નવાઝ શરીફની કિડની ફેલ થવાનું જોખમઃ હોસ્પિટલમાં ખસેડવા સલાહ

ઈસ્લામાબાદ: ભ્રષ્ટાચારના મામલામાં જેલમાં બંધ પાકિસ્તાનના પૂર્વ વડા પ્રધાન નવાઝ શરીફની તબિયત એકાએક વધુ લથડી છે. તેમના સ્વાસ્થ્યની તપાસ કરનાર મેડિકલ બોર્ડનું કહેવું છે કે નવાઝ શરીફની કિડની ફેલ થવાને આરે છે અને તેમને તુરત જેલમાંથી હોસ્પિટલમાં ખસેડવાની જરૂર છે, જોકે હજુ સુધી તેમને રાવલપિંડી જેલમાંથી હોસ્પિટલમાં ખસેડવામાં આવ્યા નથી. પાકિસ્તાન ઈન્સ્ટિટટ્યૂટ ઓફ મેડિકલ સાયન્સીઝની ટીમ તેમની તપાસ કરશે અને ત્યાર બાદ તેમને હોસ્પિટલમાં ખસેડવા અંગે નિર્ણય લેવામાં આવશે.

દરમિયાન રાવલપિંડી ઈન્સ્ટિટ્યૂટ ઓફ કાર્ડિયોલોજીના વડા ડો. અઝહર કિઆનીએ નવાઝ શરીફને તાત્કાલિક હોસ્પિટલમાં દાખલ કરાવવાની ભલામણ કરી છે. તેમનો મેડિકલ રિપોર્ટ પંજાબ પ્રાંતના મુખ્યપ્રધાન અને કેરટેકર હસન અક્સારીને મોકલવામાં આવ્યો છે. સંઘીય સરકારને પણ નવાઝ શરીફની તબિયત અને ડોક્ટરોની ચિંતાથી વાકેફ કરવામાં આવ્યા છે.

અહેવાલો અનુસાર નવાઝ શરીફના યુરિનમાં નાઈટ્રોજન ખતરનાક હદે વધી ગયું છે. ડોક્ટરોનું કહેવું છે કે તેના કારણે તેમને પરસેવો વધુ થઈ રહ્યો છે અને વધુ પડતા પરસેવાના કારણે તેમને ડિહાઈડ્રેશન થઈ ગયું છે અને શરીરમાં પાણી ઓછું થઈ ગયું છે. ડોક્ટરોનું કહેવું છે કે નવાઝ શરીફના હૃદયના ધબકારા પણ અનિયમિત છે.

મળતા સમાચારો મુજબ જેલની હોસ્પિટલમાં એવી સુવિધાઓ નથી કે જેના દ્વારા નવાઝ શરીફની નસો દ્વારા ફ્લૂડ ચડાવી શકાય અને તેથી તેમને હોસ્પિટલમાં તાત્કાલિક દાખલ કરવા જરૂરી છે. જો તેમને તાત્કાલિક હોસ્પિટલમાં ખસેડવામાં નહીં આવે તો તેમની તબિયત વધુ લથડી શકે છે.

અત્રે ઉલ્લેખનીય છે કે એવેનફિલ્ડ પ્રોપર્ટીઝના મામલામાં અપરાધી ઠરાવાયા બાદ નવાબ શરીફને ૧૦ વર્ષની જેલની સજા કરવામાં આવી છે અને તે મુજબ તેઓ હાલ આદિયાલા જેલમાં બંધ છે. આ ઉપરાંત આ કેસમાં તેમના પુત્રી મરિયમને સાત વર્ષની અને જમાઈ મોહમ્મદ શબ્દરને એક વર્ષની જેલની સજા કરવામાં આવી છે.

divyesh

Recent Posts

ભારતમાં લોકસભાનો ચૂંટણીજંગ લડાશે રાષ્ટ્રવાદના મુદ્દે

લોકસભાની આગામી ચૂંટણી કેન્દ્રમાં નરેન્દ્ર મોદીની સરકારની કામગીરી અને વિકાસના મુદ્દે જ લડાવાની હતી. તેના માટેની તમામ તૈયારી શાસક પક્ષ…

6 hours ago

10 પાસ માટે પોલીસમાં પડી છે ભરતી, 63,200 રૂપિયા મળશે SALARY…

જમ્મૂ-કાશ્મીર પોલિસમાં ઘણી જગ્યાઓને લઇને ભરતી બહાર પાડવામાં આવી છે. આ ભરતીના માધ્યમથી કોન્સ્ટેબલના પદ પર ઉમેદવારોની પસંદગી કરવામાં આવશે.…

7 hours ago

સાપ્તાહિક રાશિ ભવિષ્ય: જાણો કઇ રાશિને થશે ધનનો લાભ, કોને થશે કારકિર્દીક્ષેત્રે પ્રગતિ

મેષઃ તમારાં કાર્યો પ્રત્યે તમે લોકોનું ધ્યાન તમારા તરફ ખેંચવાના પ્રયત્ન કરી શકશો. તમારા વ્યક્તિત્વ ઘડતર પાછળ સમાજ પણ મહત્ત્વની ભૂમિકા…

7 hours ago

વોશિંગ્ટનમાં એક હોટલે ગ્રાહકો માટે કોન્ટેસ્ટ શરૂ કરી, જાણી ચોંકી જશો તમે…

અમેરિકાના ન્યૂ ઓરલેન્સ સ્થિત રુઝવેલ્ટ હોટલને ૧૨૫ વર્ષ પૂરાં થઇ ચૂક્યાં છે. મેનેજમેન્ટ આ અવસરને અનોખી રીતે મનાવવાનો પ્લાન કરે…

7 hours ago

એશિયન કુસ્તીની યજમાની છીનવી UWWએ ભારતને મોટો ઝટકો આપ્યો

નવી દિલ્હી: વિશ્વ કુસ્તીના ટોચના એકમ (UWW)એ ગઈ કાલે ભારતને એક મોટો ઝટકો આપતાં આ વર્ષે જુલાઈમાં યોજાનારી જુનિયર એશિયન…

9 hours ago