Categories: Gujarat

હિંદુ યુવતીએ મુસ્લિમ ગર્લ ફ્રેન્ડની કસ્ટડી મેળવવા હાઈકોર્ટનાં દ્વાર ખટખટાવ્યાં

અમદાવાદ: લવ જેહાદ્દ અભિયાનની ઊલટી ગંગામાં એક હિંદુ યુવતીએ ગુજરાત હાઈકોર્ટનાં દ્વાર ખટખટાવીને પોતાની મુસ્લિમ ગર્લ ફ્રેન્ડનો કસ્ટડી માગી છે. ૨૩ વર્ષની મુસ્લિમ યુવતીએ હાઈકોર્ટને વારંવાર જણાવ્યું હતું કે તે જામનગરની પોતાની ફ્રેન્ડ સાથે ખુશ છે અને તેની સાથે જ રહેવા માગે છે. તેણે પોતાનાં માતા પિતા સાથે રહેવાનો સ્પષ્ટ ઈનકાર કરી દીધો છે. હાઈકોર્ટ આ બંને યુવતીઓનાં રહસ્યમય સંબંધો સમજવામાં લગભગ નિષ્ફળ ગઈ છે, કારણ કે આ બંને યુવતીઓએ હાઈકોર્ટ સમક્ષ માત્ર એટલું જણાવ્યું છે કે બંને વચ્ચે છેલ્લાં કેટલાંક વર્ષોથી મહિલાઓના પર્સ વેચવાના બિઝનેસના સંદર્ભમાં મિત્રતા છે.

હિંદુ યુવતીએ જે મુસ્લિમ યુવતીની કસ્ટડીની માગણી કરી છે, તે પુખ્ત હોવાથી પોતાનો નિર્ણય લઈ શકે છે. એવું હાઈકોર્ટે જણાવીને ઉમેર્યું હતું કે, અમને એ હજુ સુધી સમજાતું નથી કે અરજદારનો નિર્ણય પોતાના શ્રેષ્ઠ હિતમાં છે કે કેમ અને અરજદાર શા માટે પોતાની ગર્લ ફ્રેન્ડની કસ્ટડી મેળવવા માગે છે અને અરજદાર સ્વસ્થ મન સાથે પુખ્ત વયની યુવતી હોવાથી તેને પોતાની રીતે નિર્ણય લેવાની સ્વતંત્રતા છે, જે કાયદાનું જતન કરવા અદાલત પ્રતિબદ્ધ છે.

આ કેસમાં ભૂતકાળમાં પણ મુસ્લિમ યુવતીએ મુખ્ય ન્યાયમૂર્તિને પત્ર લખીને પોતાને પોતાના પરિવારની ચુંગાલમાંથી મુક્ત કરાવવા કોર્ટને દરમિયાન થવા વિનંતી કરી હતી. પરિવારમાં પોતાની યૌન શોષણ થતું હોવાનો યુવતીએ દાવો કર્યો હતો. આ યુવતીએ શહેરના એક એનજીઓને પણ એસોએસ મોકલ્યો હતો, પરંતુ તેણે પરિવારનાં દબાણને કારણે પોતાનું ઘર છોડવાનો ઈનકાર કર્યો હતો. થોડા મહિના બાદ આ યુવતીએ પોતાનું ઘર છોડી દીધું હતું અને એનજીઓના આશ્રયગૃહમાં પોતાની ચીજવસ્તુઓ સાથે સ્થળાંતર કર્યું હતું. એવું સૂત્રોએ જણાવ્યું હતું.

એનજીઓના આશ્રયગૃહમાં પોતાનાં રોકાણ દરમિયાન જામનગરથી પોતાની ફ્રેન્ડ ભેટ સોગાદો સાથે અવારનવાર મળવા આવતી હતી, તેની સામે એનજીઓએ વાંધો ઉઠાવ્યો હતો. ત્યાર બાદ એનજીઓ દ્વારા યુવતી સાથેના પોતાના સંબંધોમાં અવરોધો ઊભો કરવામાં આવતા જામનગરની યુવતીએ હાઈકોર્ટમાં હેબિયસ કોર્પસ પિટિશન દાખલ કરીને પોતાની ફ્રેન્ડને છોડાવવા માટે કોર્ટની દરમિયાનગીરી માટે દાદ માગી હતી. જ્યારે હાઈકોર્ટે મુસ્લિમ યુવતીને તેની ઈચ્છા શું છે તે પૂછ્યું ત્યારે તેણે માત્ર એટલું જ જણાવ્યું હતું કે તે જામનગરમાં પોતાની ફ્રેન્ડ સાથે રહેવા માગે છે. હાઈકોર્ટે તેને આ માટે મંજૂરી આપી હતી.

મુસ્લિમ યુવતીએ આ કેસનો નિકાલ નહીં કરવા હાઈકોર્ટને વિનંતી કરીને પોતે એક મહિના બાદ અદાલતમાં પરત આવશે એવું જણાવ્યું હતું. આ મુજબ હાઈકોર્ટે તેને સોમવારે તેની સ્થિતિ અને ઈચ્છા જાણવા બોલાવી હતી. યુવતી સોમવારે હાઈકોર્ટમાં હાજર થઈ હતી અને દોહરાવ્યું હતું કે તેણે જામનગરમાં રહેવાનું પસંદ છે અને ત્યાં રહેવાનું ચાલુ રાખશે. તેણે એવું પણ જણાવ્યું હતું કે તેની ફ્રેન્ડ તેની સારી સારસંભાળ લે છે.

http://sambhaavnews.com/

divyesh

Recent Posts

ચૂંટણી આવતાં વિપક્ષો EVMનો રાગ આલાપે છે

હાલમાં લોકસભા ચૂંટણીનો માહોલ બરાબર જામ્યો છે ત્યારે રાજકીય પક્ષો અને કેટલાક લોકોએ ઇવીએમને બદનામ કરવાનો જાણે કે ઠેકો લીધો…

18 hours ago

મેન્ટેનન્સના ઝઘડામાં 600 હાઈરાઈઝ બિલ્ડિંગમાં ફાયર સેફ્ટી ટલ્લે ચડી

પ્રહ્લાદનગર વિસ્તારના દેવઓરમ ટાવરમાં સર્જાયેલી આગની દુર્ઘટના બાદ મ્યુનિસિપલ સત્તાવાળાઓએ કુંભકર્ણી નિદ્રામાંથી જાગ્રત થઈને શહેરની હાઈરાઈઝ બિલ્ડિંગોની ફાયર સેફ્ટીની ચકાસણી…

19 hours ago

ચૂંટણી આચારસંહિતા હળવી થતાં મ્યુનિ. વહીવટી તંત્રમાં તોળાઇ રહેલા ફેરફાર

ગઇ કાલે લોકસભાની અમદાવાદ શહેર જિલ્લાની ત્રણ બેઠક સહિત રાજ્યની તમામ ર૬ બેઠકોની ચૂંટણી શાંતિપૂર્ણ રીતે પતી ગયા બાદ જિલ્લા…

19 hours ago

નરોડા વિધાનસભા મત વિસ્તારમાં સૌથી વધુ 25 ઇવીએમ-વીવીપેટ ખોટકાયાં

ગઇકાલે અમદાવાદ શહેર-જિલ્લામાં દિવસભર મતદાન શાંતિપૂર્ણ રીતે સંપન્ન થયું હતું. જો કે જિલ્લા ચૂંટણી પંચ દ્વારા મતદાન મથકોમાં મેડિકલ ટીમ…

19 hours ago

ધો.12 સાયન્સનું 9 મે, ધો.10નું પરિણામ તા. 23 મેએ જાહેર થશે

ગુજરાત માધ્યમિક શિક્ષણ બોર્ડ દ્વારા લેવાયેલ ધોરણ ૧૦ અને ૧૨વિજ્ઞાન પ્રવાહની પરીક્ષાનાં પરિણામો આગામી મે માસના અંત સુધીમાં આવી જશે.…

19 hours ago

ઈન્દ્રપ્રસ્થ ટાવરના દસમા માળેથી અજાણ્યા યુવકે મોતની છલાંગ લગાવી

શહેરના ડ્રાઇવઇન રોડ પર આવેલા ઇન્દ્રપ્રસ્થ ટાવરમાં આજે વહેલી સવારે એક યુવકની લાશ મળી આવતાં સમગ્ર વિસ્તારમાં ચકચાર મચી ગઇ…

19 hours ago