Categories: News

Crime Brief: બસ..! એક Click અને વાંચો શહેરના ક્રાઇમ સમાચાર

ગુજરાત બોટલિંગ પાસે ફેકટરીમાં અાગ લાગતાં ભારે દોડધામ
અમદાવાદ,: બાપુનગર વિસ્તારમાં ગુજરાત બોટલિંગ પાસે અાવેલી એક ફેકટરીમાં ગઈ મોડી રાતે અચાનક જ અાગ લાગતાં ભારે દોડધામ મચી ગઈ હતી.  અા અંગેની વિગત એવી છે કે બાપુનગર વિસ્તારમાં ગુજરાત બોટલિંગ ચાર રસ્તા પાસે મોહન એસ્ટેટમાં અાવેલી પ્લાસ્ટિકની બોટલ બનાવતી એક ફેકટરીમાં ગઈ રાતે ૧ વાગ્યાના સુમારે અચાનક જ અાગ ફાટી નીકળતાં એસ્ટેટમાં ભારે દોડધામ મચી ગઈ હતી. બનાવની જાણ થતાં ફાયરબ્રિગેડના જવાનોએ સાધન-સામગ્રી સાથે તાત્કાલીક બનાવના સ્થળે પહોંચી જઈ સતત પાણીનો મારો ચલાવી અાગને કાબૂમાં લીધી હતી.  અાગમાં થયેલા નુકસાનનો અંદાજ જાણવા મળ્યો નથી તેમજ અાગ લાગવાનું ચોક્કસ કારણ પણ જાણવા મળ્યું નથી. અાગમાં ફેક્ટરીમાં પડેલો કાચો અને પાકો માલ તેમજ મશીનરી બળીને ખાસ થઈ ગયાં હતાં.

ઓઢવમાં ગેસ ગળતરની અફવા ફેલાતાં ભયનો માહોલ સર્જાયો
અમદાવાદ: ઓઢવ વિસ્તારમાં અાદિનાથનગર નજીક ગેસ ગળતર થયું હોવાની જોરદાર અફવા ફેલાતાં અફરાતફરી મચી જતાં ભયનો માહોલ સર્જાયો હતો.  પ્રાપ્ત માહિતી પ્રમાણે અા અંગેની વિગત એવી છે કે ઓઢવ વિસ્તારમાં અાદિનાથનગર નજીક ગેસ ગળતર થયું હોવાની ફાયરબ્રિગેડને જાણ થતાં ફાયરબ્રિગેડના જવાનો તાબડતોબ ઘટનાસ્થળે પહોંચી ગયા હતા. અા અફવા જોતજોતામાં જ અાખા વિસ્તારમાં પ્રસરી જતાં ઠેરઠેર લોકોનાં ટોળાં ભેગાં થયાં હતાં અને જાત જાતની વાતો પણ વહેતી થઈ હતી. જો કે તપાસના અંતે અા પ્રકારની કોઈ ઘટના ન બની હોવાનું જણાવતા સૌ કોઈના જીવ હેઠે બેઠા હતા. અા ઉપરાત કાલુપુર ચોખા બજારમાં પાર્ક કરેલી એક મારુતિ કારમાં અચાનક જ અાગ લાગતાં ફાયરબ્રિગેડના જવાનોએ પહોંચી જઈ અાગ બુઝાવી નાખી હતી. અાગ શોર્ટ સર્કિટના કારણે લાગી હોવાનું જાણવા મળે છે.

ચાર યુવતી સહિત સાત લાપતા
અમદાવાદઃ વાસણામાંથી રેણુકા માહોર, વેજલપુરમાંથી હીના પુરબિયા, ઘાટલોડિયામાંથી શ્રદ્ધાબહેન દવે, રાયખડમાંથી કવિતાબહેન કહાર, સેટેલાઇટમાંથી પ્રકાશ કલાલ, ખોખરામાંથી અમરનાથ મૌર્ય અને બહેરામપુરામાંથી દિનેશભાઇ ચૌહાણ લાપતા બનતાં પોલીસે જાણવાજોગ નોંધ કરી છે.

સોનાના દોરાની ચીલઝડપ
અમદાવાદઃ ઘાટલોડિયા વિસ્તારમાં સોનાના દોરાની ચીલઝડપનો બનાવ બનતાં પોલીસે ગુનો દાખલ કર્યો છે. ઘાટલોડિયાના કે.કે.નગર ચાર રસ્તા પાસેથી પસાર થઇ રહેલ હંસાબહેન વિષ્ણુભાઇ પ્રજા‌પતિ નામની મહિલાના ગળામાંથી પાછળના ભાગેથી બાઇક પર આવેલા બે ગઠિયા રૂ.ર૮,૦૦૦ની કિંમતના સોનાના દોરાની ચીલઝડપ કરી ભાગી જતાં પોલીસે તપાસ હાથ ધરી છે.

દરિયાપુરમાં રૂ. ત્રણ લાખની ઘરફોડ
અમદાવાદઃ દરિયાપુર વિસ્તારમાં રૂ. ત્રણ લાખની ઘરફોડ ચોરીનો બનાવ બન્યો હતો. દરિયાપુરના પાંચ પટ્ટી ખાતે આવેલ નૂર મં‌િજલ ફલેટના એક મકાનનાં તાળાં તોડી તસ્કરોએ રૂ. ત્રણ લાખની કિંમતના સોનાનાં ઘરેણાંની ચોરી કરતાં પોલીસે તપાસ હાથ ધરી છે.

દારૂ-જુગારના અડ્ડા પર દરોડા
અમદાવાદઃ શહેરના જુદા જુદા વિસ્તારમાં દારૂ-જુગારના અડ્ડા પર પોલીસે દરોડા પાડી ૧૬૦ લિટર દેશી દારૂ, ૧૦ બોટલ વિદેશી દારૂ, ૬ બિયરનાં ટીન, એક રિક્ષા, એક બાઇક, રૂ.૮,૦૦૦ની રોકડ રકમ-જુગારનાં સાધનો કબજે કરી ૬૦ શખ્સની ધરપકડ કરી છે.

સાબરમતી નદીમાંથી લાશ મળી
અમદાવાદઃ ચંદ્રભાગા પુલ નીચે સાબરમતી નદીમાંથી એક વૃદ્ધની લાશ મળી આવતાં પોલીસે તપાસ હાથ ધરી છે. ચંદ્રભાગા પુલ નીચે સાબરમતી નદીમાં એક વૃદ્ધની લાશ તરતી હોવાની જાણ થતાં પોલીસે તાત્કાલિક પહોંચી જઇ જરૂરી કાર્યવાહી કરી લાશને બહાર કઢાવી પીએમ માટે મોકલી આપી હતી.

divyesh

Recent Posts

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

2 hours ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

2 hours ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

2 hours ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

2 hours ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

2 hours ago

PM મોદીએ વારાણસીમાં 15મા પ્રવાસી ભારતીય દિવસ સંમેલનને ખુલ્લું મૂક્યું

(એજન્સી): વડા પ્રધાન નરેન્દ્ર મોદીએ પોતાના સંસદીય ક્ષેત્ર વારાણસીમાં આજે ૧૫મા પ્રવાસી ભારતીય દિવસ સંમેલનનું ઉદ્ઘાટન કર્યું. તેઓ ઉદ્ઘાટન સત્ર…

2 hours ago