ટ્રાઈનું મહત્વ નું પગલુંઃ હવે માત્ર બે જ દિવસમાં મોબાઇલ નંબર પોર્ટ થઈ શકશે

નવી દિલ્હી: જો તમે તમારી ટેલિકોમ સર્વિસ પ્રોવાઇડર કંપનીથી ખુશ ન હો અને તમે તમારો મોબાઇલ નંબર બદલવા ઇચ્છતા હો તો તમારા માટે ખુશખબર છે. મોબાઇલ નંબર પોર્ટેબિલિટી (એમએનટી) સુવિધા હેઠળ અરજી કરવા માગતા ગ્રાહકો માટે સારા સમાચાર છે.

હવે તમારો મોબાઇલ નંબર માત્ર બે જ દિવસમાં બીજી કંપનીમાં પોર્ટ થઇ જશે. આ માટે ટેલિકોમ નિયામક ટેલિકોમ રેગ્યુલેટરી ઓથોરિટી ઓફ ઇન્ડિયા (ટ્રાઇ)એ મોબાઇલ નંબર પોર્ટેબિલિટી અંગે એક નવો ડ્રાફટ તૈયાર કર્યો છે.

સૂત્રોના જણાવ્યા અનુસાર ટ્રાઇ તરફથી તૈયાર કરવામાં આવેલ આ નવા ડ્રાફટ મુજબ હવે મોબાઇલ પોર્ટેબિલિટી માટે વર્તમાન સાત દિવસની સમયમર્યાદા ઘટાડીને બે દિવસની કરવામાં આવી છે.

જોકે જમ્મુ-કાશ્મીર, આસામ અને પૂર્વોત્તરનાં રાજ્યમાં આ નવો નિયમ લાગુ પડશે નહીં. આ રાજ્યમાં પહેલાંની જેમ જ ૧પ દિવસની સમયમર્યાદા મોબાઇલ પોર્ટેબિલિટી માટે અમલમાં રહેશે.

સૂત્રોના જણાવ્યા મુજબ લોકોનો અભિપ્રાય મેળવવા આ ડ્રાફટને જાહેર કરવામાં આવશે. ભારતમાં ર૦૧૧માં મોબાઇલ નંબર પોર્ટેબિલિટી સેવા શરૂ કરવામાં આવી હતી. આ સેવાનો લાભ લેવા માટે પહેલાં ટ્રાઇ દ્વારા રૂ.૧૯ની ફી નક્કી કરવામાં આવી હતી, પરંતુ ગ્રાહકોની ફરિયાદ બાદ ટ્રાઇએ આ ફી ઘટાડીને રૂ.૪ કરી દીધી હતી. ફી ઘટાડાના કારણે પોર્ટેબિલિટીની સેવા આપતી કંપનીઓની ખોટ વધી રહી છે.

આ કારણસર કંપનીઓએ માર્ચ ર૦૧૯થી સેવા આપવાનો ઇનકાર કર્યો છે. આમ તો દેશમાં ર૦૧૧થી જ મોબાઇલ નંબર પોર્ટેબિલિટી સેવા શરૂ થઇ ગઇ હતી, પરંતુ દેશના કોઇ પણ એક શહેરથી બીજા શહેરમાં નંબર પોર્ટ કરાવવાની સુવિધા ૩ મે, ર૦૧પથી શરૂ થઇ હતી. મોબાઇલ નંબર ગ્રાહક કોઇ પણ કંપનીની સેવાઓ ૯૦ દિવસ સુ‌ધી ઉપયોગમાં લીધા બાદ પોર્ટેબિલિટી સેવાનો લાભ લઇ શકે છે.

divyesh

Recent Posts

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

8 hours ago

ગુજરાત વિધાનસભામાં નાણાપ્રધાન નીતિન પટેલે લેખાનુદાન રજૂ કર્યું

(અમદાવાદ બ્યૂરો) અમદાવાદ: ગુજરાત વિધાનસભામાં આજે નાણાપ્રધાન નીતિન પટેલે લેખાનુદાન રજૂ કર્યું હતું. લોકસભાની ચૂંટણીને અનુલક્ષી ર૦૧૯-ર૦નું પૂર્ણ બજેટ રજૂ…

9 hours ago

બેફામ સ્પીડે દોડતાં વાહનો સામે ટ્રાફિક પોલીસ-સ્પીડગન લાચાર

(પ્રતિનિધિ દ્વારા) અમદાવાદ: શહેરના એસજી હાઈવે પર બેફામ સ્પીડે વાહનો દોડે છે. ઓવરસ્પીડ માટે રૂ.એક હજારનો ઈ-મેમો આપવાની ભલે શરૂઆત…

9 hours ago

ભાજપના પ્રદેશ ઉપાધ્યક્ષના બ્લોગને પાકિસ્તાની હેકર્સે નિશાન બનાવ્યો

(પ્રતિનિધિ દ્વારા) અમદાવાદ: પુલાવામા એટેક બાદ ભારત અને પાકિસ્તાન વચ્ચે હેકિંગ વોર શરૂ થઇ ગઈ છે. ભારતીય હેકર્સે પાકિસ્તાનની ર૦૦થી…

9 hours ago

પશ્ચિમ ઝોનમાં પાંચ વર્ષના રોડના 750 કરોડનાં કામનો હિસાબ જ અધ્ધરતાલ!

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રોડનાં કામમાં ચાલતી ગેરરી‌િત સામે આંખ આડા કાન કરાય છે તે તો જાણે…

9 hours ago

પથ્થરબાજોને સેનાની આખરી ચેતવણીઃ આતંકીઓને મદદ કરશો તો માર્યા જશો

(એજન્સી) શ્રીનગર: જમ્મુ-કાશ્મીરના પુલવામામાં થયેલા આતંકી હુમલા અને ત્યાર બાદ થયેલ એન્કાઉન્ટરને લઇ સુરક્ષાદળો (આર્મી, સીઆરપીએફ અને સ્થાનિક પોલીસ)એ શ્રીનગર…

11 hours ago