Categories: Gujarat

‘અે-૧’ ગ્રેડ કાલુપુર સ્ટેશન સુરક્ષાના મામલે નાપાસ!

અમદાવાદ: અમદાવાદના કાલુપુર રેલવે સ્ટેશનની દેશનાં મોટાં રેલવે સ્ટેશનમાં ગણતરી થાય છે તેમ છતાં અહીં સુરક્ષા માટે જરૂરી એવા બેગેજ સ્કેનરની સુવિધા ઉપલબ્ધ નથી. અારપીએફના જવાનો દ્વારા માત્ર હેન્ડ મેટલ ડિટેક્ટરથી મુસાફરોના સામાનનું ચેકિંગ કરવામાં અાવી રહ્યું છે ત્યારે કોઈ અાતંકી તત્ત્વો તેના સામાનમાં કોઈ જોખમી કે વિસ્ફોટક સામગ્રી લઈ જાય તો મોટી ઘટના બની શકે તેમ છે. અા અંગે અખિલ ભારતીય રેલ ઉપભોક્તા સંઘ તેમજ સાંસદ-અભિનેતા પરેશ રાવલ દ્વારા પણ રજૂઅાતો કરાઈ હોવા છતાં હજુ સુધી રેલવેતંત્ર દ્વારા અા બાબતને ગંભીરતાથી લેવાઈ નથી. અા અંગે રેલવેતંત્ર દ્વારા જણાવાયું હતું કે મંત્રાલય તરફથી હજુ સુધી મંજૂરી મળી નથી.

દેશનાં મોટાં સ્ટેશનો પૈકીના એક એવા અમદાવાદ રેલવે સ્ટેશન સહિત દેશના 40 રેલવે સ્ટેશનોનો રેલવે મંત્રાલય દ્વારા એ-1 ગ્રેડમાં સમાવેશ કરાયો છે. અમદાવાદ રેલવે સ્ટેશન ઉપરથી દરરોજ લોકલ, એક્સપ્રેસ અને સુપર એક્સપ્રેસ સહિત ૧૭૦ ટ્રેન અવર-જવર કરે છે, જેમાં દરરોજ 1.50 લાખ જેટલા મુસાફરો અવરજવર કરી રહ્યા છે. અાવા ભારે ટ્રાફિક ધરાવતા રેલવે સ્ટેશનના મુખ્ય પ્રવેશદ્વાર ઉપર બેગેજ સ્કેનિંગ મશીનની સુવિધા ઉપલબ્ધ નથી. અહીં રેલવે પોલીસ ફોર્સ (અારપીએફ)ના જવાનો દ્વારા હેન્ડ મેટલ ડિટેક્ટરથી પ્રવાસીઅોનું ચેકિંગ કરવામાં અાવી રહ્યું છે. રેલવે જવાનો દ્વારા દરરોજ દોઢ લાખ જેટલા મુસાફરોના લગેજને હેન્ડ મેટલ ડિટેક્ટરથી ચેક કરવું ભારે મુશ્કેલ છે, જેના કારણે અમદાવાદ રેલવે સ્ટેશન પરથી મુસાફરી કરતા પ્રવાસીઅોની સુરક્ષાની કોઈ સુવિધા નથી.

દેશના મેટ્રો સિટી એવા દિલ્હી રેલવે સ્ટેશન ઉપર રેલવે મંત્રાલય દ્વારા બેગેજ સ્કેનિંગ મશીન મૂકવામાં અાવેલું છે, જેના દ્વારા તમામ મુસાફરોના લગેજનું ચેકિંગ કરવામાં અાવે છે. જો કોઈ મુસાફર તેની બેગમાં શંકાસ્પદ વસ્તુ લઈને જતો હોય તો તુરંત જ રેલવે પોલીસના સકંજામાં અાવી જાય છે, જેના કારણે કોઈ મોટી ઘટના ટળી શકે છે.

અમદાવાદ રેલવે સ્ટેશન ઉપર પણ પ્લેટફોર્મ નં. ૧ અને ૧ર ઉપર એક એક બેગેજ સ્કેનિંગ મશીન મૂકવાની જરૂરિયાત છે. જો અાવું બેગેજ સ્ક‍ેનિંગ મશીન  મુકાય તો પ્રવાસીઅોની સુરક્ષામાં વધારો થઇ શકે છે તેમજ રેલવે પોલીસને મુસાફરો ઉપર નજર રાખવાનું ઘણું સરળ બની રહેશે. અમદાવાદ રેલવે સ્ટેશન ઉપર બેગેજ સ્કેનર મશીન મૂકવા અંગે અખિલ ભારતીય રેલ ઉપભોક્તા સંઘ દ્વારા રેલવે મંત્રાલયને લેખિતમાં રજૂઅાત કરવામાં અાવી હતી. અા ઉપરાંત અમદાવાદ પૂર્વના સાંસદ અને અભિનેતા પરેશ રાવલે તાજેતરમાં અમદાવાદ રેલવે સ્ટેશનની મુલાકાત લીધી હતી ત્યારે તેમને રેલવે પોલીસ દ્વારા અમદાવાદ રેલવે સ્ટેશન ઉપર ૧ર બેગેજ સ્કેનિંગ મશીનની જરૂરિયાત હોવાનું જણાવાયું હતું. અા અંગે સાંસદ-અભિનેતા પરેશ રાવલે ડીઅારએમ રાહુલ અગ્રવાલ સાથે મુલાકાત કરી ચર્ચા કરી હતી.

રેલ મંત્રાલય દ્વારા મંજૂરી નથી મળી: પ્રદીપ શર્મા, પીઅારઅો, વેસ્ટર્ન રેલવે, અમદાવાદ
અા અંગે પશ્ચિમ રેલવે-અમદાવાદના પીઅારઅો પ્રદીપ શર્માએ જણાવ્યું હતું કે બેગેજ સ્કેનિંગ મશીન માટે રેલ મંત્રાલયમાં દરખાસ્ત કરી છે, જોકે અા અંગે રેલ મંત્રાલય દ્વારા હજુ મંજૂરી અાપવામાં અાવી નથી, જેના કારણે રેલવે સ્ટેશન ઉપર બેગેજ સ્કેનિંગ મશીન મુકાયાં નથી.

divyesh

Recent Posts

મહાભારત સારઃ ધર્મ તરફ તમારી મતિ રાખો

મૂળ મહાભારત જ કેટલા શ્લોકોનું હતું? તેમાંથી એક લાખ શ્લોકનું મહાભારત કોણે રચ્યું? મહાભારતમાં કેટલાક સવાલો રાજા જનમેજય પૂછે છે…

1 day ago

17 મહિનામાં 76.48 લાખ લોકોને રોજગાર મળ્યાઃ EPFOના પેરોલ ડેટા

(એજન્સી)નવી દિલ્હી: એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (ઇપીએફઓ)ના તાજેતરના પેરોલ ડેટા પરથી જાહેર થયું છે કે છેલ્લા ૧૭ મહિનામાં ૭૬.૪૮ લાખ…

1 day ago

રોડ કૌભાંડનું ભૂત ફરી ધૂણ્યુંઃ 59 ઈજનેરોને નોટિસ ફટકારાઈ

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના ઇતિહાસમાં પ્રથમવાર ગત વર્ષ ર૦૧૭ના ચોમાસામાં આશરે રૂ.૪પ૦ કરોડના રોડ ઓછા-વત્તા અંશે ધોવાઇ જતાં સમગ્ર…

1 day ago

પ્રોપર્ટી ટેક્સની ચૂકવણી માટે આજે અને કાલે સિવિક સેન્ટર ચાલુ રહેશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનમાં આવકનો એકમાત્ર સ્ત્રોત પ્રોપર્ટી ટેકસ હોઇ માર્ચ એન્ડિંગના આ છેલ્લા અઠવાડિયામાં તંત્રે ચાલુ નાણાકીય વર્ષ…

1 day ago

રાજ્યની તમામ આંગણવાડીઓનો વહીવટ હવે ઓનલાઇન થશે

(અમદાવાદ બ્યૂરો) અમદાવાદ: અમદાવાદ સહિત રાજ્યભરમાં ચાલતી પ૩ હજાર આંગણવાડીઓ હવે ઓનલાઇન કરવાનો નિર્ણય હવે સરકારે લઈ લીધો છે આંગણવાડીઓનાં…

1 day ago

ગર્ભવતી મહિલાને પોલીસ કર્મચારીઓએ લાત મારીઃ હોસ્પિટલમાં દાખલ કરાઈ

અમદાવાદ: શહેરના વાડજ વિસ્તારમાં આવેલ રામાપીરના ટેકરામાં રહેતા એક યુવક અને તેની ગર્ભવતી પત્નીને વાડજ પોલીસ સ્ટેશનમાં પોલીસ કર્મચારીઓએ માર…

1 day ago