મ્યુનિસિપલના મેયર સહિતના હોદ્દેદારો માટે હવે નવી કાર ખરીદાશે

અમદાવાદ: ગત તા. ૧૪ જૂને શહેરના પાંચમા મહિલા મેયરપદે બીજલબહેન પટેલ આરૂઢ થયાં હતાં. જ્યારે સ્ટેન્ડિંગ કમિટીના ચેરમેનપદે અમૂલ ભટ્ટે જવાબદારી સંભાળી હતી. શાસક ભાજપના ટોચના પાંચ હોદ્દેદાર ઉપરાંત આજે સવારે મળનારી નીચલી કમિટીઓની પ્રણાલિકા મુજબની કમિટી બેઠકમાં જે તે ચેરમેન ચૂંટાઈ આવશે એટલે કે વર્તમાન ૨૦૧૫થી ૨૦૨૦ની ટર્મની છેલ્લી અઢી વર્ષની મુદત માટે તથા શાસકોની વરણીની પ્રક્રિયા પૂર્ણ થશે. આની સાથે સાથે આ નવા શાસકો માટે નવી ગાડી ખરીદવાની કવાયત પણ હાથ ધરાઈ છે.

ગત ઓક્ટોબર-૨૦૧૫ની મ્યુનિસિપલ કોર્પોરેશનની સામાન્ય ચૂંટણીમાં ભાજપનો સતત ત્રીજી ટર્મ માટે વિજય થતાં પક્ષે હેટ્રિક નોંધાવી હતી. તત્કાલીન મેયર ગૌતમ શાહની આગેવાની હેઠળ શાસક પક્ષની ટીમ દ્વારા જૂની ગાડી વપરાશમાં લેવાઈ હતી, પરંતુ હવે નવા શાસકો માટે આગામી દિવસોમાં નવી ગાડી ખરીદાય તેવી શક્યતા પ્રબળ બની છે.

ટોચના હોદેદ્દારો માટે વર્ના ગાડી અને નીચલી કમિટીઓના ચેરમેન માટે સ્વિફ્ટ ડિઝાયર આઠેક વર્ષ પહેલાં વહીવટીતંત્ર દ્વારા લાખો રૂપિયાના ખર્ચે ખરીદાઈ હતી. આ સઘળી ગાડીની અંદાજે બે લાખ કિ.મી.ની વહન ક્ષમતા હોઇ તેનાથી પણ વધુ કિ.મી. સુધી ગાડી ફરી હોઈ તેની ક્ષમતા પૂરી થઈ હોવાનું ચર્ચાઈ રહ્યું છે. પરિણામે કેટલાક હોદેદ્દાર દ્વારા નવી ગાડીની માગણી ઊઠતાં નવી ગાડીને લગતી માહિતી તંત્ર દ્વારા એકઠી કરાઈ રહી છે.

જાણકાર સૂત્રો કહે છે, ડેપ્યુટી મેયરની ગાડી આજ‌િદન સુધીમાં ૨,૦૨,૦૨૬ કિ.મી, શાસક પક્ષના નેતાની ગાડી ૧,૮૩,૦૫૦ કિ.મી., વિપક્ષના નેતાની ગાડી ૧,૬૯,૨૦૩ કિ.મી. તથા દંડકની ગાડી ૨,૨૬,૪૫૦ કિ.મી. ફરી ચૂકી છે, જેના કારણે નવી ગાડી ખરીદવાનાં ચક્રો ગતિમાન કરાયાં છે.

divyesh

Recent Posts

મહાભારત સારઃ ધર્મ તરફ તમારી મતિ રાખો

મૂળ મહાભારત જ કેટલા શ્લોકોનું હતું? તેમાંથી એક લાખ શ્લોકનું મહાભારત કોણે રચ્યું? મહાભારતમાં કેટલાક સવાલો રાજા જનમેજય પૂછે છે…

10 hours ago

17 મહિનામાં 76.48 લાખ લોકોને રોજગાર મળ્યાઃ EPFOના પેરોલ ડેટા

(એજન્સી)નવી દિલ્હી: એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (ઇપીએફઓ)ના તાજેતરના પેરોલ ડેટા પરથી જાહેર થયું છે કે છેલ્લા ૧૭ મહિનામાં ૭૬.૪૮ લાખ…

10 hours ago

રોડ કૌભાંડનું ભૂત ફરી ધૂણ્યુંઃ 59 ઈજનેરોને નોટિસ ફટકારાઈ

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના ઇતિહાસમાં પ્રથમવાર ગત વર્ષ ર૦૧૭ના ચોમાસામાં આશરે રૂ.૪પ૦ કરોડના રોડ ઓછા-વત્તા અંશે ધોવાઇ જતાં સમગ્ર…

12 hours ago

પ્રોપર્ટી ટેક્સની ચૂકવણી માટે આજે અને કાલે સિવિક સેન્ટર ચાલુ રહેશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનમાં આવકનો એકમાત્ર સ્ત્રોત પ્રોપર્ટી ટેકસ હોઇ માર્ચ એન્ડિંગના આ છેલ્લા અઠવાડિયામાં તંત્રે ચાલુ નાણાકીય વર્ષ…

12 hours ago

રાજ્યની તમામ આંગણવાડીઓનો વહીવટ હવે ઓનલાઇન થશે

(અમદાવાદ બ્યૂરો) અમદાવાદ: અમદાવાદ સહિત રાજ્યભરમાં ચાલતી પ૩ હજાર આંગણવાડીઓ હવે ઓનલાઇન કરવાનો નિર્ણય હવે સરકારે લઈ લીધો છે આંગણવાડીઓનાં…

12 hours ago

ગર્ભવતી મહિલાને પોલીસ કર્મચારીઓએ લાત મારીઃ હોસ્પિટલમાં દાખલ કરાઈ

અમદાવાદ: શહેરના વાડજ વિસ્તારમાં આવેલ રામાપીરના ટેકરામાં રહેતા એક યુવક અને તેની ગર્ભવતી પત્નીને વાડજ પોલીસ સ્ટેશનમાં પોલીસ કર્મચારીઓએ માર…

12 hours ago