Categories: Gujarat

લાઇફ ઇન્સ્યોરન્સ પોલિસીના બહાને છેતરપિંડી કરવા જતો શખસ ઝડપાયો

અમદાવાદ: અલગ અલગ લાઇફ ઇન્સ્યોરન્સ પોલિસી તેમજ વીમાની પોલિસી માટે લોકોને ફોન કરી કરવામાં આવતી છેતરપિંડીના બનાવોમાં પોલીસના હાથ ટૂંકા પડે છે પરંતુ નારણપુરમાં રહેતા ગુજરાત હાઇકોર્ટના એક વકીલે આવી લાઇફ ઇન્સ્યોરન્સ પોલિસીના બહાને એક શખસને પોલીસના હાથ પકડાવી દીધો હોવાની ઘટના બની છે. પોલીસે યુવકની ધરપકડ કરી અન્ય સાગરીતોની શોધખોળ હાથ ધરી છે.

આ અંગેની વિગત એવી છે કે નારણપુરા વિસ્તારમાં આવેલી મહાગુજરાત સોસાયટીમાં નચિકેતભાઇ દવે તેમના પરિવાર સાથે રહે છે અને ગુજરાત હાઇકોર્ટમાં વકીલાત કરે છે. ગઇકાલે બપોરે તેમના ઘરના લેન્ડલાઇન ફોન પર એક વ્યક્તિનો ફોન આવ્યો હતો કે એચડીએફસી લાઇફ ઇન્સ્યોરન્સમાંથી વાત કરું છું તેમ કહી એક પ્લાન સમજાવ્યો હતો. નચિકેતભાઇને આ પ્લાન અંગે શંકા જતાં તેમનો મોબાઇલ નંબર આપી તેના ઉપર ફોન કરવા કહ્યું હતું.

નચિકેતભાઇએ શંકાને લઇ એચડીએફસી લાઇફ ઇન્સ્યોરન્સના ટોલ ફ્રી નંબર ઉપર ફોન કરી ફોન કરનાર વ્યક્તિએ જે પ્લાન સમજ્યો હતો તે પ્લાન સંબંધી જાણકારી માગી હતી. જો કે તેઓએ આવો કોઇ પ્લાન ન હોવાનું જણાવ્યું હતું. દરમિયાનમાં સાંજના સમયે તેમના મોબાઇલ ફોન ઉપર એચડીએફસી લાઇફ ઇન્સ્યોરન્સમાંથી ફોન આવ્યો હતો અને પ્લાન સમજ્યો હતો. નચિકેતભાઇને ઇન્સ્યોરન્સના બહાને છેતરપિંડી કરતા હોવાની શંકા જતાં તેઓએ પ્લાન પસંદ આવ્યો છે તેમ કહી ડોક્યુમેન્ટ અને રૂ.૪૦ હજારનો ચેક આપવાનું જણાવ્યું હતું.

જેથી સાંજના સમયે જૈમિન સુથાર નામની વ્યક્તિ નચિકેતભાઇના ઘરે ડોક્યુમેન્ટ કલેકશન માટે આવ્યો હતો. છેતરપિંડીની શંકા જતાં તેઓએ આ અંગે પોલીસને જાણ કરી હતી. તેથી પોલીસ તાત્કાલીક દોડી આવી હતી અને યુવકની ધરપકડ કરી હતી. પોલીસે આરોપી જૈમિન સુથારની ધરપકડ કરી ફોન કરનાર વ્યક્તિઓ અને અન્ય સાગરીતોની પૂછપરછ હાથ ધરી છે.

divyesh

Recent Posts

ઘર, ઓફિસ, કાર… પોલીસથી ‘બેખૌફ’ તસ્કરો ક્યાંય પણ ત્રાટકી શકે છે

(અમદાવાદ બ્યૂરો) અમદાવાદ: શહેરમાં તસ્કરો પોલીસના ખૌફ વગર બેફામ બન્યા હોય તેમ ઠેરઠેર ચોરીની ઘટનાને અંજામ આપીને નાસી જાય છે.…

7 hours ago

Ahmedabad: સાબરમતી રિવરફ્રન્ટને ઈન્દિરાબ્રિજ સુધી લંબાવાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશન દ્વારા સાબરમતી નદીના પશ્ચિમ અને પૂર્વ કાંઠા પર કુલ. ૧૧.પ૦ કિ.મી. લંબાઇમાં કરોડો રૂપિયાના ખર્ચે…

7 hours ago

અમદાવાદ શોપિંગ ફેસ્ટિવલમાં છ દિવસમાં રૂ.35.64 કરોડનું વેચાણ

(અમદાવાદ બ્યૂરો) અમદાવાદ: દુબઇમાં યોજાતા શોપિંગ ફેસ્ટિવલની જેમ અમદાવાદમાં હાલમાં બાર દિવસનો શોપિંગ ફેસ્ટિવલ યોજાઇ રહ્યો છે. જોકે શહેરનાં શોપિંગ…

8 hours ago

ફલાવર શોના શનિ-રવિના મુલાકાતી માટે ખાસ પાર્કિંગ વ્યવસ્થા કરાશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા અમદાવાદીઓમાં અાકર્ષણનું કેન્દ્ર બનેલા ફ્લાવર શોની મુદતને આગામી તા. ૩૧ જાન્યુઆરી સુધી વધારાઈ…

8 hours ago

નરોડા પાટિયા કેસના ચાર દોષિતને સુપ્રીમે જામીન આપ્યા

(અમદાવાદ બ્યૂરો): સુપ્રીમ કોર્ટે ર૦૦રના નરોડા પાટિયા રમખાણ કેસમાં ચાર અપરાધીઓની જામીન પર છોડવાની અરજી પર સુનાવણી કરીને તેઓને જામીન…

8 hours ago

સુભાષચંદ્ર બોઝ જયંતીઃ મોદીએ લાલ કિલ્લામાં સંગ્રહાલયનું ઉદ્ઘાટન કર્યું

(એજન્સી) નવી દિલ્હી: નેતાજી સુભાષચંદ્ર બોઝની ૧૨૨મી જન્મ જયંતીના અવસર પર આજે વડાપ્રધાન નરેન્દ્ર મોદીએ રાજધાની દિલ્હીમાં લાલ કિલ્લા પર…

8 hours ago