર્ગ મોકળો કરી દીધો છે. અત્રે ઉલ્લેખનીય છે કે ૧૯૩૧ બાદ દેશમાં એવી કોઇ વસ્તીગણતરી થઇ નથી, જેમાં જ્ઞાતિ કેે જાતિ સંબંધિત ડેટાનો સમાવેશ કરવામાં આવ્યો હોય.

જ્યારે વી.પી.સિંહ સરકારે મંડલ આયોગની ભલામણ અનુસાર ઓબીસી માટે ર૭ ટકા અનામતની વ્યવસ્થા કરી હતી ત્યારથી એવો સવાલ ઉઠાવવામાં આવી રહ્યો છે કે આખરે આ અનામત મર્યાદા કયા આધારે નક્કી કરવામાં આવી છે. આ અનિશ્ચિતતાને મુદ્દો બનાવીને ઓબીસી સમુદાય તરફથી એવી માગણી કરવામાં આવી રહી હતી કે વસ્તીગણતરીમાં જાતિ સંબંધિત ડેટા એકત્ર કરવામાં આવે.

આ સમુદાયોનો દાવો છે કે તેમની સંખ્યા કુલ વસ્તીના પ૦ ટકાથી વધુ છે અને આ દૃષ્ટિએ ર૭ ટકા અનામત ઘણી ઓછી છે. આ માગણીઓની અસરમાં ગત યુપીએ સરકારના આદેશ અનુસાર ર૦૧૧-૧૩ દરમિયાન સામાજિક-આર્થિક જાતિના આધારે વસ્તીગણતરી કરવામાં આવી હતી, પરંતુ તેના આંકડા હજુ સુધી જાહેર કરવામાં આવ્યા નથી.

તેનું એક કારણ એ પણ છે કે જાતિ સંબંધિત આ આંકડા એટલા જ‌ટિલ અને વૈવિધ્યપૂર્ણ છે કે તેમનું વર્ગીકરણ કરવું શક્ય જણાતું નથી, તેમાં ૪૬ લાખ પ્રકારની જાતિઓ અને પેટાજાતિઓ બતાવવામાં આવી છે. અનામતનું ભૂત જોરશોરથી ધૂણી રહ્યું છે ત્યારે મોદી સરકારે ધૂણતા ભૂતને શાંત પાડવાના પ્રયાસમાં વસ્તીગણતરી કરીને ઓબીસી (અધર બેકવર્ડ ક્લાસ)નો ડેટા મેળવવાનો પ્રયાસ શરૂ કર્યો છે.

અનામતના નામે હાલ જે કંઈ પણ તાંડવ થઈ રહ્યાં છે એનો માર્ગ કાઢવો સરકાર માટે અનિવાર્ય બની રહ્યો હતો. સરકારે વિચાર્યું કે માથે ચૂંટણી તોળાઈ રહી છે. અનામત માગનારા દલિતો કે અન્યના મત વિના મેળ ન પણ પડે અથવા ચૂંટણી જીતવાનું કપરું પણ બની શકે એમ હતું.

બધાં આવીને અનામતની માગણી કરે તો એમને કેમ કરી સંભાળવા. સરકાર અનામતની માગણીનો સ્વીકાર કરી ન શકે અને ના પાડે તો તેઓ નારાજ થાય. ચૂંટણીનું રણશિંગુ વાગતું હોય ત્યારે કોઈને નારાજ કરવાનું સરકારને પોસાય તેમ નથી. આમ, સરકાર માટે સાપે છછૂંદર ગળ્યા જેવી સ્થિતિ સર્જાઇ હતી.

સરકારે ગણતરીપૂર્વકનાં પગલાંમાં ઓબીસીનો ડેટા મેળવવા માટે સ્વતંત્ર ભારતમાં પહેલી વાર વસ્તીગણતરી-ર૦ર૧ની ઘોષણા કરી દીધી છે. સ્વતંત્ર ભારતમાં પહેલી વાર આ વસ્તીગણતરી એટલા માટે છે, કારણ કે અગાઉ છેક ૧૯૩૧માં વસ્તીગણતરી કરીને જાતિ સંબંધિત ડેટા એકત્ર કરાયો હતો અને એ ૧૯૩૧ની વસ્તીગણતરીના ડેટાના આધારે જ અગાઉની વી.પી. સિંહ સરકારે મંડલપંચની ભલામણના આધારે ર૭ ટકા અનામતની જાહેરાત કરી હતી.

વારંવાર અનામતની માગણીઓ થવા લાગી હતી તેમજ સમયાંતરે માગણીઓ જોર પકડવા લાગી હતી. મૂળ મુદ્દો સરકાર માટે એ હતો કે અનામત આપવી તો કયા આધારે, કયા બેઝ પર. આ મામલાે કોર્ટમાં જવા લાગતાં સર્વોચ્ચ અદાલતે પણ આમ જ કહ્યું કે ઓબીસીના આંકડા જેવો કોઈ એવો આધાર હોવો જોઈએ, જેના આધારે અનામતની માગણીને યથાર્થ ઠરાવી શકાય અને ન્યાય આપી શકાય.

હવે આવે છે મૂળ વાત. મોદી સરકારે ઓબીસીની વસ્તીગણતરીનો મૂળ તંતુ પકડી લઈને વસ્તીગણતરીની જાહેરાત કરી દીધી. અલબત્ત, બધું પ્લાન કરીને. વસ્તીગણતરીનું કામ શરૂ કરીને તેને અંજામ આપવામાં આવે તે પહેલાં ર૦૧૯ની ચૂંટણીઓ આવી જશે.

ભારતીય જનતા પાર્ટી (ભાજપ) આ મુદ્દો સૌ કોઈના ગળે ઉતારી દેશે કે અમે ક્યાં ના પાડી અનામત આપવાની. વસ્તીગણતરીનું પરિણામ આવી જવા દો, એમાં તમારી ટકાવારી જોઈ લેવા દો, પછી આપીશું. આને કહેવાય લૉલીપૉપ.

અનામત આંદોલનકારો જે રાજ્યના હોય ત્યાંના-આશામાં ને આશામાં ચૂંટણીમાં સાથ-સહકારની સાથે મત પણ આપશે જ. ગુજરાતની ચૂંટણીમાં પાટીદારોનાં પાટુ ખાઈ ચૂકેલા ભારતીય જનતા પક્ષને એટલું તો સમજાઇ ગયું કે આવું આવતા વર્ષની ચૂંટણીમાં પણ બની શકે એટલે એ ભૂતને ધૂણતું બંધ કરવા વસ્તીગણતરીના ડાકલા વગાડવા જરૂરી છે.

હવે મોદી સરકારે કદાચ આને વ્યૂહરચના તરીકે આગળ કરીને આગામી ચૂંટણીમાં મત અંકે કરી લેવાનું નક્કી કર્યું હોય એમ લાગે છે. વ્યૂહરચનામાં માહેર મોદીનાં પાસાં સવળાં જ પડતાં આવ્યાં છે. ર૦ર૧ની વસ્તીગણતરીનો દાવો કેવું પરિણામ લાવશે એ કદાચ સમય જ કહી શકે.

divyesh

Recent Posts

Hyundaiની નવી કોમ્પેક્ટ SUV મે મહિનામાં થઇ શકે છે લોન્ચ

હુંડાઇ મોટર ઇન્ડિયાએ પોતાની અપકમિંગ કોમ્પેક્ટ SUV Styxનો નવું ટીઝર રજૂ કર્યું હતું. હુંડાઇ સ્ટાઇક્સ ગત વર્ષે શોકેસ કરેલ કારલિનો…

15 hours ago

ડાયા‌િબટિક રેટિનોપથીની તપાસમાં પણ હવે ‘એઆઈ’નો ઉપયોગ

વોશિંગ્ટન: સ્વાસ્થ્યના ક્ષેત્રમાં નવી નવી ટેકનિક આવવાથી ઘણી ગંભીર બીમારીઓની ઓળખ કરવાનું અને તેનો ઉપચાર સરળ બની ગયો છે. કેન્સર…

15 hours ago

100 પશુઓ માટે ફોટોગ્રાફરે આરામદાયક જિંદગી અને સફળ કારકિર્દીને છોડી દીધી

(એજન્સી)મોસ્કોઃ દરિયા પુસ્કરેવા રશિયાની રાજધાની મોસ્કોની એક સફળ ફોટોગ્રાફર હતી, પરંતુ એક દિવસ તેણે આરામદાયક જિંદગીને છોડીને જંગલમાં રહેવાનું નક્કી…

15 hours ago

ઈલેક્ટ્રિક કારથી ત્રણ વર્ષમાં 90,000 કિ.મી.ની કરી યાત્રા

(એજન્સી)હોલેન્ડ: એક ઈલેક્ટ્રિક કાર ડ્રાઈવરે લોકોના સહયોગથી ત્રણ વર્ષમાં ૯૦,૦૦૦ કિ.મી.ની યાત્રા કરી. ઝીરો કાર્બન ઉત્સર્જનનો સંદેશ લઈને વિબ વેકર…

16 hours ago

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોને થશે કારકિર્દીક્ષેત્રે પ્રગતિ

મેષઃ આ અઠવાડિયે આપને પુષ્કળ પ્રમાણમાં મહત્‍વના લાભો મળવાના છે એમ ગણેશજીનું માનવું છે. આપનો કરિશ્‍મા, આત્મવિશ્વાસ અને અંત:સ્‍ફુરણા એટલા સક્રિય…

16 hours ago

મિત્રએ ઉધાર લીધેલા 25 હજાર આપવાના બદલે મોત આપ્યું

(પ્રતિનિધિ દ્વારા) અમદાવાદ: શહેરના પૂર્વ વિસ્તારમાં ગુનાખોરીની ગ્રાફ દિવસે ને દિવસે વધી રહ્યો છે. સામાન્ય બાબતોમાં તેમજ રૂપિયાની લેતીદેતી જેવી…

17 hours ago