નવી દિલ્હી: બસુપા સુપ્રીમો માયાવતીએ રાજ્યસભાની સભ્યપદ પરથી રાજીનામું આપી દીધું છે. માયાવતી રાજ્યસભામાં બોલવાની પરવાનગી ન મળવાથી ગુસ્સે હતા. બોલવાની પરમિશન ન મળતાં ભડકેલા માયાવતીએ રાજીનામાની ધમકી આપતાં સદનમાંથી વોકઆઉટ કરી દીધું હતું.

માયાવતી જ્યારે રાજીનામું આપવા રાજ્યસભા ચેરમેનની ઓફિસ પહોંચી તો એમની પાછળ રાજ્યસભાના વિપક્ષના નેતા ગુલામ નબી આઝાદ અને કોંગ્રેસ સાંસદ રાજીવ શુક્લા પણ પહોંચી ગયા હતા. પોતાની પાર્ટીના રાજ્યસભા સાંસદ સતીશ ચંદ્ર મિશ્રા પણ માયાની પાછળ ઓફિસ પહોંચી ગયા હતા. જાણવા મળી રહ્યું છે કે બધા સાંસદોએ માયાવતીને રાજીનામું આપતાં રોક્યા, પરંતુ એ માન્યા નહીં અને પોતાના સભ્યપદ પરથી રાજીનામું આપી દીધું.

હકીકતમાં, સોમવારે જેવી રાજ્યસભાની કાર્યવાહી શરૂ થઇ, ત્યારબાદ માયાવતીએ સહારનપુરમાં દલિતો પર અત્યાચારનો મુદ્દો ઉછાવ્યો, માયાવતી સતત આ બાબત પર યૂપીની યોગી સરકારનો ઘેરાવો કરી રહી હતી, પરંતુ ચેરમેને એમને સમય પૂરો થવાની દલીલ આપતા બેસવા માટેનો આગ્રહ કર્યો હતો. જો કે ત્યારબાદ માયાવતી સતત બોલવા માટે પરમિશન માંગતી રહી, પરંતુ ચેરમેનએ એમને પરમિશન આપી નહી. આ વચ્ચે માયાલતી ભડકી ગઇ અને સદનમાંથી રાજીનામું આપવાની ધમકી આપીને વોકઆઉટ કરી દીઘું.

માયાવતીએ કહ્યું કે મને માત્ર ત્રણ મીનિટનો સમય આપવામાં આવ્યો હતો, મારા મહત્વના મુદ્દા પર મારી વાત સાંભળવામાં કેમ આવી નહીં. નકવીએ કહ્યું કે માયા કોઇ સમાજની વાત મૂકી રહી નથી માત્ર રાજકારણ કરી રહી છે.

બીજી બાજુ કોંગ્રેસ તરફથી ગુલામ નબી આઝાદે માયાવતીનું સમર્થન કર્યું અને એમના સમર્થનમાં પાર્ટીના દરેક
સભ્યોને સદનમાંથી વોકઆઉટ કરી દીધું હતું.

http://sambhaavnews.com/