કર્ણાટકમાં ચૂંટણી પ્રચાર પર સાંજે પડદોઃ અમિત શાહ-રાહુલ સહિત દિગ્ગજ નેતાઓની રેલીઓ

બેંગલુરુ: ૧ર મેના રોજ યોજાનારી કર્ણાટક વિધાનસભાની ચૂંટણી માટેના પ્રચાર પડઘમ આજે શાંત થઇ જશે. પ્રચારના આજે આખરી દિવસે તમામ પક્ષોના દિગ્ગજ નેતાઓ વીજ‌િળક વેગે રેલીઓ યોજીને મતદારોને આકર્ષવાનો પ્રયાસ કરશે. આજે છેલ્લા દિવસે અમિત શાહ-રાહુલ ગાંધી અને યોગી આદિત્યનાથ સહિત અનેક દિગ્ગજ નેતાઓની જુદાં જુદાં સ્થળોએ રેલીઓ યોજાનાર છે.

આ ઉપરાંત વડા પ્રધાન નરેન્દ્ર મોદી પણ નમો એપ દ્વારા પક્ષના એસસી/એસટી/ઓબીસી અને સ્લમ મોરચાના કાર્યકરો સાથે સંવાદ કરશે. આજે છેલ્લા દિવસે માત્ર પક્ષના અધ્યક્ષ જ નહીં, પરંતુ કેટલાય કેન્દ્રીય પ્રધાનો અને રાજ્યના મુખ્યપ્રધાનો પ્રચાર કરશે. આજે ૩૮ કેન્દ્રીય પ્રધાનો રેલી અને રોડ શો કરશે.

કર્ણાટક વિધાનસભા ચૂંટણીમાં કોંગ્રેસ અને ભાજપ વચ્ચે કાંટાની ટક્કર છે. રાજ્યની રર૪ વિધાનસભા બેઠક માટે રર૩ બેઠક પર ૧ર મેના રોજ મતદાન યોજાશે અને ૧પ મેના રોજ ચૂંટણીનાં પરિણામ આવશે. કર્ણાટક વિધાનસભા ચૂંટણી ર૦૧૯ની લોકસભાની ચૂંટણી માટેની સેમિફાઇનલ માનવામાં આવી રહી છે.

ભાજપના અધ્યક્ષ અમિત શાહ આજે મુખ્યપ્રધાનપદના ઉમેદવાર યેદીયુરપ્પા સાથે બદામીમાં પ્રચાર કરશે. કર્ણાટકના મુખ્યપ્રધાન સિદ્ધારમૈયા બદામીથી ચૂંટણી લડી રહ્યા છે, જ્યાં આજે ૧૧-પ૦ કલાકે અમિત શાહનો રોડ શો યોજવામાં આવ્યો છે.

સાંજે ૪-૦૦ કલાકે અમિત શાહ બેંગલુરુમાં મીડિયા સાથે વાતચીત કરશે. એ જ રીતે કોંગ્રેસ અધ્યક્ષ રાહુલ ગાંધી આજે બેંગલુરુમાં મુખ્યપ્રધાન સિદ્ધારમૈયા સાથે પ્રેસ કોન્ફરન્સ કરશે.

તાજેતરમાં જાહેર થયેલ ઓપિનિયન પોલનાં તારણો અનુસાર કર્ણાટકમાં ત્રિશંકુ વિધાનસભા થવાની શક્યતા દર્શાવવામાં આવી રહી છે. ઓપિનિયન પોલમાં દેવેગૌડાની પાર્ટી (જનતાદળ-એસ) કિંગ મેકરની ભૂમિકામાં નજરે પડી રહી છે.

divyesh

Recent Posts

જિઓ બની દેશની બીજા નંબરની સૌથી મોટી ટેલિકોમ કંપની

મૂકેશ અંબાણીની ટેલિકોમ કંપની રિલાયન્સ જિઓએ તેના લોન્ચિંગના અઢી વર્ષમાં જ એક મોટી સિદ્ધિ હાંસલ કરી છે. યુઝર્સ બેઝના આધારે…

7 hours ago

વાસ્તુશાસ્ત્રની દૃષ્ટિએ દેવતાઓની મૂર્તિ ક્યાં રાખવી?

ઘરમાં અને મંદિરમાં દેવી દેવતાઓની મૂર્તિઓ રાખવાની પરંપરા જૂના સમયથી ચાલતી આવી છે. મોટાભાગના લોકો ગણેશજી, લક્ષ્મીજી, બાળ ગોપાલની મૂર્તિઓ…

7 hours ago

દિવસે ભઠ્ઠીમાં ફેરવાતી બીટ ચોકીમાં પોલીસ કર્મચારી પગ મૂકતાંય ડરે છે

શહેરમાં ટ્રાફિકની સમસ્યા દિવસે દિવસે વધતી જાય છે. ત્યારે આવા માથાના દુઃખાવા સમાન ટ્રાફિકની સમસ્યા હલ કરવા માટે ટ્રાફિક પોલીસ…

9 hours ago

મ્યુનિ. કોર્પોરેશનના નાઇટ શેલ્ટરમાં કોઈ ફરકતું જ નથી

મ્યુનિસિપલ કોર્પોરેશન દ્વારા શહેરમાં ઘરવિહોણા લોકોને ધોમધખતા તાપ કે કડકડતી ઠંડી કે ભારે વરસાદ જેવા કુદરતી વિષમ સંજોગોમાં આશરો આપવા…

9 hours ago

ગુજકેટઃ વિદ્યાર્થીઓની બેઠક વ્યવસ્થાને લઇને ચકાસણી

લોકસભા ચૂંટણીનો કાર્યક્રમ જાહેર થતાંની સાથે જ રાજ્ય શિક્ષણ બોર્ડ દ્વારા ગુજકેટ પરીક્ષાની તારીખમાં વધુ એક વખત ફેરફાર કરવાની ફરજ…

9 hours ago

શહેરના હેરિટેજ સમાન ટાઉનહોલને નવ કરોડના ખર્ચે રિનોવેટ કરાશે

અમદાવાદ મ્યુનિસિપલ કોર્પોરેશન હસ્તકના ટાઉનહોલને હવે વધુ સુવિધાસજ્જ અને અદ્યતન બનાવવાની તજવીજ હાથ ધરાઇ છે. બહુ ટૂંકા સમયમાં શહેરની મધ્યમાં…

9 hours ago