હું મારા માતા શ્રીદેવીની જેમ જ છું સંવેદનશીલ: જાહ્નવી કપૂર

ફિલ્મ ‘ધડક’થી બોલિવૂડમાં એન્ટ્રી કરી ચૂકેલી જાહ્નવી કપૂર પર બોલિવૂડના મોટા ફિલ્મી પરિવારની હોવાના કારણે લોકોની અપેક્ષા પર ખરા ઊતરવાનું દબાણ છે. સ્ટાર‌િકડ હોવાના દબાણ પર જાહ્નવી કહે છે કે શૂટિંગ દરમિયાન એ વાત અનુભવાતી નથી, પરંતુ હવે જ્યારે હું લોકોને મળી રહી છું ત્યારે એક પ્રકારનું દબાણ અનુભવું છું.

મમ્મી અને અમારા સમગ્ર પરિવારને કામ માટે ખૂબ જ પ્રેમ અને સન્માન મળ્યું છે. હું એ બધાંનો આભાર માનું છું. હું તે પ્રેમ મારા કામ દ્વારા મેળવવા ઇચ્છું છું. જાહ્નવી માને છે કે તે પોતાની માતા શ્રીદેવીની જેમ સંવેદનશીલ છે અને તેની જેમ જ મીઠાઇની શોખીન છે. આ વર્ષે શ્રીદેવીના કસમયે થયેલા નિધન બાદ તેના માટે ખૂબ જ મુશ્કેલ સમય હતો, પરંતુ તેમાંથી બહાર નીકળવામાં તેના સાવકા ભાઇ અર્જુન કપૂર અને બહેન અંશુલા કપૂરે ખૂબ જ સાથ આપ્યો.

ફિલ્મોમાં આવતાં પહેલાં સોશિયલ મીડિયા સ્ટાર બનેલી જાહ્નવી સોશિયલ મીડિયાને નકલી દુનિયા માને છે. તે કહે છે કે સોશિયલ મીડિયામાં લોકો એવું જ બતાવે છે, જે તેઓ બતાવવા ઇચ્છે છે. તે કહે છે કે મને સારું નથી લાગતું જ્યારે લોકો સોશિયલ મીડિયા પર નકારાત્મક વાત કરે છે.

હું સમજું છું કે દરેકને પોતાનો મત રાખવાનો હક છે, પરંતુ મને આ મોકો સરળતાથી મળી ગયો. એવા લોકો અસંતુષ્ટ હશે, જેમને લાગતું હશે કે મેં તેમની પાસેથી મોકો છીનવી લીધો. હું જાણું છું કે બીજા માટે મારો સંઘર્ષ કોઇ સંઘર્ષ જ નથી, પરંતુ હું મારી જાતને સાબિત કરવા ઇચ્છું છું.

મારા કામ દ્વારા દરેક વ્યક્તિનાં દિલ જીતવા ઇચ્છું છું. મને મધુબાલા, વહિદા રહેમાન, મીનાકુમારી અને નૂતન જેવી અભિનેત્રીઓ ખૂબ જ પસંદ છે. તે લોકો ખૂબ જ મહાન હતાં. તેમણે જે જાદુ મોટા પરદા પર વિખેર્યો હતો તે કોઇ અન્ય દુનિયાથી આવ્યો હતો. •

divyesh

Recent Posts

OMG! વહેલના પેટમાંથી નીકળ્યો 40 કિલોનો પ્લાસ્ટિક કચરો

(એજન્સી)વોશિંગ્ટન: સમુદ્રમાં વધતા પ્લાસ્ટિકના કચરાના કારણે માછલીઓનો દમ ઘૂંટાઈ રહ્યો છે. તાજેતરનું ઉદાહરણ ફિલિપાઈન્સમાં પકડાયેલી માછલીનું છે, જેના પેટમાં ૪૦…

20 hours ago

શેત્રુંજય પર્વતની ટોચ પરનું જૈન તીર્થ સ્થળ પાલિતાણા

એક એવો પર્વત કે જેનાં બંને શિખર પર નવસો મંદિરોની ભવ્ય પતાકાઓ લહેરાતી હોય અને જેનાં દર્શન ભવ્ય અને અલૌકિક…

20 hours ago

પ્રિયંકાએ કહ્યું હું ખૂબ જ ખરાબ પત્ની કેમ કે મને રસોઈ બનાવતાં આવડતું નથી

(એજન્સી)વોશિંગ્ટન: અમેરિકાના ચેટ શો 'ધ વ્યૂ'માં પ્રિયંકા ચોપરાએ પોતાની પર્સનલ લાઈફને લઈને વાત કરી હતી. તેને કહ્યું કે હું ખૂબ…

20 hours ago

2019માં અમેરિકન ફેડ રિઝર્વ વ્યાજદરમાં કોઈ વધારો નહીં કરે

(એજન્સી)લોસ એન્જલ્સ: અમેરિકન ફેડ રિઝર્વના ચેરમેન જેરોમ પોવેલે એવી જાહેરાત કરી છે કે વર્તમાન સ્થિતિને ધ્યાને લેતા નાણાકીય વર્ષ ૨૦૧૯-૨૦માં…

20 hours ago

કાલથી IPLનો નોનસ્ટોપ રોમાંચ શરૂઃ આ યોદ્ધા રણશિંગું ફૂંકશે

ચેન્નઈ: તાજેતરમાં ભારત અને ઓસ્ટ્રેલિયા વચ્ચે રમાયેલી ટી-૨૦ અને વન ડે શ્રેણીની સાથે ભારતીય ક્રિકેટ સિઝનનું સમાપન થઈ ગયું. હવે…

20 hours ago

જમીનના કેસમાં ચેડાં કરી બેંચ ક્લાર્કે બોગસ નોટિસ ઇશ્યૂ કરી

શહેરની મીરજાપુર ખાતે આવેલા ગ્રામ્ય કોર્ટમાં ચાલતા દીવાની દાવાના એક કેસમાં કોર્ટમાં થતી રોજ કામના શેડ્યૂલમાં ખોટો રેકોર્ડ ઊભાે કરીને…

21 hours ago