ભારતને આત્મરક્ષાનો પૂરો અધિકાર, અમે સાથે જ છીએ: અમેરિકાનો સંદેશ

(એજન્સી) વોશિંગ્ટન: અમેરિકાના રાષ્ટ્રીય સુરક્ષા સલાહકાર (એનએસએ) જોન બોલ્ટને જમ્મુ-કાશ્મીરના પુલવામામાં સીઆરપીએફના કાફલા પર થયેલા આત્મઘાતી આતંકી હુમલા અંગે પોતાની સંવેદના વ્યક્ત કરી છે. તેમણે ભારતના રાષ્ટ્રીય સુરક્ષા સલાહકાર અજિત ડોભાલને ફોન કરીને જણાવ્યું છે કે, આતંકવાદનો સામનો કરવામાં અમેરિકા ભારતની સાથે જ ઊભું છે.

સૂત્રોના જણાવ્યા અનુસાર, શુક્રવારે બોલ્ટને એનએસએ ડોભાલ સાથે ટેલિફોનિક વાતચીત કરીને આતંકી હુમલામાં શહીદ થયેલા જવાનો માટે દુ:ખ વ્યક્ત કર્યું હતું. તેમણે આતંકવાદ સામેની આ લડાઈમાં ભારત સાથે રહેવાના અને દોષીઓને આ હુમલાની સજા આપવાનું આશ્વાસન પણ આપ્યું હતું.

બોલ્ટને ડોભાલ સાથે બે વખત ફોન પર વાત કરી હતી. તેમણે જણાવ્યું કે, આતંકવાદના મુદ્દે અમારો અભિપ્રાય એકદમ સ્પષ્ટ છે અને અમે પાકિસ્તાનની સાથે પણ વાતચીત કરી રહ્યા છીએ. પુલવામા હુમલાના અપરાધીઓ અને સમર્થકોને જવાબદાર ઠેરવવા જ જોઈએ. ભારત પાસે પોતાની આત્મરક્ષા કરવાનો અધિકાર સંપૂર્ણ રીતે સુરક્ષિત છે.

ઉલ્લેખનીય છે કે, જમ્મુ-કાશ્મીરના પુલવામામાં સીઆરપીએફના કાફલા પર ગુરુવારે આતંકવાદી હુમલો થયો હતો, જેમાં ૪૦ જવાન શહીદ થયા હતા અને અનેક જવાન ઘાયલ થયા હતા. પુલવામામાં થયેલા આ આતંકી હુમલાને ધ્યનમાં રાખીને અમેરિકાએ એક ટ્રાવેલ એડ્વાઈઝરી જારી કરી છે, જેમાં અમેરિકન નાગરિકોને જણાવાયું છે કે, આતંકવાદના કારણે તેઓ પાકિસ્તાન જતાં પહેલાં વિચાર કરે.

આ અગાઉ અમેરિકાના પ્રમુખ ડોનાલ્ડ ટ્રમ્પે પાકિસ્તાનને તમામ આતંકી જૂથોને મદદ અને આશરો આપવાનું તાત્કાલિક બંધ કરવા જણાવ્યું હતું. ટ્રમ્પના પ્રેસ સચિવ સારા સેન્ડર્સે એક નિવેદનમાં જણાવ્યું હતું કે, અમેરિકાએ પાકિસ્તાનને સાફ જણાવી દીધું છે કે, તે તેની જમીનથી સંચાલિત તમામ આતંકી જૂથોને મદદ કે આશરો આપવાનું તાત્કાલિક ધોરણે બંધ કરી દે કેમ કે સમગ્ર ક્ષેત્રમાં હિંસા અને આતંકનાં બીજ વાવવાનું જ એ લોકોનું લક્ષ્યાંક છે.

divyesh

Recent Posts

મહાભારત સારઃ ધર્મ તરફ તમારી મતિ રાખો

મૂળ મહાભારત જ કેટલા શ્લોકોનું હતું? તેમાંથી એક લાખ શ્લોકનું મહાભારત કોણે રચ્યું? મહાભારતમાં કેટલાક સવાલો રાજા જનમેજય પૂછે છે…

24 hours ago

17 મહિનામાં 76.48 લાખ લોકોને રોજગાર મળ્યાઃ EPFOના પેરોલ ડેટા

(એજન્સી)નવી દિલ્હી: એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (ઇપીએફઓ)ના તાજેતરના પેરોલ ડેટા પરથી જાહેર થયું છે કે છેલ્લા ૧૭ મહિનામાં ૭૬.૪૮ લાખ…

1 day ago

રોડ કૌભાંડનું ભૂત ફરી ધૂણ્યુંઃ 59 ઈજનેરોને નોટિસ ફટકારાઈ

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના ઇતિહાસમાં પ્રથમવાર ગત વર્ષ ર૦૧૭ના ચોમાસામાં આશરે રૂ.૪પ૦ કરોડના રોડ ઓછા-વત્તા અંશે ધોવાઇ જતાં સમગ્ર…

1 day ago

પ્રોપર્ટી ટેક્સની ચૂકવણી માટે આજે અને કાલે સિવિક સેન્ટર ચાલુ રહેશે

(અમદાવાદ બ્યૂરો) અમદાવાદ: મ્યુનિસિપલ કોર્પોરેશનમાં આવકનો એકમાત્ર સ્ત્રોત પ્રોપર્ટી ટેકસ હોઇ માર્ચ એન્ડિંગના આ છેલ્લા અઠવાડિયામાં તંત્રે ચાલુ નાણાકીય વર્ષ…

1 day ago

રાજ્યની તમામ આંગણવાડીઓનો વહીવટ હવે ઓનલાઇન થશે

(અમદાવાદ બ્યૂરો) અમદાવાદ: અમદાવાદ સહિત રાજ્યભરમાં ચાલતી પ૩ હજાર આંગણવાડીઓ હવે ઓનલાઇન કરવાનો નિર્ણય હવે સરકારે લઈ લીધો છે આંગણવાડીઓનાં…

1 day ago

ગર્ભવતી મહિલાને પોલીસ કર્મચારીઓએ લાત મારીઃ હોસ્પિટલમાં દાખલ કરાઈ

અમદાવાદ: શહેરના વાડજ વિસ્તારમાં આવેલ રામાપીરના ટેકરામાં રહેતા એક યુવક અને તેની ગર્ભવતી પત્નીને વાડજ પોલીસ સ્ટેશનમાં પોલીસ કર્મચારીઓએ માર…

1 day ago