ભોપાલ: મધ્યપ્રદેશમાં તાજેતરમાં થયેલી કોમી હિંસાને લઇને જમિયત ઉલેમાના ઉપાધ્યક્ષ મુફતી અબ્દુર્રરઝાકે એક ભડકાઉ નિવેદન કર્યું છે. રાજ્યમાં પ્રવર્તતી તંગદિલી વચ્ચે મુફતી અબ્દુર્રરઝાકે મુસ્લિમોને જણાવ્યું છે કે જો તમારા ઘરે કોઇ આવે તો તેને મારી નાખો. તેણે જણાવ્યું હતું કે હું અગાઉ પણ મુસલમાનોને કહી ચૂકયો છું અને ફરી એક વાર કહું છું કે જો કોઇ વ્યકિત તેમનાં ઘરની તરફ આંખ પણ ઉઠાવે, ચોરી કરે, આતંકવાદી આવે તો તેને એટલો મારો કે તે મરી જાય.
મુફતી અબ્દુર્રરઝાકે વધુમાં જણાવ્યું હતું કે જે દિવસે મુસ્લિમો વિફરશે તે દિવસે છઠ્ઠીનું ધાવણ યાદ કરાવી દેશે. મીડિયા સાથેની વાતચીત દરમિયાન તેમણે નારાજગી વ્યકત કરતાં જણાવ્યું હતું કે અમે તમને બોલાવીને બધું સમજાવી દીધું છે. હવે આ જ વાત મુસ્લિમોને કહીશું. આમ પણ હું વૃદ્ધ છું. મને મરવાની કોઇ ચિંતા નથી.

મુસ્લિમોને ઉશ્કેરતાં તેેણે જણાવ્યું હતું કે તમારી જાન માલની ચિંતા ન કરો. મરી જાવ અથવા મારી નાખો, પરંતુ કોઇ તમને નુકસાન ન પહોંચાડી જવું જોઇએ. તેણે એમ પણ જણાવ્યું હતું કે મુસ્લિમો કોઇની બહેન દીકરી પર ખરાબ નજર ન રાખે, કોઇના ઘરે ન જાય અને કોઇના અત્યાચારો સહન ન કરે.