Categories: Entertainment

 જિયા ખાનની હત્યા થઈ નથીઃ CBI

નવી દિલ્હી: સીબીઆઈએ મુંબઈ હાઈકોર્ટને જણાવ્યું હતું કે બોલિવૂડની અભિનેત્રી જિયા ખાનની હત્યા થઈ નથી, પરંતુ આ કેસ આપઘાતનો છે, જોકે જિયા ખાનની માતા રાબિયા ખાનનું કહેવું છે કે તેમની પુત્રીની હત્યા થઈ છે.

બીજી તરફ અધિક સોલિસિટર જનરલ અનિલ સિંહે જસ્ટિસ નરેશ પાટીલ અને જસ્ટિસ પ્રકાશ નાઈકની ખંડપીઠને જણાવ્યું કે સીબીઆઈ પાસે હાલ એવાં કોઈ કારણ નથી કે તે આરોપી સૂરજ પંચોલીને બચાવવાની કોશિશ કરી રહી છે. સીબીઆઈએ આ કેસમાં જણાવ્યું છે કે જિયા ખાને પંખા સાથે લટકી આત્મહત્યા કરી હતી. તેના રૂમમાં બીજી કોઈ વ્યકિત પ્રવેશી હોવાના કોઈ પુરાવા મળ્યા નથી.

જિયાના ગળા પર નિશાન હોવાની વાત જણાવાઈ રહી છે તે તેના દુપટાના કારણે પણ થયાં હોઈ શકે, જોકે રાબિયા ખાન સીબીઆઈની તપાસ પર વિશ્વાસ રાખવા તૈયાર નથી.

મુંબઈ હાઈકોર્ટે રાબિયા ખાનને જણાવ્યું છે કે તેઓ તેમની પુત્રીના મોતના મામલે પોલીસ અને સીબીઆઈની તપાસમાં રહી ગયેલી ક્ષતિઓ બહાર લાવે. રાબિયાએ જિયાના બોયફ્રેન્ડ રહેલા અભિનેતા સૂરજ પંચોલી સામે આત્મહત્યા માટે પ્રેરિત કરવાના બદલે હત્યાનો કેસ દાખલ કરવા માગણી કરી છે. આ સાથે રાબિયા પણ એવું ઈચ્છે છે કે તે આ કેસની તપાસ માટે સ્પેશિયલ તપાસ ટીમ (એસઆઈટી) બનાવવામાં આવે, કારણ સીબીઆઈ પણ મુંબઈ પોલીસની જેમ જ આ કેસને આપઘાતનો કેસ ગણાવી રહી છે. જસ્ટિસ નરેશ પાટીલની ખંડપીઠે સોમવારે આ કેસમાં રહેલી વિસંગતતાઓની યાદી તૈયાર કરી 23 ઓગસ્ટે અદાલત સમક્ષ રજૂ કરવા જણાવ્યું છે.

divyesh

Recent Posts

કેસરી’ માટે ત્રણ મિનિટમાં જ કહી દીધી હતી હાં: પરિણી‌તિ

બોલિવૂડ અભિનેત્રી પરિણી‌તિ ચોપરાએ 'ઇશકજાદે'થી કરિયરની શરૂઆત કરી ત્યારે લોકોને હતું કે તે કાઠું કાઢશે, પરંતુ છ વર્ષમાં તેણે કરેલી…

1 week ago

રમજાનનાં આરંભ સાથે જ ફળોનાં ભાવમાં રૂ.૨૦થી ૨૫નો વધારો

અમદાવાદઃ મુસ્લિમ બિરાદરોનાં પવિત્ર રમજાન માસનો પ્રારંભ થતાંની સાથે જ ફ્રૂટમાં ૨૫ ટકા અને ખજૂરના ભાવોમાં ૨૦ ટકાનો ભાવ વધારો…

1 week ago

મોદીએ મહાજનને કહ્યું, ‘ભોજન લાવ્યાં છો? હું ગાડીમાં ખાઈ લઈશ’

ઈન્દોરઃ વડા પ્રધાન નરેન્દ્ર મોદીએ રવિવારે ઈન્દોરમાં ચૂંટણી સભા કરી. આ દરમિયાન ઈન્દોર સીટના હાલનાં સાંસદ સુમિત્રા મહાજન (તાઈ) અને…

1 week ago

અમિત શાહનો રોડ શો મમતા સરકારે કર્યો રદ, હેલિકોપ્ટર ઉતારવાની પણ મંજૂરી ન અપાઇ

કોલકાતાઃ પશ્ચિમ બંગાળમાં મમતા સરકારે ભાજપ અધ્યક્ષ અમિત શાહને રેલી કરવાની પરવાનગી ન આપી. ભાજપ સૂત્રોનાં જણાવ્યાં મુજબ શાહનું હેલિકોપ્ટર…

1 week ago

પાલનપુર-અંબાજી હાઇવે ઉપર ટ્રિપલ અકસ્માત: ત્રણનાં મોત

અમદાવાદઃ પાલનપુર-અંબાજી રોડ પર આજે રતનપુર ગામ પાસે મેઇન હાઇવે પર આજે એક બાઇક અને બે કાર વચ્ચે ટ્રિપલ અકસ્માત…

1 week ago

અમદાવાદમાં પબજી રમવા પર હવે કોઈ જ પ્રકારનો પ્રતિબંધ નહીં

અમદાવાદઃ રાજકોટમાં પબજી ગેમ રમવા પર પ્રતિબંધ મુકાવાનો મામલો હાઇકોર્ટમાં પહોંચ્યો હતો. જેમાં પબજી ગેમ પર પ્રતિબંધ લાદતું જાહેરનામું પોલીસે…

2 weeks ago