પશ્ચિમ અને મધ્ય ઝોનના અનેક વિસ્તારોમાં અપૂરતાં પાણીની બૂમ

અમદાવાદ: મ્યુનિસિપલ કોર્પોરેશનના કોતરપુર વોટર ટ્રીટમેન્ટ પ્લાન્ટ અને ફ્રેન્ચવેલ વચ્ચે પાઇપલાઇનનાં જોડાણની કામગીરી ગત સોમવાથી તંત્ર દ્વારા હાથ ધરાઇ છે. જેના કારણે આજના ચોથા દિવસે પણ શહેરના પશ્ચિમ ઝોન અને મધ્યઝોનમાં પાણીનો કકળાટ જોવા મળે છે. તેમાંય સાંજનો પુરવઠો ઠપ થવાથી હિન્દુઓનો પવિત્ર શ્રાવણ માસ ભૂલાયો હોવાની ચર્ચા ઊઠી છે.

કોતરપુર ખાતે આવેલા ૬પ૦ એમએલડીની ક્ષમતાના વોટર ટ્રીટમેન્ટ પ્લાન્ટની ૧૬૦૦ મીમી વ્યાસની ઇસ્ટર્ન ટ્રંક મેઇન્સ લાઇનમાંથી ૮૦૦ મીમી ફેન્ચવેલની પાઇપલાઇન સાથે જોડાણ કરવાની કામગીરી સત્તાવાળાઓ દ્વારા હાથ ધરાઇ છે.

ગત તા.ર૭ ઓગસ્ટે સોમવારના સવારનો પાણી પુરવઠો પૂરો પડાયા બાદ જોડાણકામ શરૂ કરાયું હતું જો કે બુધવારથી રાબેતા મુજબ પાણી પૂરું પડાશે તેવો તંત્રનો દાવો હતો.

પરંતુ આજે પણ પશ્ચિમ ઝોનના નારણપુરા, વાસણા, પાલડી, નવરંગપુરા સહિતના વિસ્તારમાં પાણીની બૂમ પડી છે. નારણપુરાના સોલા હાઉસિંગ કોમ્પ્લેક્સ સંલગ્ન ચિત્રકૂટ, પંચવટી, સરગમ, કર્ણાવતી સહિતના ચાલીસ એપાર્ટમેન્ટ, પારસનગર વગેરે વિસ્તારમાં પાણીનાં ઓછાં પ્રેશરથી લોકો પરેશાન છે તેમ સ્થાનિક રહેવાસી મનહરસિંહ વાઘેલા જણાવે છે.

જ્યારે કાલુપુરની રતનપોળના રહેવાસી જગદીશ પઢિયાર કહે છે મધ્ય ઝોનના કાલુપુર રેલવે સ્ટેશનથી લાલ દરવાજા અને દિલ્હી દરવાજાથી પાનકોરનાકા સુધીના સમગ્ર પટ્ટાના નાગરિકો પાણીનો કકળાટ વેઠી રહ્યા છે. તેમાં પણ તંત્ર જાણે કે હિન્દુઓના પવિત્ર શ્રાવણ માસને સદંતર ભૂલી ગયું હોય તેમ સાંજનો પાણીનો પુરવઠો તો સદંતર ઠપ જ છે.

divyesh

Recent Posts

વિધાનસભા તરફ શિક્ષકોની કૂચ રાજ્યભરમાં અનેકની અટકાયત

(પ્રતિનિધિ દ્વારા) અમદાવાદઃ જિલ્લા પ્રાથમિક શિક્ષણ સંઘ દ્વારા શિક્ષકોના પડતર પ્રશ્નોના મુદ્દે આજે ગાંધીનગર વિધાનસભાને ઘેરાવ કરવા માટે નીકળેલા સેંકડો…

10 hours ago

PM મોદીને મળ્યો દક્ષિણ કોરિયાનો સૌથી મોટો એવોર્ડ

(એજન્સી) નવી દિલ્હી: સિયોલમાં આજે વડા પ્રધાન નરેન્દ્ર મોદીને દક્ષિણ કોરિયાના સૌથી મોટા ‘શાંતિ પુરસ્કાર’થી નવાજવામાં આવ્યાં છે. દુનિયાભરના એક…

10 hours ago

આઇસોલેશન વોર્ડ વગર સ્વાઇન ફ્લૂના દર્દીની સારવાર કરતી હોસ્પિટલને સીલ કરાશે

(અમદાવાદ બ્યૂરો) અમદાવાદ: શહેરની અનેક ખાનગી હોસ્પિટલમાં સ્વાઇન ફલૂના દર્દી માટે અલગ આઇસોલેશન વોર્ડ ન હોવા છતાં ફક્ત કમાણી કરવાના…

10 hours ago

STની હડતાળના બીજા દિવસે પણ હજારો મુસાફરો અટવાઇ ગયા

અમદાવાદ: એસટીના કર્મચારીઓની હડતાળ આજે બીજા દિવસે પણ ચાલુ રહેતા મુસાફરો હલાકીમાં મુકાયા હતા. સરકારે ખાનગી બસોની વૈકલ્પિક વ્યવસ્થા કરવા…

10 hours ago

શહેરના તમામ 240 બગીચાની જાળવણી માટે નવેસરથી કોન્ટ્રાક્ટ અપાશે

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશન દ્વારા શહેરના તમામ ર૪૦ નવા-જૂના બગીચાની જાળવણી માટે નવેસરથી ક્વાયત આરંભાઇ છે. હાલના તંત્ર હસ્તકના…

10 hours ago

હાઉસિંગ કોલોનીના રી ડેવલપમેન્ટમાં લાભાર્થીને 40 ટકા મોટું મકાન મળશે

(પ્રતિનિધિ દ્વારા) અમદાવાદ: અમદાવાદ સહિત રાજ્યભરની હાઉસિંગ બોર્ડ હસ્તકની હજારો એકર જમીનમાં ઊભા કરાયેલાં મકાનોનું રી ડેવલપમેન્ટ થઇ શકશે. ૭પ…

10 hours ago