Categories: Cricket IPL Sports

IPL-2018માં એક ટીમની સફર આજે ખતમ થઈ જશે

કોલકાતાઃ આઇપીએલ-૧૧ના પહેલા ક્વોલિફાયર બાદ હવે બધાની નજર ઈડન ગાર્ડન્સ પર ટકેલી છે. ફાઇનલમાં પહોંચનારી બીજી ટીમ આ ઐતિહાસિક મેદાન પર રમાનાર આગામી બે મેચમાં નક્કી થઈ જશે. ઈડનમાં આજે રમાનારી મેચ કહેવા માટે તો એલિમિનેટર છે.

પરંતુ કોલકાતા નાઇટ રાઇડર્સ અને રાજસ્થાન રોયલ્સ માટે આ મેચ સીધેસીધી ક્વાર્ટર ફાઇનલ છે, કારણ કે આજની મેચમાં પરાજિત થનારીની ટીમની સફર વર્તમાન આઇપીએલમાં ખતમ થઈ જશે, જ્યારે આજનો મુકાબલો જીતનારી ટીમ શુક્રવારે આ જ મેદાન પર ક્વોલિફાયર-૨માં ગઈ કાલે પરાજિત થનારી હૈદરાબાદ સામે રમશે. ત્યાર બાદ ૨૭ મેએ મુંબઈના વાનખેડે સ્ટેડિયમમાં ફાઇનલ મેચ રમાશે.

એવું છઠ્ઠી વાર બન્યું છે, જ્યારે કોલકાતાએ પ્લેઓફમાં સ્થાન મેળવ્યું છે. તે આ સિઝનની એકમાત્ર એવી ટીમ છે, જેને નોકરાઉન્ડ રાઉન્ડમાં પોતાના હોમગ્રાઉન્ડ પર રમવાની તક મળી રહી છે. ઈડનમાં કોલકાતાએ રમેલી સાત મેચમાંથી ચારમાં વિજય થયો છે અને ત્રણમાં પરાજય વહોર્યો છે.

કોલકાતા માટે સૌથી સારી વાત એ છે કે તેના ખેલાડી યોગ્ય સમયે ફોર્મમાં પાછા ફર્યા છે. કોલકાતાએ પોતાની છેલ્લી ત્રણેય મેચમાં પંજાબ, રાજસ્થાન અને પોઇન્ટ ટેબલમાં ટોચના સ્થાને રહેલી હૈદરાબાદની ટીમને હરાવીને પ્લેઓફમાં સ્થાન મેળવ્યું છે. ઓપનિંગ બેટ્સમેન ક્રિસ લીન શાનદાર ફોર્મમાં છે.

સુનીલ નરૈન બેટિંગમાં પણ કમાલ દેખાડી શકે છે. સારી વાત એ છે કે હૈદરાબાદ સામે ગત મેચમાં રોબિન ઉથપ્પાનાં બેટમાંથી પણ રન નીકળ્યા હતા, જ્યારે કેપ્ટન દિનેશ કાર્તિક ધોનીની જેમ પોતાની ટીમ માટે ફિનિશર બનતો જઈ રહ્યો છે. તે આ સિઝનમાં છ વાર અણનમ રહ્યો છે.

બીજી તરફ લીગ રાઉન્ડના પ્રદર્શનના આધારે ભલે કોલકાતાના પલડું ભારે દેખાઈ રહ્યું હોય, પરંતુ રાજસ્થાનની ટીમને ઓછી આંકી શકાય તેમ નથી. મહેમાન ટીમના બે સ્ટાર અંગ્રેજ ખેલાડી જોસ બટલર અને બેન સ્ટોક્સ ઈંગ્લેન્ડ પાછા ફરી ચૂક્યા છે, તેમ છતાં રાજસ્થાન પાસે અન્ય ઉમદા ખેલાડી છે જ.

ઓપનિંગ બેટ્સમેન રાહુલ ત્રિપાઠી સારા ફોર્મમાં છે. ત્રિપાઠીએ આરસીબી સામે ૮૦ રનની ઇનિંગ્સ રમી હતી. રાજસ્થાનની ટીમ કેપ્ટન અજિંક્ય રહાણે પાસેથી એક મોટી ઇનિંગ્સની આશા રાખી રહી છે. સંજુ સેમસન પણ એકલા હાથે મેચ જીતાડી શકે તેમ છે. લેગ સ્પિનર શ્રેયસ ગોપાલે પણ ગત મેચમાં ચાર વિકેટ ઝડપીને કોલકાતાના બેટ્સમેનોને ચેતવી દીધા છે.

રાજસ્થાનના બેટ્સમેનોએ ફરી એક વાર કુલદીપ યાદવ અને સુનીલ નરૈન સામે કામ પાર પાડવું પડશે. કુલદીપે ઈડનમાં રાજસ્થાન સામે રમાયેલી મેચમાં ચાર વિકેટ ઝડપી હતી. આ ઉપરાંત અનુભવી પિયૂષ ચાવલાનો પણ રાજસ્થાનના બેટ્સમેનોએ સામનો કરવાનો છે.

divyesh

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

20 hours ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

20 hours ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

20 hours ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

20 hours ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

20 hours ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

20 hours ago