ગુરુકુળ રોડ પર આવેલી મોબાઈલ શોપમાંથી 12.98 લાખના મોબાઈલ અને લેપટોપની ચોરી

અમદાવાદ: શહેરનાં ગુરુકુળ રોડ પર આવેલી એક મોબાઇલ શોપમાં મોડી રાત્રે તસ્કરો ત્રાટકી રૂ.૧ર.૯૮ લાખના મોબાઇલ ફોન, લેપટોપ, ટેબ્લેટ સહિતની મતા ચોરી કરી ફરાર થઇ ગયા હતા. ઘટનાની જાણ પોલીસને થતા ઘાટલોડિયા પોલીસ ઘટના સ્થળે પહોંચી ગઇ હતી. પોલીસે આ મામલે ગુનો નોંધી સીસીટીવી ફૂટેજના આધારે તપાસ શરૂ કરી છે.

મળતી માહિતી મુજબ સેટેલાઇટના રામદેવનગર વિસ્તારમાં આવેલી બ્રિજગંગા રેસિડન્સીમાં શશાંક રોહડિયા પત્ની સાથે રહે છે. ગુરુકુળ રોડ પર આવેલા મેઘાંત કોમ્પ્લેકસમાં આર. ચાણક્ય એન્ટરપ્રાઇઝ નામની દુકાન ધરાવી સેમસંગ કંપનીના મોબાઇલ ફોન અને એસેસરિઝનો વ્યવસાય કરે છે. તેમની દુકાનમાં સેમસંગ કંપનીનાં એક મહિલા અને અન્ય એક યુવક કામ કરે છે.

શનિવારે રાત્રે રાબેતા મુજબ દુકાન બંધ કરી તમામ કર્મચારીઓ ઘેર જતા રહ્યા હતા. બીજા દિવસે સવારે મહિલા કર્મચારી દુકાને આવ્યાં ત્યારે દુકાનનું શટર ખુલ્લું જણાયું હતું. તેઓએ આ અંગે શશાંકભાઇને જાણ કરતા તેઓ તાત્કાલીક દુકાન પર પહોંચી ગયા હતા.

દુકાનમાં તપાસ કરતાં સેમસંગ કંપનીના અલગ અલગ ૪૪ નંગ મોબાઇલ, ચાર ટેબ્લોઇડ, એક લેપટોપ અને બે હેન્ડસ ફ્રીની ચોરી થઇ હોવાનું જણાયું હતું. કોઇ અજાણી વ્યક્તિ દુકાનનું શટર ઊંચું કરી પ્રવેશી કુલ રૂ.૧ર.૯૮ લાખની મતાના મોબાઇલ ફોન, ટેબ્લોઇડ અને હેન્ડસ ફ્રીની ચોરી કરી ફરાર થઇ ગઇ હતી. ઘાટલોડિયા પોલીસે આ અંગે ગુનો દાખલ કરી સીસીટીવી ફૂટેજ મેળવી આરોપીઓની શોધખોળ શરૂ કરી છે.

divyesh

Recent Posts

દિવસે ભઠ્ઠીમાં ફેરવાતી બીટ ચોકીમાં પોલીસ કર્મચારી પગ મૂકતાંય ડરે છે

શહેરમાં ટ્રાફિકની સમસ્યા દિવસે દિવસે વધતી જાય છે. ત્યારે આવા માથાના દુઃખાવા સમાન ટ્રાફિકની સમસ્યા હલ કરવા માટે ટ્રાફિક પોલીસ…

1 hour ago

મ્યુનિ. કોર્પોરેશનના નાઇટ શેલ્ટરમાં કોઈ ફરકતું જ નથી

મ્યુનિસિપલ કોર્પોરેશન દ્વારા શહેરમાં ઘરવિહોણા લોકોને ધોમધખતા તાપ કે કડકડતી ઠંડી કે ભારે વરસાદ જેવા કુદરતી વિષમ સંજોગોમાં આશરો આપવા…

1 hour ago

ગુજકેટઃ વિદ્યાર્થીઓની બેઠક વ્યવસ્થાને લઇને ચકાસણી

લોકસભા ચૂંટણીનો કાર્યક્રમ જાહેર થતાંની સાથે જ રાજ્ય શિક્ષણ બોર્ડ દ્વારા ગુજકેટ પરીક્ષાની તારીખમાં વધુ એક વખત ફેરફાર કરવાની ફરજ…

1 hour ago

શહેરના હેરિટેજ સમાન ટાઉનહોલને નવ કરોડના ખર્ચે રિનોવેટ કરાશે

અમદાવાદ મ્યુનિસિપલ કોર્પોરેશન હસ્તકના ટાઉનહોલને હવે વધુ સુવિધાસજ્જ અને અદ્યતન બનાવવાની તજવીજ હાથ ધરાઇ છે. બહુ ટૂંકા સમયમાં શહેરની મધ્યમાં…

1 hour ago

વારાણસીમાં પીએમ મોદીનો મેગા રોડ શો: નીતીશ-ઉદ્ધવ સહિતના દિગ્ગજોની હાજરી

વારાણસી બેઠક માટે વડા પ્રધાન નરેન્દ્ર મોદી આવતી કાલે ર૬મીએ ફોર્મ ભરશે તે પહેલાં આજે મેગા રોડ શોનું આયોજન કરવામાં…

2 hours ago

J&K: અનંતનાગમાં સુરક્ષા દળો સાથે અથડામણમાં બે આતંકી ઠાર

દક્ષિણ કાશ્મીરમાં અનંતનાગ જિલ્લાના બીજબહેરામાં આજે સવારે થયેલી અથડામણમાં બે આતંકવાદી ઠાર મરાયા છે. સુરક્ષા દળોને અહીંના બાગેન્દ્રર વિસ્તારમાં કેટલાક…

2 hours ago