Categories: India

હું તો યોગિની છુંઃ ડ્રગ્સ દાણચોરીમાં મારો કોઈ હાથ નથીઃ મમતા કુલકર્ણી

મુંબઈ: કરોડોની ડ્રગ્સ દાણચોરીના આરોપોમાં ઘેરાયેલી બોલિવૂડની જાણીતી અભિનેત્રી મમતા કુલકર્ણીઅે તેના ઉપર લાગેલા તમામ આરોપોને ફગાવી દેતાં વિદેશ પ્રધાન સુષમા સ્વરાજ સમક્ષ રજૂઆત કરતાં જણાવ્યું છે કે તે આ કેસમાં નિર્દોષ યોગિની છે. અત્રે ઉલ્લેખનીય છે કે અભિનેત્રી મમતા કુલકર્ણી પર ૨૦૦૦ કરોડના નશીલા પદાર્થની દાણચોરી કરવાનો આરોપ થયા છે.

આ અંગે મમતાઅે અેક વીડિયો ટેપમાં જણાવ્યુ છે કે હું અેક યોગિની છુ. હું છેલ્લાં ૨૦ વર્ષથી અધ્યાત્મની દુનિયામાં રમી રહી છુ. મમતાઅે આ અંગે બે કેન્દ્રીય પ્રધાનોને મોકલાવેલી અરજીમાં જણાવ્યું છે કે મેં ક્યારેય ભારતીય કાયદાની અવગણના કરી નથી. મને અમેરિકી ડ્રગ્સ એન્ફોર્સમેન્ટ અેડમિનિસ્ટ્રેશન અને પોલીસના અધિકારીઓએ ષડયંત્રનો શિકાર બનાવી છે. મીડિયા સામે મમતા કુલકર્ણીની ટેપ જારી કરતી વખતે તેમના કાનૂની સલાહકાર પારજેજ મેમન, ન્યૂયોર્કના ડૈનિયલ અેરશાક,કેન્યાના કિલફ આમ્બેટા,સુદીપ પાસવોલા અને માજિદ મેમન હાજર હતા. જે રાજ્યસભાના સભ્ય પણ છે. મમતાના વકીલોએ જણાવ્યું કે મમતાને કોઈ પુરાવા વિના આ કેસમાં ફસાવવામાં આવી છે. તેમણે જણાવ્યું કે આ કેસમાં અેક આરોપી જય મુખરજીઅે પહેલાં જ તેનું નિવેદન પરત ખેંચી લીધુ છે. મેમણે જણાવ્યું કે આ કેસની સાક્ષીમાં ઘણા બધા ફિલ્મી લાઈન સાથે સંકળાયેલા છે. અને આ કેસ ટ્રાયલના તબક્કા સુધી પણ ચાલી નહી શકે.

આ કેસ ગત વર્ષે ત્યારે બહાર આવ્યો હતો જ્યારે ૧૮મી જૂનના રોજ પોલીસ મથક દ્વારા ૨૦૦૦ કરોડ રૂપિયાનું ડ્રગ્સ જપ્ત કરવામાં આવ્યું હતું. અને આ કેસમાં મમતા કુલકર્ણી અને તેના પતિ તથા વેપારી ભાગીદાર વિકી ગોસ્વામીની સંલગ્નતાની વાત કરવામાં આવી હતી. પોલીસે આ બાબતે સીબીઆઈનો સંપર્ક કર્યો હતો. અને મમતા અને ગોસ્વામી વિરુદ્ધ રેડ કોર્નર નોટિસ જારી કરાવી હતી.

મોરકકો અને કોલંબિયાના ડ્રગ્સ દાણચોર સામેલ
પોલીસનું કહેવુ છે કે આ કેસમાં મોરકકો અને કોલંબિયાના ડ્રગ્સ દાણચોર પણ સામેલ છે. અમેરિકી ડ્રગ્સ અેડમિનિસ્ટ્રેશને અબ્દુલાની તસવીર જારી કરી હતી. જે કેન્યાનો આંતરરાષ્ટ્રીય ડ્રગ્સ દાણચોર છે. આ કેસમાં અત્યાર સુધીમાં આઠ લોકોની ધરપકડ કરવામાં આવી છે. પોલીસ આ કેસમાં મહારાષ્ટ્ર અને ગુજરાતમાં પણ અન્ય આરોપીઓની તપાસ કરી રહી છે.

divyesh

Recent Posts

ક્રિકેટ વર્લ્ડકપ ટીમના પાંચ સિલેક્ટર્સ 31વન-ડે રમ્યા છે

ભારતમાં ક્રિકેટનો ક્રેઝ એટલો છે કે સ્ટેડિયમ હોય કે ટીવી... મેચ જોનાર દરેક વ્યક્તિ પોતાની એક્સ્પર્ટ કોમેન્ટ આપતા રહે છે.…

13 hours ago

ચૂંટણી બાદ મિડકેપ શેરમાં તેજી આવશેઃ ઈક્વિટી કેપિટલ માર્કેટ એક્ટિવ બનશે

લોકસભા ચૂંટણી બાદ સ્થિર સરકાર મળવાની આશા છે અને જો આમ થશે તો નવા બુલ રનની શરૂઆત થશે. મને ખાસ…

14 hours ago

વધુ એક હત્યાઃ વટવાના યુવકને મોતને ઘાટ ઉતારી લાશ ફાટક પાસે ફેંકી દીધી

દર એકાદ-બે દિવસે હત્યાની ઘટના શહેરના અલગ અલગ વિસ્તારમાં બનતાં પોલીસ માટે ચિંતાનો વિષય બની છે. વાસણા તેમજ ઘાટલો‌િડયામાં થયેલી…

15 hours ago

ચૂંટણી સભા સંબોધતા હાર્દિક પટેલને યુવકે લાફો માર્યો

સુરેન્દ્રનગરના બલદાણામાં જન આક્રોશ સભામાં ભાષણ કરી રહેલા કોંગેસના સ્ટાર પ્રચારક હાર્દિક પટેલને એક યુવકે સ્ટેજ પર ચઢીને તું ૧૪…

15 hours ago

મોદી આચારસંહિતાનો ભંગ કરી રહ્યા છે, કાફલાની તપાસ કરવાની જરૂર હતી: કુરેશી

ઓડિશામાં વડા પ્રધાન નરેન્દ્ર મોદીના હેલિકોપ્ટરની તલાશી લેનારા આઈએએસ અધિકારીને સસ્પેન્ડ કરી દેવામાં આવ્યા હતા. આ મુદ્દે પૂર્વ ચૂંટણી કમિશનર…

15 hours ago

સાઉદીમાં ફસાયેલા ભારતીયની આપઘાતની ધમકીઃ સુષમાએ કહ્યું, ‘હમ હૈ ના’

વિદેશ પ્રધાન સુષમા સ્વરાજ દુનિયાભરમાં ફસાયેલા ભારતીયોની મદદ માટે જાણીતાં છે. ગઇ કાલે વિદેશ પ્રધાને સાઉદીમાં ફસાયેલા એક ભારતીયને મદદનો…

16 hours ago