ISISએ FIFA વર્લ્ડ કપમાં હુમલો કરવાની આપી ધમકી
ન્યૂ દિલ્હીઃ 2018માં રશિયામાં યોજાનાર ફીફા વર્લ્ડ કપ પર અત્યારથી આતંકી હુમલો થવાનો ખતરો સામે આવી રહ્યો છે. દુનિયાનાં સૌથી ખૂંખાર આતંકી સંગઠન આઇએસઆઇએસએ કહ્યું કે તેમની આ વખતે ફીફા વર્લ્ડ કપ પર હુમલો કરવાની યોજના છે. આ ટૂર્નામેન્ટ રશિયાનાં 11 શહેરોમાં 14 જૂનથી 15 જૂલાઇ સુધી રમાશે, કે જેનો ફાઇનલ મુકાબલો મોસ્કોમાં થશે.
આઇએસઆઇએસ આતંકી સંગઠને આ આતંકી ઘટનાનો અંજામ આપતા પહેલાં જ લોકોમાં એક પ્રકારનો ડર પેદા કરી દીધો છે. આઇએસઆઇએસે ફુટબોલર લિયોનલ મેસીનાં પોસ્ટરનો સહારો લીધો છે કે જેમાં તેઓ એને ખૂનનાં આંસુથી રડાવતા દેખાડી રહ્યાં છે. આઇએસઆઇએસનાં માઉથપીસ વાફા ફાઉન્ડેશને આ પોસ્ટરને રજૂ કર્યું છે. આ પોસ્ટરમાં મેસીનાં ફોટો સિવાય અરબી અને અંગ્રેજીમાં ધમકીભર્યા સંદેશ પણ લખેલા છે.
Pro-#ISIS media unit Wafa’ Foundation continues to threaten 2018 FIFA #WorldCup, this time using an image of #LionelMessi in a prison outfit pic.twitter.com/isB8RDKYAK
— SITE Intel Group (@siteintelgroup) October 24, 2017
આ પોસ્ટરની નીચે ‘જસ્ટ ટેરેરિઝમ’ ટૈગ લાઇન લખેલ છે. ત્યાં જ જમણી બાજુમાં લખેલ છે કે-“તમે એક એવાં સ્ટેટ સામે લડી રહ્યાં છો કે જેની ડિક્ષનરીમાં નાકામયાબી જેવો કોઇ જ શબ્દ જ નથી.” આ પોસ્ટર સોશિયલ મિડીયામાં હાલ ખૂબ જ વાઇરલ થઇ રહેલ છે અને રશિયાનાં લોકોમાં વર્લ્ડ કપ શરૂ થતાં પહેલાં જ એક ડર સતાવી રહ્યો છે.