Categories: Gujarat

ગુજરાતી સાહિત્યકાર લાભશંકર ઠાકરનું નિધન

અમદાવાદ: પ્રસિદ્ધ ગુજરાતી સાહિત્યકાર લાભશંકર ઠાકરનું ૮૦ વર્ષની ઉંમરે લાંબી બીમારી બાદ ગઇકાલે નિધન થયું છે. આજે સવારે સાડા દસ વાગ્યે વી. એસ. સ્મશાન ગૃહ ખાતે તેમના અંતિમ સંસ્કાર કરાયા હતા. લાભશંકર ઠાકર કવિ, નાટ્યકાર, નવલકથાકાર, નિબંધકાર તેમજ આયુર્વેદ ચિકિત્સક હતા. તેઓ સુરેન્દ્રનગર જિલ્લાના પાટડી ગામના વતની હતા, તેમનો જન્મ ૧૪મી જાન્યુઆરી, ૧૯૩૫ના રોજ રોડલા ગામે થયો હતો. લાભશંકર જાદવજી ઠાકર ઉપનામ પુનર્વસુ ગુજરાત રાજ્યના જાણીતા સાહિત્યકાર હતા.

લાભશંકર સાતેક વર્ષ અમદાવાદ શહેરની વિવિધ કોલેજોમાં અધ્યાપક તરીકે રહ્યા હતા અને ત્યારબાદ પોતાના ચિકિત્સાલયમાં આયુર્વેદીય ચિકિત્સક તરીકે વ્યવસાય કરતા રહ્યા. લાભશંકરે ૧૯૬૨ કુમારચંદ્રક, નર્મદ સુવર્ણચંદ્રક અને ૧૯૮૧ રણજિતરામ સુવર્ણચંદ્રક મેળવ્યો હતો. મુખ્યમંત્રી આનંદીબહેન પટેલે કવિ, નાટ્યકાર અને સાહિત્ય સર્જન ક્ષેત્રની આગવી પ્રતિભા લાભશંકર ઠાકરના દુઃખદ અવસાન અંગે ઊંડા શોકની લાગણી વ્યક્ત કરી શ્રદ્ધાંજલિ પાઠવી છે.

આનંદીબહેને સ્વ. ઠાકરના અવસાનથી ગુજરાતી સાહિત્ય કાવ્ય- નાટ્ય જગતને મોટી ખોટ પડી છે, તેમ શોકસંદેશમાં જણાવતાં તેમના આત્માની પરમશાંતિ માટે પ્રભુ પ્રાર્થના પણ કરી છે. ગુજરાત કોંગ્રેસના પ્રમુખ ભરતસિંહ સોલંકી, વિધાનસભા વિરોધ પક્ષના નેતા શંકરસિંહ વાઘેલાએ પણ લાભશંકર ઠાકરને શ્રદ્ધાંજલિ અર્પણ કરી છે.

divyesh

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

16 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

16 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

16 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

16 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

16 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

16 hours ago