જયલલિતાનું નામ અને પ્રસિદ્ધિ ઇતિહાસમાં અમર થશે : કરૂણાનિધી

ચેન્નાઇ : તમિલનાડુના પુર્વ મુખ્યમંત્રી અને ડીએમકે પ્રમુખ એમ.કરૂણાનિધીએ મંગળવારે જયલલિતાના નિધન અંગે શોક વ્યક્ત કરતા કહ્યું કે જયલલિતાનું નામ વધારે પ્રસિદ્ધ હંમેશા યથાવત્ત રહેશે. તમિલનાડુની રાજનીતિમાં કરૂણાનિધી અને જયલલિતાની વચ્ચે કટ્ટર પ્રતિદ્વંદિતા હતી.

એક નિવેદનમાં ડીએમકે નેતા અને વિપક્ષ એમકે સ્ટાલિને રાજાજી હોલમાં જયલલિતાને શ્રદ્ધાંજલી અર્પિત કરી હતી. તેમની સાથે ચેન્નાઇના પુર્વ મેયર એમ.સુબ્રમણ્યમ, પૂર્વમંત્રી કે.એન નેહરૂ, આઇ.પેરિયાસામી અને ઇવી વેલુ પણ હાજર હતા. જયલલિતાને શ્રદ્ધાંજલી આપ્યા બાદ સ્ટાલિને કહ્યું કે જયલલિતાનાં નિધનથી તમામને દુખ થયું છે. જયલલિતા જે પણ પદ પર રહ્યા, તેમણે એક છાપ છોડી. હું ડીએમકે પ્રમુખ એમ.કરૂણાનિધીની તરફથી તેમના નિધન પર શોક વ્યક્ત કરૂ છુ અને પાર્ટી કાડર સુધી તેમની સંવેદનાઓ પહોંચાડતા હોય છે.

અત્રે ઉલ્લેખનીય છે કે રાજકારણમાં કરૂણાનિધિ અને જયલલિતા કટ્ટરપ્રતિદ્વંદી હતા. મુખ્યમંત્રી બન્યા બાદ 21 જુન, 2001એ જયલલિતાએ પોલીસ દ્વારા કરૂણાનિધિને રાત્રે બે વાગ્યે ઘસડતા જેલમાં બંધ કરી દીધા હતા. કેમેરામાં કેદ થયેલી આ ઘટનાની તસ્વીરો સમગ્ર દેશમાં ચર્ચાનો વિષય બની હતી.

You might also like