મ્યુનિ. કોર્પોરેશનના નાઇટ શેલ્ટરમાં કોઈ ફરકતું જ નથી

મ્યુનિસિપલ કોર્પોરેશન દ્વારા શહેરમાં ઘરવિહોણા લોકોને ધોમધખતા તાપ કે કડકડતી ઠંડી કે ભારે વરસાદ જેવા કુદરતી વિષમ સંજોગોમાં આશરો આપવા માટે નાઇટ શેલ્ટર બનાવાયાં છે. સમગ્ર અમદાવાદમાં કુલ ર૭ નાઇટ શેલ્ટર છે, પરંતુ એક અથવા બીજા કારણસર આ નાઇટ શેલ્ટર હજુ સુધી ઘરવિહોણા લોકોમાં ખાસ લોકપ્રિય બન્યાં નથી.

શહેરમાં ઘરવિહોણા નાગરિકોની સંખ્યામાં પણ સતત વધારો થઇ રહ્યો છે. રાજ્યના ગ્રામીણ વિસ્તારોમાંથી રોજી-રોટી રળવા અમદાવાદ આવતા આ ગરીબો ફૂટપાથ કે ગમે ત્યાં આશરો મળે ત્યાં રેનબસેરા કરે છે, જોકે તંત્ર દ્વારા શહેરમાં ર૪ કલાક ખુલ્લા રહેતાં નાઇટ શેલ્ટરની વ્યવસ્થા કરાઇ હોવા છતાં ઘરવિહોણામાં નાઇટ શેલ્ટર વધુ લોકપ્રિય બન્યાં નથી.
નાઇટ શેલ્ટરમાં નહાવા-ધોવા-સૂવાની તેમજ રસોઇ કરી શકાય તેવી વ્યવસ્થા ઊભી કરાઇ હોવાનો તંત્રનો દાવો છે. શહેરનાં કુલ ર૭ નાઇટ શેલ્ટરમાં કુલ ૧૬૩પ લોકો આશરો લઇ શકે છે.

નાઇટ શેલ્ટરમાં કલાકો સુધી કે દિવસો સુધી રોકાવાની છૂટ છે. તેમ છતાં ઘરવિહોણા લોકો ખાસ આવતા નથી. કેટલાંક નાઇટ શેલ્ટર ખરાબ હાલતમાં છે. અમુક નાઇટ શેલ્ટરના દરવાજા પણ અસામા‌િજક તત્ત્વો ઉખાડીને લઇ ગયાના બનાવ બન્યા છે. કેટલીક લેભાગુ સંસ્થાઓ પણ આશ્રય લેનારાના ખોટા આંકડા દર્શાવીને મ્યુનિસિપલ તિજોરીને લૂંટે છે. આ ઉપરાંત નાઇટ શેલ્ટરને સીસીટીવીથી સજ્જ કરવાની જાહેરાતને પણ અમલમાં મૂકી શકાઇ નથી.

મ્યુનિસિપલ કમિશનર વિજય નેહરા દ્વારા નાઇટ શેલ્ટરમાં યોગ્ય સુવિધા મળે તે માટે અર્બન કોમ્યુનિટી ડિપાર્ટમેન્ટ (યુસીડી)ને અવારનવાર તાકીદ કરાય છે. કમિશનર નેહરા નાઇટ શેલ્ટરનો ઘરવિહોણા લોકો મહત્તમ લાભ લે તે માટે ખાસ ઝુંબેશ હાથ ધરવાનો આદેશ પણ યુસીડી વિભાગને આપે છે, પરંતુ ઉચ્ચ સ્તરેથી આદેશ મળ્યા બાદ સમયાંતરે હાથ ધરાતી ઝુંબેશ દરમિયાન જ નાઇટ શેલ્ટર ઘરવિહોણા લોકોથી ઊભરાય છે.

અન્ય દિવસોમાં ખાલીખમ રહે છે. સ્થાનિક કોર્પોરેટરો પણ પોતાના વિસ્તારના ઘરવિહોણાઓને નજીકના નાઇટ શેલ્ટરમાં આશરો આપવાની તસ્દી લેતા નથી. કેટલાક કોર્પોરેટરને આ પ્રકારની જન સેવા કરવાના બદલે માત્ર જે તે કામની કમિશનખોરીમાં જ રસ છે. જો આવી ભીષણ ગરમીમાં આશરો લેવા આવનારા ઘરવિહોણાને પાણી તેમજ ઓઆરએસનાં પેકેટ આપવાની તૈયારી તંત્રે દાખવી છે.

divyesh

Recent Posts

કેસરી’ માટે ત્રણ મિનિટમાં જ કહી દીધી હતી હાં: પરિણી‌તિ

બોલિવૂડ અભિનેત્રી પરિણી‌તિ ચોપરાએ 'ઇશકજાદે'થી કરિયરની શરૂઆત કરી ત્યારે લોકોને હતું કે તે કાઠું કાઢશે, પરંતુ છ વર્ષમાં તેણે કરેલી…

2 weeks ago

રમજાનનાં આરંભ સાથે જ ફળોનાં ભાવમાં રૂ.૨૦થી ૨૫નો વધારો

અમદાવાદઃ મુસ્લિમ બિરાદરોનાં પવિત્ર રમજાન માસનો પ્રારંભ થતાંની સાથે જ ફ્રૂટમાં ૨૫ ટકા અને ખજૂરના ભાવોમાં ૨૦ ટકાનો ભાવ વધારો…

2 weeks ago

મોદીએ મહાજનને કહ્યું, ‘ભોજન લાવ્યાં છો? હું ગાડીમાં ખાઈ લઈશ’

ઈન્દોરઃ વડા પ્રધાન નરેન્દ્ર મોદીએ રવિવારે ઈન્દોરમાં ચૂંટણી સભા કરી. આ દરમિયાન ઈન્દોર સીટના હાલનાં સાંસદ સુમિત્રા મહાજન (તાઈ) અને…

2 weeks ago

અમિત શાહનો રોડ શો મમતા સરકારે કર્યો રદ, હેલિકોપ્ટર ઉતારવાની પણ મંજૂરી ન અપાઇ

કોલકાતાઃ પશ્ચિમ બંગાળમાં મમતા સરકારે ભાજપ અધ્યક્ષ અમિત શાહને રેલી કરવાની પરવાનગી ન આપી. ભાજપ સૂત્રોનાં જણાવ્યાં મુજબ શાહનું હેલિકોપ્ટર…

2 weeks ago

પાલનપુર-અંબાજી હાઇવે ઉપર ટ્રિપલ અકસ્માત: ત્રણનાં મોત

અમદાવાદઃ પાલનપુર-અંબાજી રોડ પર આજે રતનપુર ગામ પાસે મેઇન હાઇવે પર આજે એક બાઇક અને બે કાર વચ્ચે ટ્રિપલ અકસ્માત…

2 weeks ago

અમદાવાદમાં પબજી રમવા પર હવે કોઈ જ પ્રકારનો પ્રતિબંધ નહીં

અમદાવાદઃ રાજકોટમાં પબજી ગેમ રમવા પર પ્રતિબંધ મુકાવાનો મામલો હાઇકોર્ટમાં પહોંચ્યો હતો. જેમાં પબજી ગેમ પર પ્રતિબંધ લાદતું જાહેરનામું પોલીસે…

2 weeks ago