Categories: India

રાજકારણને લીધે જ રામ મંદિરનું નિર્માણ થઈ શકતું નથીઃ ભાગવત

નવી દિલ્હીઃ અયોધ્યામાં રામ મંદિરના નિર્માણમાં થતા વિલંબ બદલ રાજકારણને જવાબદાર ગણાવતાં આરએસએસના પ્રમુખ મોહન ભાગવતે જણાવ્યું છે કે હિંદુ અને મુસ્લિમ ધર્મને કારણે નહિ પરંતુ રાજનીતિને કારણે રામ મંદિરના નિર્માણમાં વિલંબ થઈ રહ્યો છે.

મોહન ભાગવતે જણાવ્યું હતું કે હિંદુઓ માટે રામ જેવા કોઈ ભગવાન મહત્વના નથી. તેથી જો રામ મંદિરના નિર્માણ વચ્ચે આવતા રાજકારણને હટાવવામાં આવે તો રામ મંદિર બનવામાં કોઈ મુશ્કેલી આવે તેમ નથી. મહારાષ્ટ્રના સંત ગુલાબરાવજી મહારાજના જીવન શતાબ્દી વર્ષના પ્રસંગે આયોજીત કાર્યક્રમમાં બોલતાં ભાગવતે આ મુજબ જણાવ્યું હતું.

તેમણે કહ્યું હતું કે રામ મંદિરને લઈને સંઘની ગંભીરતાનો અંદાજ આ વાત પરથી લગાવી શકાય છે. આ પ્રસંગે મોહન ભાગવતે એવા પ્રસ્તાવને ફગાવી દીધો હતો કે જેમાં અયોધ્યામાં રામ મંદિરની જગ્યાએ વિશ્વધર્મી માનવતા ભવન બનાવવાની માગણી કરવામાં આવી હતી. તેમણે જણાવ્યું હતું કે હિંદુઓના દેશમાં રામના જન્મસ્થળ પર મંદિર બનવું જોઈએ. તેમાં કોઈને નીચા દર્શાવવાની વાત આવતી નથી. હિંદુ-મુસ્લિમોએ ક્યારેય ધર્મના આધારે કલહ કર્યો નથી.

આ કલહ માત્ર રાજકારણના કારણે જ ફેલાયો છે. જો આ બાબતમાંથી રાજકારણ વચ્ચેથી હટી જાય તો કોઈ સમસ્યા નહિ રહે. રામ બધાના હતા. અને રહેશે. હિંદુઓ માટે રામ બીજા કોઈ નથી. જેઓ ભારતમાં રહે છે તે હિંદુ છે. ભલે તેમની પૂજા પદ્ધતિ,ખાણીપીણી અને રહેણીકરણી અલગ અલગ હોય પરંતુ ભારતનું નામ હિંદુસ્તાન છે. તેથી અહિં રહેનારા તમામ હિંદુ અને ભારત માતાના પુત્ર છે અને તેમની પ્રતિષ્ઠા આ દેશ સાથે સંકળાયેલી છે. ભાગવતે એમ પણ જણાવ્યું હતું કે હિંદુઓને કર્મશકિત બતાવવાનો સમય હવે પાકી ગયો છે.

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

1 day ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

1 day ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

1 day ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

1 day ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

1 day ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

1 day ago