Movie Review: રોમિયો અકબર વોલ્ટર – ‘રો’ની કહાણી એક સાચા જાસૂસની કહાણી

રોમિયો અકબર વોલ્ટરના નિર્દેશક રોબી ગ્રેવાલ છે. રોબીએ લગભગ ૧૦ વર્ષ બાદ કોઇ ફિલ્મનું ડિરેક્શન સંભાળ્યું છે. આ પહેલાં ૨૦૦૯માં તેમણે ફિલ્મ ‘આલુ ચાટ’ નિર્દેશિત કરી હતી. તે પહેલાં ૨૦૦૯માં ‘સમય’, ૨૦૦૭માં ‘એમપી થ્રીઃ મેરા પહેલા પહેલા પ્યાર’ જેવી ફિલ્મો નિર્દેશિત કરી હતી. ૨૦૦૫માં આવેલી લોકપ્રિય ફિલ્મ ‘યહાં’ના નિર્માતા પણ રોબી હતા.

વર્ષ ૨૦૦૩માં ફિલ્મ ‘જિસ્મ’થી દર્શકોની વચ્ચે પોતાની ઉપસ્થિતિ નોંધાવનાર અભિનેતા જોન અબ્રાહમે ‘સાયા’, ‘કાલ’, ‘એલાન’, ‘ધૂમ’, ‘મદહોશી’, ‘વોટર’, ‘ગરમ મસાલા’, ‘ઝિંદા’, ‘ટેક્સી નંબર ૯૨૧૧’, ‘કાબુલ એક્સપ્રેસ’, ‘દોસ્તાના’, ‘શૂટઆઉટ એટ વડાલા’, ‘મદ્રાસ કેફે’, ‘રોકી હેન્ડસમ’, ‘ઢિશૂમ’, ‘ફોર્સ-૨’, ‘પરમાણુ’ અને ‘સત્યમેવ જયતે’ જેવી ફિલ્મમાં અભિનય કર્યો છે.

ફિલ્મોમાં બેકગ્રાઉન્ડ ડાન્સરના રૂપમાં કામ કરી ચૂકેલી મૌનીએ ૨૦૦૭માં ‘ક્યોંકિ સાસ ભી કભી બહુ થી’થી પોતાની અભિનય કારકિર્દી શરૂ કરી. ત્યારબાદ તેણે ‘કસ્તૂરી’, ‘દો સહેલિયા’, ‘દેવો કે દેવ મહાદેવ’, ‘નાગિન’ ઉપરાંત અનેક રિયાલિટી શોમાં કામ કર્યું. મૌનીની પહેલી ફિલ્મ ‘ગોલ્ડ’ હતી.

રોમિયો અકબર વોલ્ટર એટલે ‘રો’ની કહાણી એક સાચા જાસૂસની કહાણી છે. આ કહાણી એક સિક્રેટ એજન્ટ રોમિયો અકબર વોલ્ટર (જોન અબ્રાહમ)ની છે, જે ૭૦ના દાયકામાં પાકિસ્તાની સેનામાં સામેલ થઇને હિંદુસ્તાની સેના માટે જાસૂસી કરતો હતો. પોતાની દેશભક્તિ, બહાદુરી અને બલિદાન સાથે દેશની સેવા કરતો હતો. તેની જિંદગીમાં ઘણી વાર એવા અવસર પણ આવે છે, જ્યારે પાકિસ્તાની અધિકારી તેને ઓળખીને પકડવાની કોશિશ પણ કરે છે. આવા સંજોગોમાં કેવી રીતે રોમિયો અકબર વોલ્ટર બનીને તે જાસૂસ પોતાના દેશ માટે કામ કરે છે અને કેવી રીતે ભારત-પાકિસ્તાન વચ્ચે થયેલા જંગમાં પાકિસ્તાનને ભારતીય સેના સામે ઘૂંટણ ટેકવા મજબૂર કરે છે. આ બધી બાબતો આ ફિલ્મમાં દર્શાવાઇ છે. •

You might also like