Categories: Business Trending

બે કરોડથી વધુ લોકો ઈન્કમટેક્સના નિશાન પરઃ 30 જૂન સુધીમાં કાર્યવાહી

ડાયરેક્ટ ટેક્સની વસૂલાતમાં ઘટાડો થતાં હવે ઇન્કમટેક્સ વિભાગે કડક વલણ અખત્યાર કર્યું છે. સેન્ટ્રલ બોર્ડ ઓફ ડાયરેક્ટ ટેક્સિસ (સીબીડીટી)એ ઇન્કમટેક્સ વિભાગને ટેક્સના દાયરામાં આવવા છતાં રિટર્ન ફાઇલ નહીં કરનારા અને રિટર્ન ફાઇલ કરવાનું બંધ કરનારાઓ સામે કડક કાર્યવાહી કરવા આદેશ કર્યો છે. ખાસ કરીને જે લોકો અત્યાર સુધી રિટર્ન ફાઇલ કરતા હતા, પરંતુ હવે નથી કરી રહ્યા તેની સામે કડક પગલા લેવામાં આવશે.

ઇન્કમટેક્સ વિભાગના જણાવ્યા અનુસાર જે લોકો સામે કાર્યવાહી કરવાની તૈયારી ચાલી રહી છે તેમની સંખ્યા બે કરોડથી વધુ છે. આમ, ઇન્કમટેક્સના નિશાન પર બે કરોડથી વધુ લોકો છે, જેમની સામે ૩૦ જૂન સુધી કાર્યવાહી કરાશે. આવા લોકોની ઇન્કમટેક્સ વિભાગે ઓળખ કરી લીધી છે. ૨૦૧૩થી ૨૦૧૭ વચ્ચે રિટર્ન ફાઇલ કર્યું નથી અથવા રિટર્ન ફાઇલ કરવાનું બંધ કર્યું છે તેમની સામે કાર્યવાહી કરવા સીબીડીટીએ આદેશ કર્યો છે.

ટેક્સ અધિકારીઓએ જણાવ્યું છે કે આવા લોકોને નોટિસ મોકલવાનું કામ શરૂ થઇ ગયું છે. આવા લોકોની સંખ્યા ૨૫ લાખ છે. આ ઉપરાંત મોડું રિટર્ન ફાઇલ કરનારાઓ સામે દંડ લેવાની જોગવાઇ છે. નિયમ અનુસાર ૩૧ ઓગસ્ટ બાદ, પરંતુ ૩૧ ડિસેમ્બર પહેલા રિટર્ન ફાઇલ કરનારાઓ સામે રૂ.૫,૦૦૦નો દંડ વસૂલ કરવામાં આવે છે, જ્યારે ૩૧ ડિસેમ્બર બાદ રિટર્ન ફાઇલ કરનારા પાસેથી રૂ. ૧૦,૦૦૦નો દંડ વસૂલ કરવાની જોગવાઇ છે. જે લોકોની આવક રૂ. પાંચ લાખ કરતા ઓછી છે તેમની પાસેથી મહત્ત્મ રૂ. એક હજારનો દંડ વસૂલ કરી શકાય છે. અત્રે ઉલ્લેખનીય છે કે ૨૦૧૩ બાદ ઇન્કમટેક્સ રિટર્ન ફાઇલ કરનારની સંખ્યામાં ભારે ઘટાડો થયો છે.

divyesh

Recent Posts

કેસરી’ માટે ત્રણ મિનિટમાં જ કહી દીધી હતી હાં: પરિણી‌તિ

બોલિવૂડ અભિનેત્રી પરિણી‌તિ ચોપરાએ 'ઇશકજાદે'થી કરિયરની શરૂઆત કરી ત્યારે લોકોને હતું કે તે કાઠું કાઢશે, પરંતુ છ વર્ષમાં તેણે કરેલી…

2 weeks ago

રમજાનનાં આરંભ સાથે જ ફળોનાં ભાવમાં રૂ.૨૦થી ૨૫નો વધારો

અમદાવાદઃ મુસ્લિમ બિરાદરોનાં પવિત્ર રમજાન માસનો પ્રારંભ થતાંની સાથે જ ફ્રૂટમાં ૨૫ ટકા અને ખજૂરના ભાવોમાં ૨૦ ટકાનો ભાવ વધારો…

2 weeks ago

મોદીએ મહાજનને કહ્યું, ‘ભોજન લાવ્યાં છો? હું ગાડીમાં ખાઈ લઈશ’

ઈન્દોરઃ વડા પ્રધાન નરેન્દ્ર મોદીએ રવિવારે ઈન્દોરમાં ચૂંટણી સભા કરી. આ દરમિયાન ઈન્દોર સીટના હાલનાં સાંસદ સુમિત્રા મહાજન (તાઈ) અને…

2 weeks ago

અમિત શાહનો રોડ શો મમતા સરકારે કર્યો રદ, હેલિકોપ્ટર ઉતારવાની પણ મંજૂરી ન અપાઇ

કોલકાતાઃ પશ્ચિમ બંગાળમાં મમતા સરકારે ભાજપ અધ્યક્ષ અમિત શાહને રેલી કરવાની પરવાનગી ન આપી. ભાજપ સૂત્રોનાં જણાવ્યાં મુજબ શાહનું હેલિકોપ્ટર…

2 weeks ago

પાલનપુર-અંબાજી હાઇવે ઉપર ટ્રિપલ અકસ્માત: ત્રણનાં મોત

અમદાવાદઃ પાલનપુર-અંબાજી રોડ પર આજે રતનપુર ગામ પાસે મેઇન હાઇવે પર આજે એક બાઇક અને બે કાર વચ્ચે ટ્રિપલ અકસ્માત…

2 weeks ago

અમદાવાદમાં પબજી રમવા પર હવે કોઈ જ પ્રકારનો પ્રતિબંધ નહીં

અમદાવાદઃ રાજકોટમાં પબજી ગેમ રમવા પર પ્રતિબંધ મુકાવાનો મામલો હાઇકોર્ટમાં પહોંચ્યો હતો. જેમાં પબજી ગેમ પર પ્રતિબંધ લાદતું જાહેરનામું પોલીસે…

2 weeks ago