Categories: Sports

ટીમ ઇન્ડિયાના ટોચના ક્રમે સારું પ્રદર્શન કરવું જ પડશે

બેંગલુરુઃ પોતપોતાની પહેલી મેચમાં પરાજયનો સામનો કર્યા બાદ ભારત અને ઈંગ્લેન્ડે બહુ જ શાનદાર રીતે વાપસી કરીને ખુદને સેમિફાઇનલની રેસમાં જાળવી રાખ્યા છે, જોકે હજુ બે મેચ બાકી છે અને એવું પણ નથી કે ભારત એ બંને મેચ જીતી લઈને સેમિફાઇનલમાં પ્રવેશ મેળવી જ લેશે. ભારતે ફરી એક વાર પોતાનું સર્વશ્રેષ્ઠ પ્રદર્શન કરવું પડશે.

ભારતીય ટીમને પોતાના ટોચના ક્રમ પાસેથી વધુ સારા યોગદાનની અપેક્ષા છે. વિરાટ કોહલીએ દેખાડી આપ્યું છે કે ટી-૨૦ ફક્ત ઊંચા શોટ્સની રમત નથી. સ્પિનર્સને મદદરૂપ થતી વિકેટ પર મોટા શોટ રમવા આસાન નથી હોતા. બેંગલુરુના ચિન્નાસ્વામી સ્ટેડિયમની પીચ આવી જ છે, જ્યાં ઉછાળ સારો એવો છે. હાલમાં રન રેટના મામલે ભારતીય ટીમ ઘણી પાછળ છે. આ સ્થિતિમાં ટીમ ઇન્ડિયાએ સુધારો લાવવો પડશે. જોકે ભારતની પ્રાથમિકતા મેચ જીતવાની જ રહેશે અને ત્યાર બાદ નેટ રન રેટ પર ધ્યાન આપવું પડશે. જ્યારે સામા પક્ષે બાંગ્લાદેશનું પ્રદર્શન જોતાં એવું લાગી રહ્યું છે કે તેઓ પણ આસાનીથી હાર નહીં માને. હવે બાંગ્લાદેશની ટીમ પહેલાં કરતાં સારી એવી મજબૂત લાગી રહી છે.

ભારતનો બેટિંગક્રમ મજબૂત છે, જેનું નેતૃત્વ વિરાટના હાથમાં છે. આ જ કારણે ટીમ ઇન્ડિયાનું પલડું સ્પષ્ટ રીતે ભારે દેખાઈ રહ્યું છે અને બાંગ્લાદેશી બોલર્સ માટે વિરાટને રોકવા અને આઉટ કરવામાં ઘણી મુશ્કેલી પેદા થશે. ભારત માટે ચિંતાનો વિષય ફક્ત ઓપનર શિખર ધવન, રોહિત શર્મા અને સુરેશ રૈનાનું ફોર્મ છે, કારણ કે અત્યાર સુધીની બે મેચમાં આ ત્રણેય ખેલાડી રન બનાવી શક્યા નથી. ઘરઆંગણાની પરિસ્થિતિમાં રમવાથી આ ત્રિપુટીના જલદી ફોર્મમાં પાછા ફરવાની તથા ન્યૂઝીલેન્ડ અને પાકિસ્તાન વિરુદ્ધ પોતાની નિષ્ફળતા ભરપાઈ કરી દેવાની આશા રાખવામાં આવી રહી છે. યુવી પણ ધીમે ધીમે પોતાના અસલી ફોર્મમાં આવતો જાય છે.

એશિયા કપની ફાઇનલમાં પહોંચીને સનસનાટી મચાવી દેનારી બાંગ્લાદેશની ટીમ ટી-૨૦ વર્લ્ડકપના મુખ્ય ડ્રોમાં નબળી સાબિત થઈ. પરિસ્થિતિને જોતાં બાંગ્લાદેશનાે કેપ્ટન મૂર્તઝાની નજર શકીબ અલ હસન અને મહંમદુલ્લાહના ઓલરાઉન્ડર પ્રદર્શન પર રહેશે. બાંગ્લાદેશની થિન્ક ટેન્ક તમિમ ઇકબાલની વાપસી પર પણ વિચારણા કરી રહી છે, જે સારા ફોર્મમાં છે. બાંગ્લાદેશી ટીમ પોતાનાે ઓપનર સૌમ્ય સરકાર પોતાના અસલી ફોર્મમાં આવે તેની રાહ જોઈ રહી છે. બાંગ્લાદેશ માટે એક સારી વાત એ છે કે મુસ્તફિજુર રહેમાન ઈજામાંથી બહાર આવી ગયો છે.

Krupa

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

3 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

3 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

4 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

4 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

4 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

4 hours ago