Categories: Gujarat

મુંબઈ રહેતી પત્નીઅે ફોન કરીને કહ્યું કે પુત્ર રેલવે સ્ટેશન બેઠો છે

અમદાવાદ: શહેરના શાહીબાગ વિસ્તારમાં આવેલી પટેલ સોસાયટીના એક મકાનમાંથી ગુમ થયેલો ૫ વર્ષનું બાળક ૧ર કલાક બાદ રેલવે સ્ટેશન પરથી મળી આવતાં ચકચાર મચી ગઇ છે. આ ચકચારી કિસ્સામાં બાળકના ગુમ થવા પાછળ તેની માતાનો હાથ હોય તેવી શંકા પોલીસે વ્યક્ત કરી છે.

શાહીબાગ વિસ્તારમાં આવેલ પટેલ સોસાયટીમાં રહેતા ૩ર વર્ષીય વિશાલ શિવાજી રાણાનાં ૧૧ વર્ષ પહેલાં મુંબઇમાં હેતી મુસ્લિમ યુવતી પરવીન સાથે પ્રેમલગ્ન થયાં હતાં. પાંચ વર્ષ પહેલાં પરવીને પુત્ર હર્ષને જન્મ આપ્યો હતો. બન્ને વચ્ચે અણબનાવ હોવાથી છ મહિના પહેલાં પરવીન પુત્ર હર્ષને વિશાલ પાસે મૂકીને મુંબઇ એકલી જતી રહી હતી. સોમવારના દિવસે સવારે દસ વાગ્યાની આસપાસ વિશાલ અને તેનો ભાઇ ઘરે સૂતા હતા ત્યારે હર્ષ ગુમ થયો હતો. હર્ષ ગુમ થતાં વિશાલે અડોશપડોશમાં તેની શોધખોળ કરી હતી, જોકે તે નહીં મળતાં અંતે શાહીબાગ પોલીસ સ્ટેશનમાં અપહરણની ફરિયાદ કરી હતી.

શાહીબાગ પોલીસ તેમજ સુરક્ષા એજન્સીઓએ હર્ષને શોધવા માટે ચક્રો ગતિમાન કર્યાં હતાં ત્યારે વિશાલ અને તેના પરિવારે પણ હર્ષની શોધખોળ કરી હતી. દરમિયાનમાં તે જ દિવસે મોડી રાતે દસ વાગ્યાની આસપાસ વિશાલના મોબાઇલ પર મુંબઇથી પરવીનનો ફોન આવ્યો હતો. પરવીને વિશાલને જણાવ્યું હતું કે તેને સેટેલાઇટ ફોનથી ખબર પડી છે કે હર્ષ કાલુપુર રેલવે સ્ટેશન પર પ્લેટફોર્મ નંબર-૧ પર બેઠો છે. પરવીનની વાત પર શંકા જતાં વિશાલ અને તેનો ભાઇ રેલવે સ્ટેશન પર જોવા માટે ગયા હતા ત્યારે હર્ષ એક મહિલા કોન્સ્ટેબલ સાથે બેઠો હતો. હર્ષ મળી આવતાં વિશાલ તેમજ પોલીસે રાહતનો શ્વાસ લીધો હતો. પોલીસસૂત્રોના જણાવ્યા અનુસાર હર્ષનું અપહરણ કરવા પાછળ તેની માતા પરવીનનો હાથ લાગી રહ્યો છે.

divyesh

Recent Posts

દિવસે ભઠ્ઠીમાં ફેરવાતી બીટ ચોકીમાં પોલીસ કર્મચારી પગ મૂકતાંય ડરે છે

શહેરમાં ટ્રાફિકની સમસ્યા દિવસે દિવસે વધતી જાય છે. ત્યારે આવા માથાના દુઃખાવા સમાન ટ્રાફિકની સમસ્યા હલ કરવા માટે ટ્રાફિક પોલીસ…

58 mins ago

મ્યુનિ. કોર્પોરેશનના નાઇટ શેલ્ટરમાં કોઈ ફરકતું જ નથી

મ્યુનિસિપલ કોર્પોરેશન દ્વારા શહેરમાં ઘરવિહોણા લોકોને ધોમધખતા તાપ કે કડકડતી ઠંડી કે ભારે વરસાદ જેવા કુદરતી વિષમ સંજોગોમાં આશરો આપવા…

1 hour ago

ગુજકેટઃ વિદ્યાર્થીઓની બેઠક વ્યવસ્થાને લઇને ચકાસણી

લોકસભા ચૂંટણીનો કાર્યક્રમ જાહેર થતાંની સાથે જ રાજ્ય શિક્ષણ બોર્ડ દ્વારા ગુજકેટ પરીક્ષાની તારીખમાં વધુ એક વખત ફેરફાર કરવાની ફરજ…

1 hour ago

શહેરના હેરિટેજ સમાન ટાઉનહોલને નવ કરોડના ખર્ચે રિનોવેટ કરાશે

અમદાવાદ મ્યુનિસિપલ કોર્પોરેશન હસ્તકના ટાઉનહોલને હવે વધુ સુવિધાસજ્જ અને અદ્યતન બનાવવાની તજવીજ હાથ ધરાઇ છે. બહુ ટૂંકા સમયમાં શહેરની મધ્યમાં…

1 hour ago

વારાણસીમાં પીએમ મોદીનો મેગા રોડ શો: નીતીશ-ઉદ્ધવ સહિતના દિગ્ગજોની હાજરી

વારાણસી બેઠક માટે વડા પ્રધાન નરેન્દ્ર મોદી આવતી કાલે ર૬મીએ ફોર્મ ભરશે તે પહેલાં આજે મેગા રોડ શોનું આયોજન કરવામાં…

1 hour ago

J&K: અનંતનાગમાં સુરક્ષા દળો સાથે અથડામણમાં બે આતંકી ઠાર

દક્ષિણ કાશ્મીરમાં અનંતનાગ જિલ્લાના બીજબહેરામાં આજે સવારે થયેલી અથડામણમાં બે આતંકવાદી ઠાર મરાયા છે. સુરક્ષા દળોને અહીંના બાગેન્દ્રર વિસ્તારમાં કેટલાક…

2 hours ago