Categories: India

હનીપ્રીતને રામ રહીમના ગામ લઇ જઇને મોડી રાત સુધી પૂૂછપરછ કરાઇ

શ્રીગંગાનગર: ગુરમીત રામ રહીમનાં રહસ્યો જાણતી અને તેની કહેવાતી પુત્રી હનીપ્રીતને હરિયાણા પોલીસ રાજસ્થાનના શ્ર‌ીગંગાનગર અને હનુમાનગઢ લઇ ગઇ છે. હનીપ્રીતની હરિયાણા પોલીસે રામ રહીમના ગામ ગુરસર મોડિયામાં ગઇ કાલે મોડી રાત્રે ત્રણ કલાક પૂછપરછ કરી હતી. એટલું જ નહીં મોડી રાત સુધી પોલીસે દરોડાની કાર્યવાહી ચાલુ રાખી હતી અને હવે આજે હનીપ્રીતને સિરસા લઇ જવામાં આવશે.

હનીપ્રીત ફરાર થઇ ગયા બાદ રાજસ્થાનના શ્રીગંગાનગર અને હનુમાનગઢ જિલ્લામાં જ્યાં જ્યાં રહી હતી તેના સરનામા અંગે કન્ફર્મ કર્યું હતું અને પોલીસે મોડી રાત સુધી રામ રહીમના વતન અને જન્મસ્થળ ગુડસર મોડિયામાં કાર્યવાહી કરી હતી. તપાસ ટીમે હનીપ્રીતના લેપટોપ અને મોબાઇલની પણ શોધખોળ ચાલુ રાખી છે.

ચાર ગાડીઓના કાફલા સાથે સીટની ટીમે રામ રહીમના ગામમાં અનેક જગ્યાએ તાબડતોબ દરોડા પાડયા હતા કે જેથી હનીપ્રીત પાસેથી મળેલ હિંસાના સુરાગની અનેક કડીઓ જોડી શકાય. સીટની આ કાર્યવાહી એટલી ખાનગી રાખવામાં આવી હતી કે પોલીસકર્મીઓ સિવાય કોઇને પણ સ્થળ પર જવાની મંજૂરી નહોતી. આ ઉપરાંત પંચકુલા પોલીસ સાત ગાડીઓમાં સશસ્ત્ર પોલીસ દળ સાથે શ્રીગંગાનગરના ગામ લાભુવાલા પહોંચી હતી કે જ્યાં હનીપ્રીત રોકાઇ હતી. આ જગ્યાએ તપાસ કર્યા બાદ પોલીસ ટીમ હનીપ્રીતને લઇને ગુરમીત રામ રહીમના ગામ ગુરસર મોડિયા પહોંચી હતી. અહીં રામ રહીમનું વડીલો પાર્જિત મકાન છે ત્યાં પણ હનીપ્રીત ત્રણ દિવસ રોકાઇ હતી અને તેની ખરાઇ કરી હતી.

એસઆઇટીએ અહીં સવા પાંચ કલાક સુધી દરોડાની કાર્યવાહી કરી હતી અને ૩૦થી વધુ લોકોની પૂછપરછ કરી હતી. અત્રે ઉલ્લેખનીય છે કે ચંડીગઢમાં હનીપ્રીતે રિમાન્ડ દરમિયાન કબૂલાત કરી હતી કે રામ રહીમને અદાલતે સજા ફટકાર્યા બાદ પંચકુલામાં ફાટી નીકળેલી હિંસાની તે માસ્ટર માઇન્ડ હતી. હિંસા માટે હનીપ્રીતે રૂ.૧.રપ કરોડ વેેર્યા હતા અને હિંસા ભડકાવવાનું કાવતરું અગાઉથી જ રચ્યું હતું. દરમિયાન હજુ સુધી હનીપ્રીતનો મોબાઇલ હાથ લાગ્યો નથી. પોલીસને શંકા છે કે હનીપ્રીતનો મોબાઇલ ભટીંડાના એ ગામમાં છુપાવવામાં આવ્યો છે કે જયાં તે પાંચ દિવસ છુપાઇને રહી હતી. પોલીસે આ માટે દરેક સ્થળે તપાસ કરી રહી છે. હવે આજે હનીપ્રીતને ડેરાના હેડકવાર્ટર સિરસા લઇ જવાશે.

divyesh

Recent Posts

વ્યાજની વસૂલાત માટે યુવકને 31 કલાક ગોંધી રાખી ઢોર માર માર્યો

(પ્રતિનિધિ દ્વારા અમદાવાદ: શહેરના માધુપુરા વિસ્તારમાં રૂપિયાની લેતી દેતી મામલે વાહનોની લે વેચ કરતા યુવકનું અપહરણ કર્યા બાદ ૩૧ કલાક…

13 hours ago

1960 પછી ગુજરાતમાં પ્રથમ વાર કોંગ્રેસ વર્કિંગ કમિટીની બેઠક યોજાશે

(અમદાવાદ બ્યૂરો) અમદાવાદ: છેક વર્ષ ૧૯૬૦માં કોંગ્રેસની વર્કિંગ કમિટીનું આયોજન ગુજરાતમાં કરાયું હતું ત્યાર બાદ હવે ઓલ ઈન્ડિયા કોંગ્રેસની વર્કિંગ…

14 hours ago

અમદાવાદમાં AMTS બસથી રોજ એક અકસ્માત

(અમદાવાદ બ્યૂરો) અમદાવાદ: તાજેતરમાં અમદાવાદ મ્યુનિસિપલ ટ્રાન્સપોર્ટ સર્વિસના સત્તાવાળાઓ દ્વારા એએમટીએસ બસમાં પેસેન્જર્સનો વિશ્વાસ વધે અને ખાસ કરીને અકસ્માતની ઘટનાઓનું…

14 hours ago

એસટીના કર્મચારીઓ આજ મધરાતથી હડતાળ પર જશે

(અમદાવાદ બ્યૂરો) અમદાવાદ: એસટી નિગમના રાજ્યભરના કર્મચારીઓ આજે મધરાતથી હડતાળ પર ઉતરી જશે. જેના કારણે આજે મધરાતથી રાજ્યભરની સાત હજારથી…

14 hours ago

ધો.11ની વિદ્યાર્થિનીને કારમાં આવેલા બુકાનીધારી શખસો ઉઠાવી ગયા

(પ્રતિનિધિ દ્વારા) અમદાવાદ: જુહાપુરામાં રોયલ અકબર ટાવર નજીક ધોરણ ૧૧મા ભણતી વિદ્યાર્થીનીને ગત મોડી રાત્રે ઇકો કારમાં આવેલા ત્રણ અજાણ્યા…

14 hours ago

દિલ્હી-NCRમાં ભૂકંપના ઝટકાઃ 3.9ની તીવ્રતા, UPનું બાગપત હતું કેન્દ્ર

(એજન્સી) નવી દિલ્હી: રાજધાની દિલ્હી સહિત એનસીઆરના ક્ષેત્રમાં બુધવારે સવારે ભૂકંપના ઝટકા અનુભવાયા. રિક્ટર સ્કેલ પર ભૂકંપની તીવ્રતા ૩.૯ હતી.…

14 hours ago