નહેરુના તીનમૂર્તિ ભવન સાથે ચેડાં નહીં કરવા PM મોદીને મનમોહનસિંહનો પત્ર

નવી દિલ્હી: પૂર્વ વડા પ્રધાન મનમોહનસિંહે વડા પ્રધાન નરેન્દ્ર મોદીને પત્ર લખીને જણાવ્યું છે કે રાષ્ટ્રમાં પ્રથમ વડા પ્રધાન જવાહરલાલ નહેરુના યોગદાનને મિટાવવાની કોશિશ ન કરે. મનમોહનસિંહે મોદીને તીનમૂર્તિ ભવન સ્થિત નહેરુ મેમોરિયલ સાથે કોઇ પણ પ્રકારનાં ચેડાં નહીં કરવાની અપીલ કરતાં લખ્યું છે કે જવાહરલાલ નહેરુ માત્ર કોંગ્રેસના જ નહીં, સમગ્ર દેશના નેતા હતા.

મનમોહનસિંહે પત્રમાં પોતાનો આક્રોશ વ્યકત કરતાં જણાવ્યું છે કે આપની સરકાર એક એજન્ડા હેઠળ નહેરુ મેેમોરિયલ મ્યુઝિયમ અને લાઇબ્રેરીની સંરચનામાં ફેરફાર કરવા જઇ રહી છે અને તેથી તમારી પાસે એવી અપેક્ષા છે તેમાં કોઇ છેડછાડ કરવામાં આવે નહીં. મનમોહનસિંહે પોતાના પત્રમાં પૂછ્યું છે કે શું તીનમૂર્તિ ભવનમાં કોઇ પણ જાતનો ફેરફાર કર્યા વગર તેને છોડી દેવામાં આવશે?

ગત સપ્તાહે લખેલા આ પત્રમાં મનમોહનસિંહે દેશના પૂર્વ વડા પ્રધાન અટલબિહારી વાજપેયીનો ઉલ્લેખ કરીને જણાવ્યું હતું કે જ્યારે તેઓ વડા પ્રધાન હતા ત્યારે તેમના છ વર્ષના કાર્યકાળમાં નહેરુ મેમોરિયલ મ્યુઝિયમ અને તીનમૂર્તિ સંકુલમાં બદલાવ કરવાનો કોઇ પ્રયાસ કર્યો નહોતો. કમનસીબે વર્તમાન સરકાર તેના એક એજન્ડા હેઠળ તીનમૂર્તિ સંકુલમાં છેડછાડ કરવા જઇ રહી છે.

અત્રે ઉલ્લેખનીય છે કે મોદી સરકાર તીનમૂર્તિ ભવનની અંદર જ દેશના તમામ વડા પ્રધાન સાથે સંકળાયેલ એક મ્યુઝિયમ બનાવવા પર કામ કરી રહી છે. આ કારણસર કોંગ્રેસે સરકાર પર એવો આક્ષેપ કર્યો છે કે મોદી સરકાર આ એજન્ડા હેઠળ નહેરુની વિરાસત અને ઇતિહાસને મિટાવી દેવાની કોશિશ કરી રહી છે.

આ પત્રમાં મનમોહનસિંહે એવું પણ લખ્યું છે કે કોઇ પણ પ્રકારના પ્રયાસથી નહેરુની ભૂમિકા અને યોગદાનને મિટાવી શકાય નહીં. આપ આ લાગણીનો આદર કરો અને તીનમૂર્તિ ભવનને તેના નામે જ રહેવા દો, તેમાં કોઇ પણ પ્રકારનો બદલાવ નહીં કરીને આપણે ઇતિહાસને વિરાસત બંનેનો આદર કરીએ.

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

4 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

4 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

4 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

4 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

4 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

4 hours ago