US OPEN: પોત્રોને હરાવી જોકોવિચે 14મો ગ્રાન્ડ સ્લેમ ખિતાબ જીત્યો

ન્યૂયોર્કઃ સર્બિયાના દિગ્ગજ ટેનિસ ખેલાડી નોવાક જોકોવિચે ગઈ કાલે આર્જેન્ટિનાના જુઆન માર્ટિન ડેલ પોત્રોને હરાવીને કરિયરનો ત્રીજો અને કુલ ૧૪મો ગ્રાન્ડ સ્લેમ ખિતાબ પોતાના નામે કરી લીધો છે.

વર્ષના ચોથા અને અંતિમ ગ્રાન્ડ સ્લેમ ખિતાબ યુએસ ઓપનની મેન્સ ફાઇનલમાં જોકોવિચે ડેલ પોત્રોને ૬-૩, ૭-૬ (૭-૪), ૬-૩થી પરાજય આપ્યો.

વર્ષ ૨૦૧૧ અને ૨૦૧૫ના ચેમ્પિયન જોકોવિચે જાપાનના કેઈ નિશિકોરીને હરાવીને ફાઇનલની ટિકિટ કન્ફર્મ કરી હતી, જ્યારે સેમિફાઇનલમાં રાફેલ નડાલ ઈજાને કારણે ખસી જતાં ડેલ પોત્રો ફાઇનલમાં પ્રવેશ્યો હતો.

૨૦૦૯ના ચેમ્પિયન અને ત્રીજા ક્રમાંકિત ડેલ પોત્રોને હરાવવાની સાથે જ નોવાક જોકોવિચે પોતાની કરિયરનો વધુ એક ગ્રાન્ડ સ્લેમ ખિતાબ જીતી લીધો છે. યુએસ ઓપનનો જોકોવિચનો આ આઠમો ખિતાબ છે.

આ સાથે જ જોકોવિચે પાછલાં ૧૦ વર્ષમાં ડેલ પોત્રો સામેની જીત-હારનો ઓવરઓલ રેકોર્ડ ૧૫-૪ પહોંચાડી દીધો છે. આ પહેલાં ડેલ પોત્રો સામે ૨૦૦૭ અને ૨૦૧૨ના યુએસ ઓપનમાં જોકોવિચ જીત હાંસલ કરી ચૂક્યો છે.

મેન્સ સિંગલ્સ ફાઇનલના પહેલા સેટમાં નોવાક જોકોવિક સંપૂર્ણપણે છવાયેલો રહ્યો હતો અને તેણે પહેલો સેટ બહુ જ સરળતાથી ૬-૩થી જીતી લીધો હતો, પરંતુ બીજા સેટમાં પોત્રોએ જોરદાર સંઘર્ષ કર્યો.

બીજો સેટ જીતવા માટે જોકોવિચે બહુ જ મહેનત કરવી પડી હતી. બીજા સેટમાં મુકાબલો સમય સુધી રોમાંચક રહ્યો અને સેટનું પરિણામ ટાઇ બ્રેકરના દ્વારા આવ્યું હતું.

પોટ્રોના જોરદાર સંઘર્ષ છતાં જોકોવિચે આ સેટ ૭-૬ (૭-૪)થી પોતાના નામે કરતાં મેચમાં ૨-૦ની સરસાઈ હાંસલ કરી લીધીહતી. જ્યારે ત્રીજા સેટમાં જોકોવિચને બહુ મેહનત કરવી પડી નહોતી અને ૬-૩થી જીત હાંસલ કરીને ચેણે અમેરિકાના મહાન ખેલાડી પેટ સામ્પ્રસની બરોબરી કરી લીધી હતી.

સામ્પ્રસે ૧૪ ગ્રાન્ડ સ્લેમ જીતીને ઇતિહાસ રચ્યો હતો. હવે ૧૪ ખિતાબ સાથે જોકોવિચ રોજર ફેડરર (૨૦) અને રાફેલ નડાલ (૧૭) બાદ ત્રીજા સ્થાને પહોંચી ગયો છે.

પાછલા આઠ મહિનામાં જોકોવિચે ગ્રાન્ડસ્લેમ મશીન જેવું પ્રદર્શન કર્યું છે, જેણે ૨૦૧૬માં ચારેય મુખ્ય ખિતાબો પર કબજો કર્યો હતો. સામ્પ્રસે જે કોર્ટ પર પોતાની કરિયરનું ૧૪મું ગ્રાન્ડ સ્લેમ જીત્યું હતું એ જ કોર્ટ પર જોકોવિચે શાનદાર પ્રદર્શન કરીને યુએસ ઓપનનો ખિતાબ જીતી લીધો હતો. પરાજયથી નિરાશ થયેલો પોત્રો પોતાના આંસુ રોકી શક્યો નહોતો.

divyesh

Recent Posts

Hyundaiની નવી કોમ્પેક્ટ SUV મે મહિનામાં થઇ શકે છે લોન્ચ

હુંડાઇ મોટર ઇન્ડિયાએ પોતાની અપકમિંગ કોમ્પેક્ટ SUV Styxનો નવું ટીઝર રજૂ કર્યું હતું. હુંડાઇ સ્ટાઇક્સ ગત વર્ષે શોકેસ કરેલ કારલિનો…

11 hours ago

ડાયા‌િબટિક રેટિનોપથીની તપાસમાં પણ હવે ‘એઆઈ’નો ઉપયોગ

વોશિંગ્ટન: સ્વાસ્થ્યના ક્ષેત્રમાં નવી નવી ટેકનિક આવવાથી ઘણી ગંભીર બીમારીઓની ઓળખ કરવાનું અને તેનો ઉપચાર સરળ બની ગયો છે. કેન્સર…

11 hours ago

100 પશુઓ માટે ફોટોગ્રાફરે આરામદાયક જિંદગી અને સફળ કારકિર્દીને છોડી દીધી

(એજન્સી)મોસ્કોઃ દરિયા પુસ્કરેવા રશિયાની રાજધાની મોસ્કોની એક સફળ ફોટોગ્રાફર હતી, પરંતુ એક દિવસ તેણે આરામદાયક જિંદગીને છોડીને જંગલમાં રહેવાનું નક્કી…

12 hours ago

ઈલેક્ટ્રિક કારથી ત્રણ વર્ષમાં 90,000 કિ.મી.ની કરી યાત્રા

(એજન્સી)હોલેન્ડ: એક ઈલેક્ટ્રિક કાર ડ્રાઈવરે લોકોના સહયોગથી ત્રણ વર્ષમાં ૯૦,૦૦૦ કિ.મી.ની યાત્રા કરી. ઝીરો કાર્બન ઉત્સર્જનનો સંદેશ લઈને વિબ વેકર…

12 hours ago

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોને થશે કારકિર્દીક્ષેત્રે પ્રગતિ

મેષઃ આ અઠવાડિયે આપને પુષ્કળ પ્રમાણમાં મહત્‍વના લાભો મળવાના છે એમ ગણેશજીનું માનવું છે. આપનો કરિશ્‍મા, આત્મવિશ્વાસ અને અંત:સ્‍ફુરણા એટલા સક્રિય…

12 hours ago

મિત્રએ ઉધાર લીધેલા 25 હજાર આપવાના બદલે મોત આપ્યું

(પ્રતિનિધિ દ્વારા) અમદાવાદ: શહેરના પૂર્વ વિસ્તારમાં ગુનાખોરીની ગ્રાફ દિવસે ને દિવસે વધી રહ્યો છે. સામાન્ય બાબતોમાં તેમજ રૂપિયાની લેતીદેતી જેવી…

13 hours ago