વિન્ડીઝ સામેની 3 T-૨૦માં ઇન્ડીયાનાં ૪૮૭ રન, અડધાથી પણ વધુ ૨૫૯ રન રોહિત-શિખરનાં

વિન્ડીઝ સામેની ત્રણ મેચની ટી-૨૦ શ્રેણી ભારતે ૩-૦થી વિજય મેળવ્યો. શ્રેણીમાં ભારતે બે વાર, જ્યારે વિન્ડીઝે એક વાર ૧૮૦થી વધુનો સ્કોર નોંધાવ્યો. બંને ટીમે કુલ મળીને ૯૦૧ રન બનાવ્યાં, જેમાંથી ટીમ ઇન્ડિયાને ૪૮૭ અને વિન્ડીઝે ૪૧૪ રન બનાવ્યાં. ટીમ ઇન્ડિયાનાં અડધાથી વધુ એટલે કે ૨૫૯ રન ઓપનર રોહિત-શિખરે બનાવ્યાં. વિન્ડીઝનાં ઓપનિંગ બેટ્સમેન શેઈ હોપ અને શિમરોન હેટમાયર કુલ ૮૭ રન જ બનાવી શક્યા એટલે કે ટીમના કુલ રનના ૨૧ ટકા.

રોહિતે ૬૦, શિખરે ૪૬ની સરેરાશથી રન બનાવ્યાઃ ટી-૨૦ શ્રેણીમાં એકમાત્ર સદી રોહિત શર્માએ ફટકારી. તેણે લખનૌમાં રમાયેલી બીજી ટી-૨૦માં અણનમ ૧૧૧ રનની ધમાકેદાર ઇનિંગ્સ રમી. રોહિતે ૬૦.૫૦ની સરેરાશથી કુલ ૧૨૧ રન બનાવ્યા. શિખરનો આ શ્રેણીમાં સર્વોચ્ચ સ્કોર ૯૨ રન રહ્યો. તેણે ૪૬ની સરેરાશથી કુલ ૧૩૮ રન બનાવ્યા. ભારતીય બેટ્સમેનોએ શ્રેણીમાં કુલ ૧૪ છગ્ગા ફટકાર્યા, જેમાંથી અડધા છગ્ગા રોહિત શર્માના બેટમાંથી નીકળ્યા.

રોહિતે બનાવેલા ૧૨૧ રનમાં ૮૨ રન બાઉન્ડ્રીથી બનાવ્યા. તેણે ૧૦ ચોગ્ગા અને સાત છગ્ગા ફટકાર્યા. શિખરે ત્રણ મેચમાં ૧૩ ચોગ્ગા અને બે છગ્ગા ફટકાર્યા.
ટોપ ફાઇવ સ્કોરરની યાદીમાં ચાર ભારતીયઃ શ્રેણીમાં ટોપ ફાઇવ સ્કોરરમાં ચાર ભારતીય ખેલાડી સામેલ છે. વિન્ડીઝ તરફથી શ્રેણીમાં સૌથી વધુ ૭૧ રન ડેરેન બ્રાવોએ બનાવ્યા. તેનો સર્વોચ્ચ સ્કોર અણનમ ૪૩ રનનો રહ્યો.

ઋષભ પંત ૬૪ રન બનાવીને ચોથા ક્રમે અને લોકેશ રાહુલ ૫૯ રન બનાવીને પાંચમા સ્થાને રહ્યો. વિન્ડીઝ તરફથી સૌથી વધુ ચાર છગ્ગા નિકોલસ પૂરને ફટકાર્યા. તેણે બે મેચમાં બનાવેલા ૫૭ રનમાં પાંચ ચોગ્ગા પણ ફટકાર્યા. શ્રેણીમાં સૌથી વધુ છગ્ગા ફટકારવાના મામલે તે બીજા, જ્યારે ત્રણ છગ્ગા ફટકારનારો ઋષભ પંત ત્રીજા નંબર પર રહ્યો. સાત છગ્ગા સાથે રોહિત પ્રથમ સ્થાને રહ્યો.

વિકેટો ઝડપવાના કુલદીપ નંબર વનઃ ત્રણ મેચની ટી-૨૦ શ્રેણીમાં બંને ટીમ તરફથી કુલ ૩૧ કુલ વિકેટ પડી, જેમાં ભારતના ૧૧, જ્યારે મહેમાન ટીમના ૨૦ ખેલાડી પેવેલિયનમાં પાછા ફર્યા. શ્રેણીમાં સૌથી વધુ પાંચ વિકેટ ભારતના કુલદીપ યાદવે ઝડપી. આના માટે તેણે ૪૫ રન ખર્ચ્યા. શ્રેણીમાં ભારત તરફથી આઠ બોલર્સ (ચાર સ્પિનર, ચાર ફાસ્ટ બોલર) રમ્યાં. તેમણે વિન્ડીઝનાં ૧૮ ખેલાડીઓને પેવેલિયનનો રસ્તો દેખાડ્યો.

આમાંથી સ્પિનર્સ અને ફાસ્ટ બોલર્સે નવ-નવ વિકેટ ઝડપી. શ્રેણીમાં સૌથી વધુ વિકેટ લેનારાની યાદીમાં ટોચના પાંચ ખેલાડીઓમાં ભારતના ચાર છે. કુલદીપ ઉપરાંત જસપ્રીત બૂમરાહે બે મેચમાં અને ખલિલે ત્રણ મેચમાં ત્રણ-ત્રણ વિકેટ ઝડપી. વિન્ડીઝના ઓશાને થોમસે ત્રણ મેચમાં ત્રણ વિકેટ, જ્યારે યુઝવેન્દ્ર ચહલે એક મેચમાં બે વિકેટ ઝડપી.

Dhruv Brahmbhatt

Recent Posts

કેસરી’ માટે ત્રણ મિનિટમાં જ કહી દીધી હતી હાં: પરિણી‌તિ

બોલિવૂડ અભિનેત્રી પરિણી‌તિ ચોપરાએ 'ઇશકજાદે'થી કરિયરની શરૂઆત કરી ત્યારે લોકોને હતું કે તે કાઠું કાઢશે, પરંતુ છ વર્ષમાં તેણે કરેલી…

2 months ago

રમજાનનાં આરંભ સાથે જ ફળોનાં ભાવમાં રૂ.૨૦થી ૨૫નો વધારો

અમદાવાદઃ મુસ્લિમ બિરાદરોનાં પવિત્ર રમજાન માસનો પ્રારંભ થતાંની સાથે જ ફ્રૂટમાં ૨૫ ટકા અને ખજૂરના ભાવોમાં ૨૦ ટકાનો ભાવ વધારો…

2 months ago

મોદીએ મહાજનને કહ્યું, ‘ભોજન લાવ્યાં છો? હું ગાડીમાં ખાઈ લઈશ’

ઈન્દોરઃ વડા પ્રધાન નરેન્દ્ર મોદીએ રવિવારે ઈન્દોરમાં ચૂંટણી સભા કરી. આ દરમિયાન ઈન્દોર સીટના હાલનાં સાંસદ સુમિત્રા મહાજન (તાઈ) અને…

2 months ago

અમિત શાહનો રોડ શો મમતા સરકારે કર્યો રદ, હેલિકોપ્ટર ઉતારવાની પણ મંજૂરી ન અપાઇ

કોલકાતાઃ પશ્ચિમ બંગાળમાં મમતા સરકારે ભાજપ અધ્યક્ષ અમિત શાહને રેલી કરવાની પરવાનગી ન આપી. ભાજપ સૂત્રોનાં જણાવ્યાં મુજબ શાહનું હેલિકોપ્ટર…

2 months ago

પાલનપુર-અંબાજી હાઇવે ઉપર ટ્રિપલ અકસ્માત: ત્રણનાં મોત

અમદાવાદઃ પાલનપુર-અંબાજી રોડ પર આજે રતનપુર ગામ પાસે મેઇન હાઇવે પર આજે એક બાઇક અને બે કાર વચ્ચે ટ્રિપલ અકસ્માત…

2 months ago

અમદાવાદમાં પબજી રમવા પર હવે કોઈ જ પ્રકારનો પ્રતિબંધ નહીં

અમદાવાદઃ રાજકોટમાં પબજી ગેમ રમવા પર પ્રતિબંધ મુકાવાનો મામલો હાઇકોર્ટમાં પહોંચ્યો હતો. જેમાં પબજી ગેમ પર પ્રતિબંધ લાદતું જાહેરનામું પોલીસે…

2 months ago