Categories: India

તમિળનાડુમાં મેઘતાંડવ : કુલ મૃતાંક ૯૫ થયો

ચેન્નાઇ : તમિળનાડુમાં છેલ્લા કેટલાક દિવસથી પડી રહેલા ભારે વરસાદના કારણે જનજીવન સંપૂર્ણપણે ખોરવાઇ ગયુ છે. વરસાદના કારણે બનેલી અલગ અલગ ઘટનાઓમાં મોતનો કુલ આંક ૯૫ ઉપર પહોંચી ગયો છે.
હવામાન વિભાગે આગામી ત્રણ દિવસ દરમિયાન પણ તમિલનાડુમાં અતિ ભારે વરસાદ જારી રહેવાની આગાહી કરી છે. દરમિયાન મુખ્યમંત્રી જયલલિતાએ રાહત અને પુનઃવસન માટે રૃ.પ૦૦ કરોડની ફાળવણીની જાહેરાત કરી હતી. તેમણે ઉમેર્યું હતું કે, આ રકમમાંથી અસરગ્રસ્ત લોકોને સહાયની પણ ચૂકવણી કરવામાં આવશે.
ઉત્તર-પૂર્વ મોનસુનના પ્રભુત્વ હેઠળ તમિળનાડુમાં છેલ્લા કેટલાક દિવસથી ભારે વરસાદ પડી રહ્યો છે. શૈક્ષણિક સંસ્થાઓ બંધ રાખવામાં આવી છે. પુડ્ડુચેરી અને દરિયાકાંઠાના આંધ્રપ્રદેશમાં પણ ભારે વરસાદની શક્યતા દેખાઈ રહી છે. ચેન્નાઈમાં ઓફિસે જતા લોકોને આજે ભારે મુશ્કેલીઓનો સામનો કરવો પડ્યો હતો. કારણકે ઘણી જગ્યાએ પાણી ભરાયેલા હતા.
ટ્રેન સેવા પણ ખોરવાઈ ગઈ હતી. દક્ષિણ ચેન્નાઈ, ઉત્તર ચેન્નાઈમાં પુરની સ્થિતિ સર્જાયેલી છે. શનિવાર રાતથી જ સતત ભારે વરસાદ પડી રહ્યો છે. નાગાપટ્ટનીમ જિલ્લામાં આજે ભારે વરસાદ જારી રહ્યો હતો. સેંકડો એકર વિસ્તારમાં ડાંગરના પાકને પણ નુકશાન થયું છે.
મુખ્યમંત્રી જયલલિતાએ રાહત અને પુનઃવસન માટે રૃ.પ૦૦ કરોડની ફાળવણીની જાહેરાત કરી હતી. તેમણે ઉમેર્યું હતું કે, આ રકમમાંથી અસરગ્રસ્ત લોકોને સહાયની પણ ચૂકવણી કરવામાં આવશે. સૌથી વધુ અસર પામેલા કુડાલોર જિલ્લા સહિત અસરગ્રસ્ત જિલ્લાઓમાં સરકાર દ્વારા ચાલી રહેલી કામગીરી વિશે વિગતો આપતા તેમણે જણાવ્યું હતું કે, ૬૮૩ જેટલા ગ્રામીણ વિસ્તારોમાંથી ૬૭૧ જેટલા વિસ્તારોમાં વીજ પુરવઠો કાર્યરત કરી દેવાયો છે.
રાજ્યમાં ૪૦ મેડિકલ કેમ્પ પણ લોકોની સારવાર માટે ચાલી રહ્યા છે. ૧ર૧ જેટલા કેમ્પમાં પશુઓને વીનામૂલ્યે ઘાસચારો પૂરો પાડવામાં આવ્યો હતો. તેમણે ઉમેર્યું કે ૭૦ જેટલી રાહત શિબિરો ઊભી કરાઈ છે અને પ૮,૦૦૦ ફૂડ પેકેટનું વિતરણ કરાયું હતું. ચેન્નાઈમાં પ૮૭ વિસ્તારોમાંથી ર૦૭ સ્થળોએથી પાણી દૂર કરાયાં છે. બાકીના વિસ્તારોમાં ભરાયેલા પાણી ખાલી કરવાની કામગીરી ચાલી રહી છે.
નાગાપટ્ટીનમ જિલ્લામાં બે ઇંચથી પણ વધુ વરસાદ આજે નોંધાયો હતો. ૧૦ હજારથી પણ વધુ માછીમારોને ચોથા દિવસે દરિયામાં ન જવા માટે સુચના આપવામાં આવી છે. ઈમરજન્સી સર્વિસ માટે પણ કેટલીક સેવાઓ શરૃ કરવામાં આવી છે.
નેશનલ ડિઝાસ્ટર રિસ્પોન્સ ફોર્સની ત્રણ ટીમો પણ રાખવામાં આવી છે. પરિસ્થિતિ ઉપર સતત નજર રાખવામાં આવી રહી છે. કોઈબતુરથી પ્રાપ્ત અહેવાલ મુજબ શહેરના બિગબજાર વિસ્તારમાં ૬૦ વર્ષ જુની ઈમારતમાં પ્રથમ માળને ભારે નુકશાન થયું છે.અસરગ્રસ્ત વિસ્તારોમાં બચાવ અને રાહત કામગીરી યુદ્ધના ધોરણે ચાલી રહી છે.
તમિળનાડુમાં છેલ્લા કેટલાક દિવસથી પડી રહેલા વરસાદના કારણે લોકો સામે નવી સમસ્યા ઉભી થઇ ગઇ છે. પાટનગર ચેન્નાઇમાં ભારે વરસાદ બાદ અનેક વિસ્તારમાં પુરની સ્થિતી સર્જાઇ છે. જેના કારણે અનેક ટ્રેનો રદ કરી દેવામાં આવી છે. શ્રેણીબદ્ધ ફ્લાઇટને રદ કરવાની ફરજ પડી છે. અનેક ફ્લાઇટોને મોડેથી ઉડાણ ભરવાની ફરજ પડી છે.
તમિળનાડુમાં અનેક વિસ્તારોમાં સ્કુલ અને કોલેજને બંધ રાખવાની ફરજ પડી છે. આ તમામ કારણોસર પાટનગર ચેન્નાઇની સાથે સમગ્ર રાજ્યમાં

જનજીવન ઠપ થઇ ગયું છે. વરસાદના કારણે અનેક વિસ્તારોમાં વીજળી પુરવઠો ખોરવાઇ ગયો છે.
તમિળનાડુમાં હાલમાં સ્થિતીમાં કોઇ સુધારો થાય તેવા સંકેત દેખાઇ રહ્યા નથી. તંત્ર દ્વારા અસરગ્રસ્ત વિસ્તારોમાં બચાવ અને રાહત કામગીરી યુદ્ધના ધોરણે ચલાવવામાં આવી રહી છે. હવે નીચાણ વિસ્તારોમાં પાણી ભરાઇ ગયા હોવાથી રોગચાળાનો ખતરો તોળાઇ રહ્યો છે. આવી સ્થિતીમાં સાવચેતીના તમામ પગલા લેવામાં આવી રહ્યા છે.

Navin Sharma

Recent Posts

વડા પ્રધાન મોદી વારાણસીમાંઃ રૂ.ર૧૩૦ કરોડના પ્રોજેકટ્સનું લોકાર્પણ

(એજન્સી) વારાણસી: વડા પ્રધાન નરેન્દ્ર મોદી આજે સવારે પોતાના સંસદીય મત ક્ષેત્ર વારાણસી પહોંચી ગયા હતા. સૌ પહેલાં તેમણે ડીઝલથી…

12 hours ago

ગુજરાત વિધાનસભામાં નાણાપ્રધાન નીતિન પટેલે લેખાનુદાન રજૂ કર્યું

(અમદાવાદ બ્યૂરો) અમદાવાદ: ગુજરાત વિધાનસભામાં આજે નાણાપ્રધાન નીતિન પટેલે લેખાનુદાન રજૂ કર્યું હતું. લોકસભાની ચૂંટણીને અનુલક્ષી ર૦૧૯-ર૦નું પૂર્ણ બજેટ રજૂ…

13 hours ago

બેફામ સ્પીડે દોડતાં વાહનો સામે ટ્રાફિક પોલીસ-સ્પીડગન લાચાર

(પ્રતિનિધિ દ્વારા) અમદાવાદ: શહેરના એસજી હાઈવે પર બેફામ સ્પીડે વાહનો દોડે છે. ઓવરસ્પીડ માટે રૂ.એક હજારનો ઈ-મેમો આપવાની ભલે શરૂઆત…

13 hours ago

ભાજપના પ્રદેશ ઉપાધ્યક્ષના બ્લોગને પાકિસ્તાની હેકર્સે નિશાન બનાવ્યો

(પ્રતિનિધિ દ્વારા) અમદાવાદ: પુલાવામા એટેક બાદ ભારત અને પાકિસ્તાન વચ્ચે હેકિંગ વોર શરૂ થઇ ગઈ છે. ભારતીય હેકર્સે પાકિસ્તાનની ર૦૦થી…

14 hours ago

પશ્ચિમ ઝોનમાં પાંચ વર્ષના રોડના 750 કરોડનાં કામનો હિસાબ જ અધ્ધરતાલ!

(પ્રતિનિધિ દ્વારા) અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા રોડનાં કામમાં ચાલતી ગેરરી‌િત સામે આંખ આડા કાન કરાય છે તે તો જાણે…

14 hours ago

પથ્થરબાજોને સેનાની આખરી ચેતવણીઃ આતંકીઓને મદદ કરશો તો માર્યા જશો

(એજન્સી) શ્રીનગર: જમ્મુ-કાશ્મીરના પુલવામામાં થયેલા આતંકી હુમલા અને ત્યાર બાદ થયેલ એન્કાઉન્ટરને લઇ સુરક્ષાદળો (આર્મી, સીઆરપીએફ અને સ્થાનિક પોલીસ)એ શ્રીનગર…

15 hours ago