વારાણસીમાં PM મોદીને સપાનાં મહિલા ઉમેદવાર શાલિની યાદવ ટક્કર આપશે

વડા પ્રધાન નરેન્દ્ર મોદી વિરુદ્ધ સમાજવાદી પાર્ટી (સપા) અને બહુજન સમાજ પાર્ટી (બસપા)ના ગઠબંધને વારાણસી લોકસભાની બેઠક પર પોતાના ઉમેદવારનાં નામની જાહેરાત કરી દીધી છે. વારાણસીની બેઠક પર પીએમ મોદી વિરુદ્ધ શાલિની યાદવ મેદાનમાં ઊતરશે.

આ અગાઉ શાલિની યાદવ કોંગ્રેસમાં હતાં અને તેમણે પક્ષાંતર કરીને હવે સમાજવાદી પાર્ટી જોઈન્ટ કરી છે. વારાણસીની આ બેઠક ગઠબંધનમાં સમાજવાદી પાર્ટીના ફાળે ગઈ છે. આ સંજોગોમાં સમાજવાદી પાર્ટી પીએમ મોદી વિરુદ્ધ ટક્કર આપનાર કોઈ ઉમેદવારનું નામ નક્કી કરી શકતી ન હતી અને છેવટે સપાને પોતાના પક્ષમાં કોઈ નેતા નહીં મળતાં તેમણે પૂર્વ કોંગ્રેસી શાલિની યાદવને પક્ષમાં સામેલ કરી દીધાં હતાં અને શાલિની યાદવને વડા પ્રધાન નરેન્દ્ર મોદી સામે વારાણસીની બેઠક પર ચૂંટણી જંગમાં ઉતારવાનો નિર્ણય કર્યો છે.

વારાણસી લોકસભાની બેઠક ૨૦૧૪ બાદ સૌથી વીઆઈપી બેઠક બની ગઈ છે. અહીં જો કોંગ્રેસના મહામંત્રી પ્રિયંકા ગાંધી મેદાનમાં ઊતરશે નહીં તો આ બેઠક માટેનો જંગ મોદી માટે વધુ સરળ બની જશે. શાલિની યાદવના બેકગ્રાઉન્ડની વાત કરીએ તો કોંગ્રેસ સાથે તેમને જૂનો સંબંધ છે. શાલિની યાદવ આ અગાઉ વારાણસીના મેયર તરીકે પણ રહી ચૂક્યાં છે.

નરેન્દ્ર મોદીનાં આગમન પહેલાં વારાણસીથી ૨૦૦૯ની ચૂંટણી ભાજપના પૂર્વ રાષ્ટ્રીય અધ્યક્ષ મુરલી મનોહર જોશી લડ્યા હતા અને વિજયી થયા હતા. ૨૦૧૪માં પણ મુરલી જોશી અહીં ચૂંટણી લડવા માગતા હતા, પરંતુ મોદીના કારણે આ બેઠક છોડવી પડી હતી. ૧૯૫૨માં વારાણસીથી કોંગ્રેસના ઉમેદવાર રઘુનાથસિંહનો વિજય થયો હતો અને તેઓ ૧૯૬૨ સુધી સતત ત્રણ વખત વિજયી રહ્યા હતા. ૧૯૬૭ની ચૂંટણીમાં સત્યનારાયણ સિંહ કોમ્યુનિસ્ટ પાર્ટીની ટિકિટ પર લડ્યા હતા અને તેમનો ત્યાંથી વિજય થયો હતો.

૨૦૧૪માં વારાણસીની બેઠક પર વડા પ્રધાન નરેન્દ્ર મોદી અને દિલ્હીના મુખ્યપ્રધાન અરવિંદ કેજરીવાલ વચ્ચે મુકાબલો હતો. મોદીએ કેજરીવાલને ૩,૭૧,૭૮૪ મતથી હાર આપી હતી. વારાણસીમાં ૮૫ ટકા વસ્તી હિંદુઓની છે અને ૧૫ ટકા મુસ્લિમ સમુદાયના લોકો વસે છે.

divyesh

Recent Posts

કેસરી’ માટે ત્રણ મિનિટમાં જ કહી દીધી હતી હાં: પરિણી‌તિ

બોલિવૂડ અભિનેત્રી પરિણી‌તિ ચોપરાએ 'ઇશકજાદે'થી કરિયરની શરૂઆત કરી ત્યારે લોકોને હતું કે તે કાઠું કાઢશે, પરંતુ છ વર્ષમાં તેણે કરેલી…

1 week ago

રમજાનનાં આરંભ સાથે જ ફળોનાં ભાવમાં રૂ.૨૦થી ૨૫નો વધારો

અમદાવાદઃ મુસ્લિમ બિરાદરોનાં પવિત્ર રમજાન માસનો પ્રારંભ થતાંની સાથે જ ફ્રૂટમાં ૨૫ ટકા અને ખજૂરના ભાવોમાં ૨૦ ટકાનો ભાવ વધારો…

1 week ago

મોદીએ મહાજનને કહ્યું, ‘ભોજન લાવ્યાં છો? હું ગાડીમાં ખાઈ લઈશ’

ઈન્દોરઃ વડા પ્રધાન નરેન્દ્ર મોદીએ રવિવારે ઈન્દોરમાં ચૂંટણી સભા કરી. આ દરમિયાન ઈન્દોર સીટના હાલનાં સાંસદ સુમિત્રા મહાજન (તાઈ) અને…

1 week ago

અમિત શાહનો રોડ શો મમતા સરકારે કર્યો રદ, હેલિકોપ્ટર ઉતારવાની પણ મંજૂરી ન અપાઇ

કોલકાતાઃ પશ્ચિમ બંગાળમાં મમતા સરકારે ભાજપ અધ્યક્ષ અમિત શાહને રેલી કરવાની પરવાનગી ન આપી. ભાજપ સૂત્રોનાં જણાવ્યાં મુજબ શાહનું હેલિકોપ્ટર…

1 week ago

પાલનપુર-અંબાજી હાઇવે ઉપર ટ્રિપલ અકસ્માત: ત્રણનાં મોત

અમદાવાદઃ પાલનપુર-અંબાજી રોડ પર આજે રતનપુર ગામ પાસે મેઇન હાઇવે પર આજે એક બાઇક અને બે કાર વચ્ચે ટ્રિપલ અકસ્માત…

1 week ago

અમદાવાદમાં પબજી રમવા પર હવે કોઈ જ પ્રકારનો પ્રતિબંધ નહીં

અમદાવાદઃ રાજકોટમાં પબજી ગેમ રમવા પર પ્રતિબંધ મુકાવાનો મામલો હાઇકોર્ટમાં પહોંચ્યો હતો. જેમાં પબજી ગેમ પર પ્રતિબંધ લાદતું જાહેરનામું પોલીસે…

2 weeks ago