Categories: World

હવે ડ્રોન વડે સમુદ્રની દેખરેખ કરશે ભારત, ડીલ માટે USને લખ્યો પત્ર

વોશિંગ્ટન: ભારતે હિંદ મહાસાગરમાં પોતાની સમુદ્રી સંપદાઓના સંરક્ષણ અને દેખરેખ માટે પેટ્રોલિંગ ડ્રોન ખરીદવાનું મન બનાવ્યું છે. તેના માટે અમેરિકાને એક પત્ર લખીને રિક્વેસ્ટ કરવામાં આવી છે. ભારત દ્વારા આ પત્ર ગત અઠવાડિયે મોકલવામાં આવ્યો હતો.

તાજેતરમાં જ વડાપ્રધાન નરેન્દ્ર મોદી અને અમેરિકન રાષ્ટ્રપતિ બરાક ઓબામાની મુલાકાત બાદ ભારતને મિસાઇલ ટેક્નોલોજી નિયંત્રણ વ્યવસ્થા (એમટીસીઆર)માં સામેલ કરવામાં આવ્યું. અમેરિકાએ તેને એક પ્રમુખ સંરક્ષણ ભાગીદાર કરાર ગણાવ્યો. આ મોદી સરકારના તે લક્ષ્યોનો ભાગ છે, જે તેને સમુદ્રી સંપદાઓ ખાસકરીને હિંદ મહાસાગરની સંપદઓને સુરક્ષિત કરતાં અને મુંબઇ હુમલા જેવી ઘટના વિશે જાણવા માટે નક્કી કરવામાં આવ્યા છે.

સૂત્રોએ જણાવ્યું હતું કે ભારતે આ પત્રમાં અમેરિકાના જનરલ એટોમિક્સ પાસેથી અત્યાધુનિક મલ્ટી મિશન મેરીટાઇમ પેટ્રોલ પ્રીડેટર ગાર્ડિયન યૂએવી (માનવરહિત યાન) ખરીદવાની પરવાનગી માંગી છે. આ યાન મળ્યા બાદ ભારતને પૂર્વી અને પશ્વિમિ તટ બંને તરફ હિંદ મહાસાગરમાં પોતાની સમુદ્રી સંપદાઓને સુરક્ષિત રાખવામાં મદદ મળશે.

ફૂટબોલ જેટલી નાની વસ્તુઓની કરી શકશે ઓળખ
આ પેટ્રોલિંગ ડ્રોન 50,000 ફૂટ ઉંચાઇ પર ઉડવાની ક્ષમતા ધરાવે છે. આ સતત 24 કલાકથી વધુ સમય સુધી ઉડાન ભરીને સમુદ્રી ક્ષેત્રમાં ફૂટબોલ જેટલા આકરની વસ્તુઓ પર પણ બારીકીથી નજર રાખી શકે છે. ભારતે પહેલાં પણ અમેરિકા પાસેથી આ પ્રકારના ડ્રોન ખરીદવામાં રસ દાખવ્યો હતો, પરંતુ ઓબામા વહિવટીતંત્ર આ આગ્રહને આગળ વધારવામાં સમર્થ ન હતું, કારણ કે ભારત એમટીસીઆરનું સભ્ય ન હતું.

મોદી ઓબામાએ કરી હતી ડ્રોન પર ચર્ચા
આ મહિનાની શરૂઆતમાં ભારતને એમટીસીઆરની સદસ્યતા મળી ગયા બાદ અમેરિકાએ આ પ્રસ્તાવ પર ધ્યાન આપવાનું શરૂ કરી દીધું છે. માનવામાં આવી રહ્યું છે કે તે આગામી તબક્કામાં તે તેને સ્વિકારી લેશે. સૂત્રોએ કહ્યું કે ‘આ મહિનાની શરૂઆતમાં રાષ્ટ્રપતિ ઓબામા અને વડાપ્રધાન નરેન્દ્ર મોદીએ સમુદ્રી સુરક્ષાને વધારવામાં અમેરિકા ભારત સહયોગ માટે પોતાનું સમર્થન આપ્યું. વડાપ્રધાને રાષ્ટ્રપતિ ઓબામાની સાથે ડ્રોનના મુદ્દે ચર્ચા પણ કરી હતી, જેના પર પોઝિટિવ જવાબ મળ્યો.’

પાંચ અરબ ડોલરથી વધુ ખર્ચ
વ્હાઇટ હાઉસમાં ગત સાત જૂને જાહેર કરવામાં આવેલા ભારત અમેરિકા જોઇંટ સ્ટેટમેંટનો ઉલ્લેખ કરતાં સૂત્રોએ કહ્યું કે બંને નેતાઓએ આંતરરાષ્ટ્રીય નિયમો અનુસાર નૌવહન, સમુદ્રી ક્ષેત્રની ઉપર ઉડાણ ભરવા માટે સંસાધનોનું દોહનની સ્વતંત્રતા સુનિશ્વિત કરવાના મહત્વને દોહરાવ્યું હતું. અનુમાન અનુસાર ભારત આગામી કેટલાક વર્ષોમાં પાંચ અરબ ડોલરથી વધુની કિંમતે 250થી વધુ યૂએવી પ્રાપ્ત કરવાની આશા સેવી રહ્યું છે.

admin

Recent Posts

આંખોની રોશની વધારે છે ‘આઈ યોગ’

યોગ ઘણી શારીરિક સમસ્યાઓના સમાધાનમાં કારગત સાબિત થયો છે. દૃષ્ટિ કમજોર હોવી કોમન સમસ્યા છે. આજકાલ નાનાં બાળકો પણ તમને…

6 hours ago

યુટ્યૂબરનું પાગલપણુંઃ ૩૦૦ ફૂટ ઊંચી ઈમારત પર એક હાથે લટકયો અને પછી….

સ્કોટલેન્ડના પીટરહેડ ટાઉનમાં રહેતો વીસ વર્ષનો એલ્વિસ બોડેનોવ્સ નામનો યુવાન યુટ્યૂબ ચેનલ ચલાવે છે અને એમાં ભાઈસાહેબ જાતજાતના અખતરા અને…

6 hours ago

મૃત્યુને મંગલમય બનાવવાનો ઉપાય બતાવતાં શ્રી શુકદેવજી મહારાજ કહ્યું કે….

મરણાસન્ન વ્યક્તિનાં ગમે તેવાં આચરણ રહ્યાં હોય,ગમે તેવા ભાવ રહ્યા હોય કે ગમે તેવું જીવન વિત્યું હોય,પરંતુ અંતકાળે તે ભગવાનને…

7 hours ago

રણબીર સ્પીચલેસ બનાવી દે છે: આલિયા

આલિયા અને રણબીર કપૂર પોતાના સંબંધોનો સ્વીકાર કરી ચૂક્યાં છે. એવા સમાચાર પણ આવ્યા હતા કે બંને વચ્ચે કોઇ બાબતે…

8 hours ago

મસ્જિદ હુમલોઃ PSLના રંગારંગ કાર્યક્રમ અંગે મની ઉવાચઃ ‘કબૂતર તો ઉડાડ્યાં’

(એજન્સી) કરાચી: એક તરફ ભારતે પુલવામા આતંકી હુમલામાં માર્યા ગયેલા પોતાના જવાનોને શ્રદ્ધાંજલિ આપવા માટે IPLની ઓપનિંગ સેરેમની રદી કરી…

8 hours ago

આજે GST કાઉન્સિલની બેઠક નવા નિયમોને મંજૂરી અપાશે

(એજન્સી)નવી દિલ્હીઃ જીએસટી કાઉન્સિલની આજે ૩૪મી બેઠક મળનાર છે. આ બેઠકમાં રિયલ એસ્ટેટ સેક્ટર માટે જીએસટીના ઘટાડવામાં આવેલા દરના અમલ…

8 hours ago