ખરાબ વર્તનને લઇ પાક. ખેલાડીઓ પર કરાશે કડક કાર્યવાહીઃ સરદાર હસન

ન્યૂ દિલ્હીઃ ચાર વર્ષ પહેલા ભુવનેશ્વરમાં ચેમ્પિયન્સ ટ્રોફીનાં અનુભવથી પાઠ ભણતા પાકિસ્તાની હોકી ટીમનાં મુખ્ય કોચ હસન સરદારે આ મહીનાનાં અંતિમ સમયમાં તે જ મેદાન પર શરૂ થઇ રહેલા વિશ્વ કપમાં ખેલાડીઓને રમતની સાથે પોતાનાં વર્તન પર પણ ફોકસ કરવાની ચેતવણી કરી છે. આ સાથે જ તેઓએ વિશ્વ કપમાં ભારતને સેમીફાઇનલનાં પ્રબળ દાવેદાર જણાવતા કહ્યું કે મેજબાન ટીમ છેલ્લાં કેટલાંક સમયથી સારા એવાં ફોર્મમાં છે અને ઘરેલૂ મેદાન પર રમવાનો પણ તેઓને ફાયદો મળશે.

ભુવનેશ્વરમાં ચેમ્પિયન્સ ટ્રોફી 2014 બાદ પાકિસ્તાની હોકી ટીમ પહેલી વાર ભારતમાં એફઆઇએચની કોઇ ટૂર્નામેન્ટ રમશે. ચાર વર્ષ પહેલા ચેમ્પિયન્સ ટ્રોફી સેમીફાઇનલમાં ભારતને હરાવ્યા બાદ પાકિસ્તાનનાં કેટલાંક ખેલાડીઓએ કમીઝ ઉતારીને દર્શકો તરફ અભદ્ર ઇશારા કર્યા હતાં. જ્યાર બાદ ભારત અને પાકિસ્તાનનાં હોકી સંબંધોમાં કડવાહટ આવી ગઇ.

ઓલમ્પિક (1984) અને એશિયાઇ ખેલ (1982) સ્વર્ણ પદક વિજેતા સરદારે કહ્યું,”આ વખતે રમતની સાથે ટીમનાં વર્તાવ પર મારો સંપૂર્ણ ફોકસ હશે. મેં ખેલાડીઓને સખત ચેતાવણી આપી છે કે આ વખતે આવી કોઇ ઘટના થવા પર તેઓની વિરૂદ્ધ સખત કાર્યવાહી કરવામાં આવશે. દિલ્હીમાં 1982માં થયેલ એશિયાઇ રમતોમાં યજનમાન ભારત પર 7-1થી મળેલ પુરસ્કારી જીતમાં હેટ્રિક જમાવનાર સરદારે કહ્યું કે, ભારતમાં જેમ ખેલાડીઓનો અનુભવ સૌથી ઉત્તમ રહ્યો છે અને આશા છે કે કોચ તરીકે પણ આમાં કોઇ જ ફરક ના આવ્યો.

You might also like