Categories: Business

આઈપીઓમાં તેજીની સાથેસાથે ગ્રે માર્કેટમાં ફૂલબહાર સિઝન ખીલી

અમદાવાદ: પ્રાઇમરી બજારમાં ફૂલબહાર સિઝની ખીલી છે. બુધવારે ખૂલેલા ડિક્સન ટેક્નોલોજી અને ભારત રોડ નેટવર્કનો આઇપીઓ આજે બંધ થઇ રહ્યો છે એટલું જ નહીં ચાલુ મહિને આઇસીઆઇસીઆઇ લોમ્બાર્ડ અને એસબીઆઇ લાઇફ ઇન્સ્યોરન્સ સહિત વધુ પાંચ આઇપીઓ આવવાની તૈયારીમાં છે, જેના પગલે ગ્રે માર્કેટમાં પણ ગરમાવો જોવા મળ્યો છે. રોકાણકારોની આઇપીઓના ગ્રે માર્કેટમાં એક્ટિવિટી વધી છે. બજારના જાણકારોના જણાવ્યા પ્રમાણે આઇપીઓમાં રોકાણકાર દ્વારા લિસ્ટિંગ ભાવનો અંદાજ કાઢવા સામાન્ય રીતે ગ્રે બજારમાં જોવા મળી રહેલા પ્રીમિયમને ટ્રેક કરવામાં આવે છે.

ભારત રોડ નેટવર્ક લિમિટેડનો ૬૦૦ કરોડનો આઇપીઓ આજે બંધ થઇ રહ્યો છે. કંપનીએ રૂ. ૧૯૫થી ૨૦૫ પ્રાઇસ બેન્ડ રાખી છે. સ્થાનિક ગ્રે બજારમાં રૂ. ૧૫થી ૨૦નું પ્રીમિયમ બોલાઇ રહ્યું છે, જ્યારે ડિક્સન ટેક્નોલોજી કંપનીના આજે બંધ થઇ રહેલા આઇપીઓમાં કંપનીએ અપર પ્રાઇસ બેન્ડ રૂ. ૧૭૬૬ રાખી છે. કંપનીની આઇપીઓ દ્વારા રૂ. ૬૦૦ કરોડ ભેગા કરવાની યોજના છે. બજારના જાણકારોના જણાવ્યા પ્રમાણે ઊંચા વેલ્યુએશન હોવા છતાં ગ્રે માર્કેટમાં શેર દીઠ રૂ. ૬૦૦થી ૬૫૦ પ્રીમિયમ બોલાઇ રહ્યું છે.

મેટ્રીમોની ડોટ કોમનો આઇપીઓ આગામી ૧૧ સપ્ટેમ્બરે ખૂલી રહ્યો છે, જે ૧૩ સપ્ટેમ્બરે બંધ થશે. કંપનીએ પ્રાઇસ બેન્ડ રૂ. ૯૮૩થી ૯૮૫ નક્કી કરી છે. ગ્રે માર્કેટમાં રૂ. ૧૦૦થી ૧૫૦નું પ્રીમિયમ બોલાઇ રહ્યું છે. એ જ પ્રમાણે આઇસીઆઇસીઆઇ લોમ્બાર્ડ જનરલ ઇન્સ્યોરન્સનો ૧૫મી સપ્ટેમ્બરે આઇપીઓ ખૂલી રહ્યો છે. કંપનીએ ઇશ્યૂ પ્રાઇસ રૂ. ૬૫૧થી ૬૬૧ નક્કી કરી છે. રૂ. ૫૭૦૦ કરોડના આ આઇપીઓના કારણે ગ્રે બજારમાં ગરમાવો જોવા મળી રહ્યો છે.

એ જ પ્રમાણે કેપેસિટી ઇન્ફ્રા પ્રોજેક્ટ્સ લિમિટેડના રૂ. ૪૦૦ કરોડના આઇપીઓ માટે કંપનીએ પ્રાઇસ બેન્ડ રૂ. ૨૪૫થી ૨૫૦ નક્કી કરી છે, જેનું પ્રીમિયમ રૂ. ૯૦થી ૧૦૫ની વચ્ચે બોલાઇ રહ્યું છે.

શેરબજારના નિષ્ણાતોના કહેવા પ્રમાણે કંપનીની ઇશ્યૂ પ્રાઇસ કરતાં પ્રીમિયમ દરે લિસ્ટિંગ થાય તો ગ્રે માર્કેટેના હિસ્સેદારોને પણ નફો મળે. નવા આઇપીઓના લિસ્ટિંગના ભાવનો અંદાજ કાઢવા રોકાણકારો ગ્રે માર્કેટના ટ્રેન્ડને ટ્રેક કરી રહ્યા છે.

divyesh

Recent Posts

1 ફેબ્રુઆરીથી કેન્દ્ર સરકારની નોકરીમાં 10 ટકા સવર્ણ અનામતનો લાભ મળશે

(એજન્સી) નવી દિલ્હી: સામાન્ય શ્રેણીના આર્થિક રીતેે નબળા વર્ગ (ઇડબ્લ્યુએસ)ના લોકોને ૧ ફેબ્રુઆરીથી કેન્દ્ર સરકારની નોકરીઓમાં ૧૦ ટકા અનામતનો લાભ…

2 hours ago

…તો ઇજાગ્રસ્ત પેસેન્જર મુંબઇના બદલે કોલકતા પહોંચી ગયો હોત

(અમદાવાદ બ્યૂશ્રરો) અમદાવાદ: વાઇબ્રન્ટ ગુજરાત ગ્લોબલ સમિટ-ર૦૧૯ની ઇવેન્ટમાં હાજરી આપવા આવેલા મુંબઇના પ્રવાસીને પાછા ફરતી વખતે અન્ય ફલાઇટમાં બેસાડી દેવાતાં…

2 hours ago

Ahmedabadમાં 800 કરોડના ખર્ચે નવાં આઠ મલ્ટિસ્ટોરિડ પાર્કિંગ બનાવાશે

(અમદાવાદ બ્યૂરો) અમદાવાદ: દેશના ગોવા જેવા રાજ્ય કરતાં પણ વધુ વાર્ષિક બજેટ ધરાવતા અમદાવાદ મ્યુનિસિપલ કોર્પોરેશનના વહીવટીતંત્ર દ્વારા આગામી નાણાકીય…

2 hours ago

પ્રોપર્ટીના વિવાદમાં એક જ પરિવારના સભ્યો આમને સામનેઃ ત્રણ ઘાયલ

(અમદાવાદ બ્યૂરો) અમદાવાદ: શહેરના રખિયાલમાં ગઇ કાલે સાંજે પ્રોપર્ટીના વિવાદમાં એક જ પરિવારના બે સભ્યો વચ્ચે લોહિયાળ જંગ ખેલાતાં સમગ્ર…

2 hours ago

નંબર પ્લેટ વિના ફરતા નવાં વાહનો પર RTOની તવાઈ

(અમદાવાદ બ્યૂરો) અમદાવાદ: શહેરમાં છેલ્લા કેટલાક સમયથી નંબર પ્લેટ વિના નવા ફરતા વાહનો પર રોક લગાવવા માટે આરટીઓએ ડીલરો સામે…

2 hours ago

PM મોદીએ વારાણસીમાં 15મા પ્રવાસી ભારતીય દિવસ સંમેલનને ખુલ્લું મૂક્યું

(એજન્સી): વડા પ્રધાન નરેન્દ્ર મોદીએ પોતાના સંસદીય ક્ષેત્ર વારાણસીમાં આજે ૧૫મા પ્રવાસી ભારતીય દિવસ સંમેલનનું ઉદ્ઘાટન કર્યું. તેઓ ઉદ્ઘાટન સત્ર…

2 hours ago