Categories: Recipes

હવે ઘર બેઠા બનાવો મસ્ત ટેસ્ટી ભાખરવડી, એ પણ બિલકુલ સરળ રીતથી

ભાખરવડી કે જે દરેક ગુજરાતીને સૌથી ભાવતી અને ફેવરિટ આઇટમ છે કે જે ખાસ કરીને ક્યાંય પણ બહાર ગયા હોવ તો નાસ્તા તરીકે તેનો ખૂબ જ ઉપયોગ થતો હોય છે. જો કે મોટાભાગે લોકો ભાખરવડી બહારની જ ખાતા હોય છે. પરંતુ તમને આશ્ચર્ય થશે કે ભાખરવડી ભલે દેખાવમાં બનાવવી અઘરી લાગતી હોય પરંતુ તે બનાવવામાં સાવ આસાન છે. અને જો ભાખરવડી ઘરે બનાવવામાં આવે તો તે વધુ ટેસ્ટી લાગે છે માટે આજે તમારા માટે ઘર બેઠા જ ભાખરવડી બનાવવાની એક સૌથી સરળ રેસીપી તમારી સમક્ષ રજૂ કરીએ છીએ.

સૌ પહેલાં ભાખરવડી બનાવવામાં અંદાજે અડધાથી એક કલાક જેટલો સમય લાગે છે. આ માટે સામગ્રીમાં આ માપ અનુસાર તમે ત્રણથી ચાર વ્યક્તિઓ માટે ભાખરવડી બનાવી શકો છો.

ભાખરવડી બનાવવા માટેની સામગ્રીઃ

1 કપ ચણાનો લોટ, 1 કપ ઘઉંનો લોટ, 2-3 મોટી ચમચી તેલ, નાની ચમચી ભરીને સૂકા નારિયેળનું છીણ, 4 સૂકા લાલ મરચા, હળદર, ગરમ મસાલો, આમચૂર પાવડર અને ખાંડ, ખસખસ અને આખા ધાણા જોઈશે. આ ઉપરાંત એક નાની ચમચી વરિયાળી, જીરુ પણ જોઈશે અને સાથે પ્રમાણસર મીઠું પણ જોઇશે.

પહેલાં ચણાનાં લોટ અને ઘઉંના લોટને મિક્સ કરીને મીઠું અને તેલ નાંખી તેનો કડક લોટ બાંધી દો. આ લોટ પર ભીનું કપડું ઢાંકી દો.

ભાખરવડીની અંદર મસાલો પણ ભરવાનો હોય છે. જેથી ભરવાનો મસાલો તૈયાર કરવા માટે ધીમા ગેસ પર પેન ગરમ કરવા મૂકો. પેન ગરમ થાય એટલે તેમાં વરિયાળી, જીરુ, લાખ સૂકા મરચા, આખા ધાણા નાંખીને તેને શેકી લો અને પછી પ્લેટમાં કાઢીને ઠંડા થવા દો. આ મસાલો ઠંડો પડે ત્યાં સુધી પેનમાં તલ, ખસખસ, નારિયેળનું છીણ નાંખી તેને શેકી લો અને એક પ્લેટ નીકાળો જેમાં આ મિશ્રણ કાઢી ગેસ બંધ કરી દો.

આ બંને ઠંડા પડે એટલે તેને ભેગાં કરી તેમાં ખાંડ, મીઠું, આમચૂર પાવડર, હળદર અને ગરમ મસાલો એમ બધું મિક્ષ કરી તેને મિક્ષરમાં કરકરો પીસી લો જેથી ભાખરવડી બનાવવાનો તમારો મસાલો હવે તૈયાર થઇ જશે.

હવે આ સામગ્રી અને લોટને સરખા ભાગમાં વહેંચી લો. લોટનાં પહેલા ભાગમાંથી થોડી મોટી રોટલી વણી લો અને તેનાં પર થોડું પાણી લગાવો. પછી તૈયાર કરેલો મસાલો આ રોટલી પર સરખા ભાગમાં ફેલાવી દો. મસાલો ફેલાવ્યાં બાદ રોટલીનો થોડો પાતળો રોલ તૈયાર કરો. આ રોલ બની જાય પછી તેની બંને બાજુ થોડું પાણી લગાવી રોલને ચોંટાડી દો.

પછી રોલ તૈયાર થઈ જાય એટલે તેને ચપ્પાથી સરખા નાના-નાના ભાગમાં કાઢી લો અને તે ગોલ્ડન રંગનાં થાય ત્યાં સુધી તેલમાં તળી લો.

હવે તમારી ટેસ્ટી ભાખરવડી ઘર બેઠા તૈયાર. ને એમાંય તમે આ ભાખરવડીને આશરે 15થી 20 દિવસ સુધી સ્ટોર કરી શકો છો. તો છે ને બિલકુલ આસાન રેસીપી! તો હવે બનાવો ઘર બેઠા ટેસ્ટી ભાખરવડી.

Dhruv Brahmbhatt

Recent Posts

સગવડના બદલે અગવડઃ BRTSના સ્માર્ટકાર્ડધારકો ધાંધિયાંથી પરેશાન

અમદાવાદ: તાજેતરમાં મ્યુનિસિપલ સત્તાવાળાઓએ સરદાર વલ્લભભાઇ પટેલ હોસ્પિટલને અર્બન હેલ્થ કેરના મામલે દેશભરમાં શ્રેષ્ઠ હોસ્પિટલ ગણાવવાની સાથે-સાથે બીઆરટીએસ સર્વિસને પણ…

2 days ago

કેન્દ્રીય વિદેશ પ્રધાનની ઉપસ્થિતિમાં વાઈબ્રન્ટ સમિટમાં આફ્રિકા છવાયુ

ગાંધીનગર: કેન્દ્રિય વિદેશ પ્રધાન સુષ્મા સ્વરાજની ઉપસ્થિતિમાં આજે વાઇબ્રન્ટ ગુજરાત ગ્લોબલ સમિટ ૨૦૧૯ના ત્રીજા દિવસ અંતર્ગત આજે આફ્રિકા ડેની ઉજવણી…

2 days ago

ધો.૧૦-૧રની પ્રિલિમિનરી પરીક્ષાનો ર૮મીથી આરંભ

અમદાવાદ: અમદાવાદ શહેર અને જિલ્લામાં ધો.૧૦ અને ૧રના વિદ્યાર્થીઓ માટેની ફાઇનલ પરીક્ષાના રિહર્સલ સમી પ્રિલિમિનરી પરીક્ષાનો પ્રારંભ ર૮ જાન્યુઆરી સોમવારથી…

2 days ago

જો તું મારી સાથે સંબંધ નહીં રાખે તો હું તને જાનથી મારી નાખીશ

અમદાવાદ: તું મારો ફોન કેમ નથી ઉપાડતી..મારી સાથે સંબંધ કેમ નથી રાખતી..જો તું મારી સાથે સંબંધ નહીં રાખે તો હું…

2 days ago

PM મોદી સવારે માતા હીરાબાને મળવા પહોંચી ગયા, આશીર્વાદ લીધા

અમદાવાદ: નરેન્દ્ર મોદી૧૭મી જાન્યુઆરીથી ત્રણ દિવસના ગુજરાતના પ્રવાસે છે. આજે તેમના ગુજરાતમાં રોકાણના ત્રીજા અને અંતિમ દિવસે તેઓ તેમના વ્યસ્ત…

2 days ago

દિલ્હીમાં દ‌ક્ષિણ ભારતનાં ધાર્મિક સંંગઠનો પર આતંકી હુમલાની સા‌જિશનો પર્દાફાશ

નવી દિલ્હી:  દિલ્હી પોલીસના સ્પેશિયલ સેલ અને ઇન્ટેલિજન્સ એજન્સીએ દ‌િક્ષણ ભારતમાં ધાર્મિક સંગઠનો પર મોટા આતંકી હુુમલાની સા‌જિશનો પર્દાફાશ કરીને…

2 days ago